Македонија

ВМРО-ДПМНЕ вкупно има 42 градоначалници, СДСМ 16

Вториот круг од гласањето на локалните избори ја комплетира мапата на освоени градоначалнички места во Македонија. 

ВМРО-ДПМНЕ, доби нови 20 градоначалници, а кога ќе се соберат со освоените од првиот круг вкупниот број на општини кои ќе бидат предводени од ВМРО-ДПМНЕ изнесува 42, меѓу кои и нјаголем дел од градовите – Охрид, Битола, Прилеп, Кавадарци, Велес, Штип, Гевгелија, Кочани. Таму се водеше и една од најнеизвесните битки а во фото-финиш победи на Папазов со само 16 гласа разлика.

СДСМ пак, по освоените 9 во првиот круг доби нови 7, со што вкупниот број на освоени општини од СДСМ изнесува 16. Од позначјаните – Струмица, Делчево, Крушево, Демир Капија како и општина Центар, која единствено остана во нивни раце од сите скопски општини..

ДУИ во наредните 4 години ќе управува со 10 општини. Повторно победи во Чаир, Кичево и Струга, но загуби во најзначајната општина за нив – Тетово, каде победи лидерто на БЕСА, Касами. Тие победија и во Желино, а коалицијата Алијанса Алтернатива ги задржа Гостивар и Врапчиште.

Една од најважните битки на локалните избори резултираше со промена на градската администрација и во главниот град Скопје. Независната кандидатка поддржана од ВМРО-ДПМНЕ Данела Арсовска издвои убедлива победа, освојувајќи 118,765 гласа или нешто над 28 илјади повеќе од нејзиниот противник од СДСМ Петре Шилегов кој освои 90,682.

-По тешки битки ако можам така да се изразам во оваа кампања, мој противник не беше само стариот градоначалник туку и премиерот во заминување и на мое навистина големо задоволство истакнувам дека за прв пат во 30 години независна Македонија, Скопје има жена за градоначалник, изјави Данела Арсовска.

-Оставивме неизбришливи траги, нашите булевари, мостови, кејови и зелени кровови никој веќе не може да ги избрише. Драго ми е што Скопје го оставивме во позиција да едноставно неговиот развој мора да помине. Ние ќе бидеме тука и понатаму за сите прогресивни сили во Скопје да продолжи борбата да расте како еден модерен и развиен град.вели Шилегов.

Во Карпош нов градоначалник е Стевчо Јакимовски од ГРОМ кој го победи Весковски од СДСМ со разлика од околу 1,800 гласа, слична разлика има и во Центар каде победа издвои кандидатот на СДСМ Герасимовски.

Градоначалничка функција освоија и независните кандидати во Куманово- Максим Димитриевски и Зоран Ногачески во општината Дебарца

Кошарка

Шекил ги загрижи фановите, објави фотографија од болнички кревет

Еден од најдобрите центри во историјата на кошарката, легендарниот Шекил О'Нил ја загрижи јавноста со последната фотографија од болница која ја објави на Твитер.

Шек објави фотографија на која лежи на болнички кревет со порака дека слуша подкаст што го водат Ерни Џонсон и Кендис Паркер.

Американските медиуми не знаат што се случило со познатиот кошаркар и засега само шпекулираат. О'Нил на Твитер објави дека треба да внимавате на пилешко на скара, па некои медиуми пишуваат дека бил отруен, а други тврдат дека го оперирал колкот. Засега сето тоа е непотврдено.

Шоу биз

Тејлор Свифт со еден потег на сцената ги шокира фановите: Дали ѝ е добро? (ВИДЕО)

Тејлор Свифт ги воодушеви обожавателите на нејзините први два настапи на нејзината многу очекувана турнеја The Eras, но ги изненади фановите со еден потег.

Пејачката за време на настапот скокна од сцената и „нурна“ под неа, а снимката од тој момент стана вирален хит.

„Ова е најлудото нешто што сум го видел“, „Зошто пливаше, дали е добро?“, „Дефинитивно најдобриот момент на концертот“, „Сè уште не ми се верува дека Тејлор го направи тоа“, се само некои од реакциите на Твитер.

Малку подолго видео беше објавено и на TikTok и за кратко време собра повеќе од 15,6 милиони прегледи. „Таа навистина реши да ја надомести целата таа драма со билетите“, „Не ми се верува дека можеше да го задржи здивот толку долго“, „Во што скокна?“ се само дел од коментарите на корисниците.

@awkwatree The most impressive moment from @taylorswift ‘s #theerastour ♬ original sound - Awkwatree

Инаку, Тејлор на концертот во петокот изведе 44 песни, нови и стари, а на стадионот State Farm во Аризона се собраа околу 80.000 фанови. Американскиот град беше преименуван поради овој концерт. Турнејата на Тејлор Свифт го собори рекордот по бројот на продадени билети за концерт од уметник за еден ден. Продадени се дури 2,4 милиони.

Пејачката последен пат беше на турнеја пред пет години и за тоа време објави четири албуми, меѓу кои и „ Folklore“ ,добитник на Греми. Покрај тоа, само еден ден пред почетокот на турнејата, Свифт објави четири нови песни.

И покрај големиот интерес и пофалби од фановите, турнејата на Тејлор Свифт не помина без скандали. На почетокот на декември минатата година, обожавателите на пејачката поднесоа тужба против Тикетмастер, американска компанија за продажба и дистрибуција на билети.

Тие го обвинија Ticketmaster за „измама, местење цени и кршење на антимонополските права“. Тужбата, исто така, го обвини Ticketmaster за „намерна измама“ што им овозможи на препродавачите и ботовите да земат поголем дел од билетите за турнејата The Erasе.

Тејлор Свифт претходно им се извини на обожавателите, велејќи дека е болно да се гледаат фановите како се мачат да обезбедат билети за нејзината турнеја во САД преку платформата Ticketmaster, на која билетите се продаваат за дури 33.000 евра.

Технологија

Амазон објави планови за укинување на 9.000 работни места

Според извршниот директор на Амазон Енди Џеси., компанијата планира да отпушти дел од вработените во наредните недели. 

Според Блумберг, кратењата пред сè ќе се одразат на центарот за обработка на податоци на Amazon Web Services, кој обезбедува услуги од областа на компјутерски облаци, човечки ресурси, рекламирање и групи од сервисот за пренос во живо Twitch.

Амазон претходно планираше да укине повеќе од 18.000 работни места. Компанијата речиси двојно го зголеми бројот на вработени во изминатите две години, бидејќи побарувачката за онлајн услуги се зголеми поради пандемијата на коронавирус. Сепак, растот на приходите на компанијата забави со укинувањето на рестрикциите.

притисни ентер