Американскиот претседател прво им се заблагодари на медицинските лица за професионалноста во работата.
Трамп истакна дека во болницата Волтер Рид пристигнал бидејќи „не се чувствувал добро“.
-Сега се чувствувам многу подобро. Работиме напорно на тоа што побрзо да се вратам и да продолжиме понатаму , мораме да сториме уште многу за Америка повторно да ја направиме голема, напиша Трамп .
„Не сакав да останам во Белата куќа и да се кријам и да чекам да видам што ќе се случи.Лидерите мора да се соочат со проблемите. Ќе се вратам наскоро и се радувам на тоа што ќе ја завршм кампањата така како што ја започнавме“, пишува Трамп.
Лидерот на САД воедно истакнал дека ова му се случило поради тоа што не сакал да ги слуша советите да се затвори во Белата куќа и да не контактира со никого.
Трамп истакнал дека и неговата сопруга Меланија која имала малку поблаги симптоми од него се чувствува добро
-Малку е помлада од мене и ова го поднесува онака како што е очекувано за нејзините години, дополнува Трамп.