Автомобилизам

Видео: Реклама со 12 антологиски филмски автомобили

Од Батмобил до Де Лореан.

Познатиот американски синџир „ Walmart“ направи неверојатна реклама за својата нова услуга, нарачајте и соберете ја робата.

Поради тоа што оваа понуда не е нешто револуционерно тие одлучиле новата услуга да ја промовираат на вистински оригинален начин, со помош на 12 антологиски филмски автомобили, кои брзаат од една до друга продавница за да ја подигнат робата.

Во рекламата може да се видат автомобилот на Бетмен, (Батмобил), Екто -1 ( Истерувачи на духови), К.И.Т.Т (Knight Rider), Молњата Меквин, (Автомобили), „ Mutt Cutts“(Глуп и поглуп), автомобилот од Парк од времето на Јура, од „Враќање во иднината, пд Трансфорери, ...

На крајот на видеото може да се види како на паркингот стигнува бел Форд од 1979 година кој му припаѓал на основачот на овој американски синџир на продавници Сем Волтон. Иако тој бил еден од најбогатите Американци, Волтон сепак возел само автомобил пик ап се до својата смрт во 1992 година.

Македонија

Ковачки: За Свети Николе предвидуваме изградба на магистрален гасовод до Велес

За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе.

Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот. Затоа ве повикувам сите на 8 мај заеднички да излеземе и да ги донесеме промените. Да ја донесеме победата на Македонија којашто долго се очекува.

Драган Ковачки, носител на изборна единица 3

Свет

При уривање на автопат во јужна Кина загинаа 36 лица

Уривање на дел од автопат во кинеската провинција Гуангдонг предизвика пад на повеќе возила, при што загинаа 36 лица, а 30 беа повредени, јавија денеска државните медиуми, во моменти кога милиони Кинези патуваат за празникот Први мај.

Уривањето, предизвикано најверојатно од пороен дожд, се случи во средата околу 02:10 часот на автопатот Меиџоу-Дабу, јави новинската агенција Синхуа, додавајќи дека урнатиот дел бил долг 17,9 метри и предизвикал пад на 23 возила.

Меиџоу е една од областите во Гуангдонг во јужна Кина, што е силно погодена од поројни дождови и град од крајот на април, што предизвикаа опасни лизгања на земјиштето, поплавени куќи и уништени мостови.

Причината за несреќата се истражува. /МИА

Македонија

Уште пет дена за претставување на предизборните програми и политички понуди

Денеска,е последен ден за објавување на резултати од анкети поврзани со учесниците во изборниот процес.

Кандидатите за претседател на државата, партиите и коалициите имаат уште пет дена за претставување на своите програми и политички понуди пред граѓаните, во пресрет на двојните избори на 8 мај. Кампањата за претседателските и за парламентарните избори завршува во понеделник, 6 мај, на полноќ.

На 30 април заврши пријавувањето за гласање на болните и немоќните лица, а до 4 мај на полноќ тоа треба да го сторат и избирачите кои на денот на гласањето се наоѓаат на издржување мерка куќен притвор. Тие заедно со лицата кои се на издржување казна затвор или се во притвор, како и пријавените од дијаспората гласаат ден пред изборниот ден, на 7 мај.