Венецуелската армија започнува вежби од големи размери како одговор на американското воено присуство на Карибите - Канал 5

Свет

Венецуелската армија започнува вежби од големи размери како одговор на американското воено присуство на Карибите

Падрино истакна дека сите гранки на војската, како и членови на паравоени милиции, учествуваат во вежбата.

Венецуелската армија започнува вежби од големи размери како одговор на американското воено присуство на Карибите

Венецуела мобилизираше речиси 200.000 војници за дводневна вежба насочена кон подобрување на подготвеноста на вооружените сили како одговор на „империјалистичката закана“ што ја претставува американското воено присуство на Карибите, изјави венецуелскиот министер за одбрана Владимир Падрино, цитиран од ДПА.

Падрино истакна дека сите гранки на војската, како и членови на паравоени милиции, учествуваат во вежбата.

Тој го опиша американското присуство на Карибите како „суров напад врз мирот и суверенитетот“ не само на Венецуела, туку и на целиот регион.

Министерот посочи дека вежбата ќе биде насочена и против трговијата со дрога и терористичките групи. Таа е дел од таканаречениот План „Независност 200“, национална одбранбена иницијатива што ја започна авторитарниот венецуелски претседател Николас Мадуро во септември, откако САД почнаа да го зголемуваат своето воено присуство во водите покрај Јужна Америка.

Најголемиот носач на авиони во светот, USS Gerald Ford, пристигна во регионот, соопшти американската морнарица, без да ја открие неговата точна локација.

Вашингтон вели дека неговото воено присуство има за цел борба против меѓународните криминални организации и заштита на САД од трговија со дрога.

САД извршија повеќе воздушни напади врз моторни чамци во близина на Венецуела во последните месеци, а администрацијата на Трамп изјави дека тие биле насочени кон операции за трговија со дрога.

Зголемените тензии со Венецуела поттикнаа шпекулации за пошироки мотиви за распоредувањето на војската, вклучително и оспорување на власта на Мадуро.

Тагови: Венецуела САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Арсовски: Високата излезност укажува дека има многу млади гласачи кои за првпат излегуваат на гласање

Високата излезност укажува дека има многу млади гласачи кои за првпат излегуваат на гласање.

Арсовски: Високата излезност укажува дека има многу млади гласачи кои за првпат излегуваат на гласање

Високата излезност укажува дека има многу млади гласачи кои за првпат излегуваат на гласање, а секој евентуален обид да се оспори резултатот, може да ја втурне Србија во нов период на нестабилност и политичка криза, оценува политичките аналитичар Петар Арсовски за Канал 5.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Избори во Србија: Незапаметени редици од рано наутро, излезноста над 61% до 17 часот

Гласачките кутии во Србија остануваат отворени уште два часа, но веќе сега е извесно дека излезноста ќе биде рекордна.. 

Избори во Србија: Незапаметени редици од рано наутро, излезноста над 61% до 17 часот

До 17 часот гласаа 61% од запишани 6,45 милиони глаѓани, со што се надмина вкупната излезност на претходните избори во 2023 година... Главната битка се води меѓу владејачката СНС предводена од Александар Вучиќ и Студентската листа, додека останатите партии и коалиции се борат да го поминат изборниот праг од 3 проценти за да влезат во парламентот...

Во Белград е Михаило Донев.. Михаило, расте и излезноста, но и напнатоста, со оглед дека високата излезност сугерира дека гласачите бараат промени... Каква е атмосферата во центарот на градот?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Повторно гори „Орловото гнездо“ на Хитлер (ВИДЕО)

Пожар повторно избувна ноќеска во планинското засолниште „Орловото гнездо“ во јужна Германија, кое некогаш го користел нацистичкиот диктатор Адолф Хитлер, соопшти денес баварската полиција. 

Повторно гори „Орловото гнездо“ на Хитлер (ВИДЕО)

„Повторно изгоре до висина на просторијата“, изјави полицискиот службеник.

Пожарникарите беа испратени на историското место, познато во Германија како Келштајнхаус, на самиот врв на планинското одморалиште Оберзалцберг и го изгаснаа пламенот. Не е невообичаено тлеечките жарчиња повторно да разгорат пожар откако ќе се изгасне главниот пожар, додаде службеникот, објави ЗД.

Уапсен маж

Голем пожар избувна во „Орловото гнездо“ во петокот вечерта. Полицијата го уапси осомничениот под сомнение за палење. Првичната психијатриска проценка на 33-годишниот Германец покажа дека тој е ментално болно лице, според обвинителството.

Зградата беше во голема мера уништена во пожарот, а штетата се проценува на милиони евра. „Орловото гнездо“, кое се наоѓа на надморска височина од над 1.800 метри надморска височина, е изградено под нацистичкиот режим во 1930-тите години како дел од комплексот што го користел Хитлер на Оберзалцберг.

Нацистичка историја

Се користи како ресторан од 1952 година. Сепак, објектот бил затворен во петокот и никој не бил повреден во пожарот. Хитлер го посетил „Орловото гнездо“ неколку пати за да прими дипломати и други странски гости, според локалниот туристички одбор во градот Берхтесгаден.

Сепак, од политичка гледна точка, ова засолниште „останало од мало значење“ и главно го користеле високи нацистички функционери за одмор, слободно време и приватни прослави, додава здружението. Денес, во него се одржува изложба што ја прикажува неговата нацистичка историја.

Тагови: Адолф Хитлер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер