Македонија

Тушевска: Зголемено производство и извоз на земјоделски производи, реалната и редовна поддршка на Владата

Зголемено производство и извоз на земјоделски производи, реалната и редовна поддршка на Владата предводена од ВМРО-ДПМНЕ за македонските земјоделци дава резултати.

Пред две години во земјоделство затекнавме институции во застој, нерешени предмети, неисплатени плати и субвенции, блокирани проекти и континуиран пад на земјоделското производство.

Само кај производителите на млеко имаше неисплатени субвенции за цели 17 месеци, додека бројни обврски од периодот 2020 – 2024 останаа нерешени и над 1.600 вработени во ЈП Национални шуми и АД Водостопанство повеќе од 4 месеци беа оставени без плата, здравствено и пензиско осигурување.

За само две години, Владата предводена од ВМРО-ДПМНЕ успеа да ја смени оваа слика и денес Македонија бележи раст на земјоделското производство и на извозот, така во 2025 година извозот на земјоделски производи и преработки достигна 417 милиони евра, со суфицит од 215 милиони евра.

Според Државниот завод за статистика, производството на кравјо млеко е зголемено за 2,7 проценти, овчото млеко за 4%, се зголеми и производството на свинско месо со што се задоволува целокупната количина која е потребна за домашниот пазар. Лани се произведоа и откупија околу 300.000 тони пченица, количина што ги задоволува домашните потреби.

Паралелно со растот на производството, ја реализиравме и најважната обврска кон земјоделците, редовна и навремена исплата на субвенциите.

Од кога ја презедовме власта, Владата предводена од ВМРО-ДПМНЕ до денес исплатени се повеќе од 15 милијарди денари субвенции, а само во првите месеци беа исплатени околу 4 милијарди денари заостанати средства.

Субвенциите во сточарството ги зголемивме за 50 проценти и се укина непотребната бирократија со двојното пријавување, со што спречивме околу 7.000 земјоделци да останат без финансиска поддршка.

Од друга страна, обезбедивме поголема поддршка за производителите, така што откупната цена на тутунот се зголеми на 400 денари за прва класа и се донесе долгоочекуваната методологија за пресметка на производната цена на винското грозје, што резултираше со највисоки откупни цени за лозарите и зголемување од 25%.

Посебно внимание посветивме на младите земјоделци за кои се одобрија 117 проекти со финансиска поддршка од 69 милиони денари, што претставува повеќекратно зголемување споредено со периодот на власт на СДС.

Промоцијата и модернизацијата на македонското земјоделство со современа технологија беше еден од приоритетите, за таа цел се склучија 57 договори во вредност од 34 милиони денари за набавка на специјални комбајни за ориз и мини сушари, како и над 110 договори во износ од 16,5 милиони денари за поддршка на локални саеми и манифестации.

Овие бројки покажуваат дека кога има одговорно управување, резултатите не изостануваат, а Владата предводена од ВМРО-ДПМНЕ ќе продолжува со работа и со политики што носат развој, сигурност и подобар живот за секој земјоделец, рече Јулија Тушевска, пратеник на ВМРО-ДПМНЕ.

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Лос Анџелес добива голем музеј посветен на уметноста на Џорџ Лукас (ФОТО)

Иако патувањата до далечните галаксии од филмовите на Џорџ Лукас се уште се недостижни, неговиот Музеј на наративна уметност, кој се отвора во Лос Анџелес во среда, даде подетален поглед на уметноста и приказните зад франшизата „Војна на ѕвездите“.

„Ова е голем ден за нас бидејќи ни требаше многу долго време за да го постигнеме ова“, рече Лукас на медиумски настан пред отворањето на музејот за јавноста на 22 септември.

„Тоа е нешто за кое навистина, навистина се грижев, во однос на оддавањето почит на илустраторите. Уметници кои цртаат приказни што веќе се напишани“, додаде 82-годишниот режисер.

Мала група посетители имаа можност првпат да го погледнат кампусот на четири хектари во Изложбениот парк посветен на наративната уметност. Рајан Линкоф, виш куратор на музејот и директор на филмските програми, го опиша како „уметност на илустрирање приказни“.

Колекција од дел во музејот

Музејот содржи зелени површини и зграда со површина од 27,8 илјади квадратни метри со галерии, две кино сали, библиотека, ресторан, кафуле, продавница и социјални простори, пишува Ројтерс.

Неговата колекција вклучува дела од стрип уметникот Џек Кирби, сликарот Норман Роквел, уличниот уметник Бенкси и илустраторот Кадир Нелсон, заедно со архивата на Лукас од модели, реквизити, концептуална уметност и костими.

За сопругата на Лукас, Мелоди Хобсон, коосновач на музејот, новата институција е подеднакво за заедницата колку и за уметноста.

„Им кажувам на луѓето дека Музејот на Лукас е место создадено од луѓето за луѓето“, рече таа на церемонијата, парафразирајќи го познатиот говор на американскиот претседател Абрахам Линколн во Гетисбург.

Се отвора на крајот од месецот

Ма Јансонг, архитект и основач на студиото MAD Architects, лидер во креирањето на футуристичкиот дизајн на музејот, рече дека многу му значело да создаде нешто толку посебно со Лукас во Лос Анџелес.

„Беше задоволство да се работи на овој проект со Џорџ. Тој е сонувач. Тој прави филмови. Сега го остваруваме тој сон. Тоа е и мојот сон. Знаете, создавање нов симбол на Лос Анџелес, овој град на соништата“, рече тој.

Иако отворањето на музејот подоцна овој месец претставува пресвртница за Трејси Бејтс, извршен директор на Музејот на наративна уметност Лукас, таа нагласува дека неговиот успех ќе се мери низ генерациите, а не на денот на отворањето.

„Ова е изградено за да биде долгорочна институција. Ќе живее долго по Џорџ, Мелоди и мене, па затоа вистинскиот успех е всушност да се биде дел од културната заедница на Лос Анџелес долго време“, заклучи таа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Високите температури во Белгија предизвикаа речиси 3.000 дополнителни смртни случаи

Топлинските бранови од 18 јуни до 16 август предизвикаа дополнителни 2.935 смртни случаи во Белгија, односно 22,6 проценти повисока смртност, објави денес јавното здравствено тело Скиенсано.

Од 18 јуни до 3 јули, Белгија регистрираше најголем број смртни случаи, со дополнителни 2.035 смртни случаи, или 48,8 проценти над очекуваните нивоа, објави Скиенсано.

Почнувајќи од 18 јуни, максимални температури од околу 30 степени Целзиусови беа регистрирани десет последователни дена, вклучувајќи три дена со температури од околу 35 степени Целзиусови, со исклучително топли ноќи во текот на периодот. Скиенсано рече дека бројот на смртни случаи од 18 јуни до 3 јули е највисокиот регистриран за време на топлотен бран откако започнаа анализите во 2000 година.

Два други периоди на топлотни бранови, од 4 до 17 јули и од 28 јули до 16 август, регистрираа помала смртност, со 535 дополнителни смртни случаи (14,8 проценти) и 365 дополнителни смртни случаи (7 проценти), соодветно.

Помладите луѓе се исто така изложени на ризик

Додека луѓето на возраст од 65 години и постари сочинуваат најголем дел од смртните случаи поврзани со топлотни бранови, Скиенсано објави дека и кај помладите луѓе има прекумерни смртни случаи.

Европа доживеа неколку топлотни бранови во текот на летото, а Метеоролошката агенција на ОН минатиот месец соопшти дека периодите на екстремна топлина стануваат сè почести, поинтензивни и подолготрајни.

Тагови: Белгија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Македонија е сè што имаме“ - свечен настан на СДСМ по повод 35 години независност

Независниста ја добивме пред 35 години, нејзината смисла треба да ја докажуваме секој ден, порача лидерот на СДСМ Венко Филипче .

Независниста ја добивме пред 35 години, нејзината смисла треба да ја докажуваме секој ден, порача лидерот на СДСМ Венко Филипче вечерва на свечениот настан во македонската Филхармонија по повод 35 години од независноста, на која се фокусираше и на европската перспектива на земјата но и на наследството на Глигоров за иднината на државата..

Во рамки на настанот, премиерно беше прикажан документарниот филм „Глигоров од Македонија“, дело на Никола Т. Калајџиски и Аристид Филактов, посветен на првиот претседател на независна македонија, Киро Глигоров.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.