Традиции за Велигден во Белгија:Исчезнати камбани, лов на јајца, велигденска трпеза со јагнешко - Канал 5

Свет

Традиции за Велигден во Белгија:Исчезнати камбани, лов на јајца, велигденска трпеза со јагнешко

Според оваа легенда, која датира од седмиот век, на Велики четврток „исчезнуваат“ црковните ѕвона и „заминуваат“ во Рим за да ги благослови папата. 

Традиции за Велигден во Белгија:Исчезнати камбани, лов на јајца, велигденска трпеза со јагнешко

Чествувањето на Воскресението на Исус Христос во Белгија, покрај со заедничките карактеристики со сите христијански заедници, како вапцањето јајца, постот и одењето на црковна служба, има своја особеност поврзана со легендата за исчезнувањето и враќањето на камбаните.

Според оваа легенда, која датира од седмиот век, на Велики четврток „исчезнуваат“ црковните ѕвона и „заминуваат“ во Рим за да ги благослови папата. Поради ова, камбаните на црквите во Белгија не бијат од Велики четврток до сабота на полноќ и доаѓањето на Велигден. Според преданието, во Рим ѕвоната „собираат“ јајца, кои ги расфрлаат на „враќањето дома“ и затоа на Велигден се одржува потрага по нив.

Одбележувањето на Велигден во Белгија традиционално започнува 40 дена пред Денот на воскресението, кога се одржуваат карневали посветени на славење на животот, со кои се означува почетокот на велигденскиот пост.

Почетокот на Светата недела пред Велигден се чествува со празникот Цветници со кој се одбележува влегување на Исус во Ерусалим јавајќи на магаре, пречекан од толпата со гранки и листови од палми. Затоа за време литургиската служба на Цветници на верниците во белгиските цркви им се даваат гранчиња од зеленика. Бојата на литургиската одежда на свештениците на Цветници е црвена.

Кулминацијата на чествувањето почнува на Велики четврток, на денот кога, според библиската традиција, Исус имал Тајна вечера, последниот оброк со своите ученици, на кои им ги измил нозете и им поделил леб и вино. Во чест на оваа предание, на црковните литургии на Велики четврток симболично се повторуваат овие гестови и на присутните верници им се делат леб и вино. Литургиската одежда на свештениците на оваа миса е во бела бела.

Според библиските евангелија, Исус е уапсен во текот на ноќта по вечерата поради тоа што „неговото учење го нарушува јавниот ред и верскиот поредок“ и е осуден да биде распнат на ридот Голгота, каде и умира на Велики петок, по што неговото тело веднаш е положено во гробница.

Во чест на оваа „страдалничка смрт на Исус“ за време на литургиските служби на Велики петок се читаат извадоци од Библијата за неговото страдање. По завршувањето на литургиите верниците го допираат крстот како гест на сострадание со Исус. Бојата на литургиската свештеничка облека во белгиските цркви на Велики петок е црвена или црна.

Велики петок е и ден на пост кога верниците во Белгија се воздржуваат од јадење месо и производи од животинско потекло.

На овој ден домовите и излозите на продавниците се украсуваат со велигденски симболи, како зајачиња, кокошки, панделки и сезонски цвеќиња.

Велика Сабота е ден кога верниците чекаат во тишина и тој ден не се одржуваат литургиски служби, иако во некои цркви во Белгија се прави т.н. Велигденско бдеење со свеќи.

Според библиската традиција, в недела гробницата на Исус е пронајдена празна и тој воскреснат од мртвите им се јавува на неговите ученици. Одбележувањето на Христовото воскресение се означува со огласување на камбаните на црквите во Белгија, по тридневниот молк, кога верниците почнуваат со славење на тој чин извикувајќи: „Алелуја, Христос воскресна, навистина воскресна!“.

Со литургиските служби в недела на Велигден се одбележува воскресението на Исус и по тој повод се пали нова пасхална свеќа. Бојата на литургиската одежда на свештениците на Велигден е бела.

Како празник на животот и триумф на животот над смртта, Велигден се слави и со јадење јајца, како симболи на новиот живот и повторното раѓање.

Традиција за неделното утро на Велигден во Белгија е „потрагата по јајцата што ги исфрлиле камбаните враќајќи се од Рим“. За таа цел родителите кријат јајца, најчесто чоколадни, фигури во форма на ѕвона, кокошки, зајачиња... или играчки во своите градини или внатре во домот, во зависност од временските услови, кои потоа децата почнуваат да ги бараат. Покрај овие „семејни потраги“, многу градови и села во Белгија организираат и „лов на јајца“ во локалните паркови.

Традиционалниот семеен оброк в неделата на Велигден генерално се базира на јагнешко месо, придружувано со компири, шунка, колачи и сладок леб.

Во земјата позната по чоколадото, чоколадните производи се најпродавани за време на Велигден. Така се изработуваат јајца и други фигури од чоколадо, кои се полнат со филови од лешници, фстаци или марципан.

Во Белгија, училиштата не работат седмицата пред и по Велигден, односно учениците се на двонеделен Велигденски распуст. Понеделникот, Втор ден Велигден, е државен празник во Белгија, но многу установи не работат ниту на Велики петок, иако официјално тој не е празник.

Оваа година, кога Велигден се прославува на ист ден и по Грегоријанскиот и по Јулијанскиот календар, во организација на Македонската православна црковна општина „Св. Илија – Св. Архангел Михаил“ од Брисел денеска во бриселската „Европска капела“ ќе се одржи Велигденска литургија за македонските православни верници во Белгија.

Тагови: Велигден

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Едноставна прошетка се претвори во драматичен инцидент за 19-годишник од Сантијаго, главниот град на Чиле.

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Младиот човек безгрижно одел по тротоарот кога, од никаде, пред него се појавило тркало од автомобил и со голема брзина излетало од правец на улицата.

Тој поминал со полесни повреди

Снимка од надзорна камера го забележала драматичниот момент во кој момчето било соборено на земја од силата на ударот, по што загрижените сограѓани му се приближиле.

И покрај сè, 19-годишникот преживеал и бил пренесен во клиниката Санта Марија, каде што добил прва помош за повреди на челото, лицето и градите.

Надлежните органи го идентификувале возилото од кое се откинало тркалото, како и возачот, а започната е истрага за да се утврдат околностите на бизарниот инцидент.

Тркалото удрило и во два автомобила

Според изјавата на возачот, автомобилот бил паркиран во гаражата непосредно пред несреќата. Додека возел, едно од тркалата одеднаш се откинало, објавува Иефимерида.

Прво удри во два автомобила, потоа се одби и со голема брзина летна на широкиот тротоар на авенијата Лос Леонес. Во следниот момент, силно го удри 19-годишникот одзади, соборувајќи го на земја.

Тагови: момче тркало

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Апокалиптични снимки од Нов Зеланд: Десетици китови умираат на плажа (ВИДЕО)

Десетици китови-пилоти се пронајдени насукани на плажа на Северниот остров на Нов Зеланд, а спасувачите се обидуваат да ги вратат малкуте преживеани во морето, соопшти Одделот за заштита на природата.

Апокалиптични снимки од Нов Зеланд: Десетици китови умираат на плажа (ВИДЕО)

Најмалку 20 китови-пилоти се насукани по должината на брегот на Нгави, во близина на ’ртот Палисер, најјужната точка на Северниот остров, според „The Straits Times“.

Одделот соопшти дека соработува со локалното племе Маори и Проектот Џона, организација специјализирана за спасување на насукани китови. Досега, две животни се успешно вратени во морето.

Според локалните жители, дури 50 китови се насукале на брегот преку ноќ, објави Радио Нов Зеланд.

Повеќето од животните им подлегнале на повредите, додека волонтерите се обидуваат да ги одржат преживеаните китови во живот и да спречат нивно дехидрирање користејќи кофи со вода и крпи.

„Ужасно е. Оние што се уште се живи едвај дишат“, изјави жителот на Нгави, Роб Барг, за Радио Нов Зеланд.

Проектот Џона објави на Фејсбук на 5 ноември дека четири од китовите се уште се живи и дека спасувачите ќе се обидат да ги вратат во морето при плима. Насукувањето на китови е релативно честа појава во Нов Зеланд и соседна Австралија, поради големиот број китови-пилоти кои ги населуваат длабоките води околу двете островски земји. Причината за феноменот е сè уште непозната.

Тагови: китови Нов Зеланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Кенискиот суд денеска го осуди водачот на сектата Пол Мекензи на 200 години затвор за убиство на 190 деца кои биле изгладнети до смрт и закопани во шумата по негова наредба. 

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Тие се меѓу околу 500 лица осомничени дека се поврзани со едно од најлошите масовни ритуални злосторства во модерната историја.

Казната се состои од 100 години затвор за убиствата од глад и уште 100 години за директните убиства, изјави судијката Дијана Кавеџа читајќи ја пресудата, објави Ројтерс.

Обвинителството изјави дека Мекензи, кој водел апокалиптична христијанска црква во шума во близина на брегот на Индискиот Океан во источна Кенија, им рекол на своите следбеници да се изгладнат себеси и своите деца до смрт за да стигнат до рајот пред крајот на светот.

Неговите соучесници им се заканувале и ги тепале жртвите за да ги принудат да ги следат неговите наредби. Изгладнетите тела биле пронајдени расфрлани во плитки гробови и фрлени во тоалети. Некои жртви биле закопани живи.

Макензи, облечен во сива поло маица и црни панталони, се насмевна додека влегуваше во шатор поставен пред судот каде што се одржуваше рочиштето.

Тој ги негираше обвиненијата за убиство, велејќи дека не ги принудил жртвите да гладуваат. Судот ја отфрли неговата одбрана.

Татко загубил шест деца

Случајот ја шокираше Кенија во април 2023 година, кога полицијата почна да открива тела во шумата Шакахола, во близина на крајбрежниот град Малинди.

Иако судењето ги опфаќа само случаите на 190 деца и една возрасна жртва, Националната комисија за човекови права на Кенија вели дека вкупно 448 тела се пронајдени во шумата.

Макензи е обвинет и за наредба за убиства на 52 лица пронајдени на друга локација, во село оддалечено 30 километри, со што бројот на потенцијални жртви се зголеми на 500. Во тој случај, тој се изјасни за невин.

Размерот на убиствата е споредлив со апокалиптичниот култен злостор во кој загинаа повеќе од 700 луѓе во Уганда во 2000 година, како и масакрот во Џонстаун во Гвајана во 1978 година, кога американски водач на секта им наредил на повеќе од 900 луѓе да пијат отров.

Стивен Мвити, 48, татко на шесте деца на Мекензи кои биле жртви и сопруг на еден од неговите осудени соучесници, рече дека неговата сопруга ги однела децата во Шакахоле, каде што умреле од глад.

Дури и ако возрасните се согласат да постат, „што е со децата?“, праша Мвити за Ројтерс пред пресудата.

„Ги изгубив моите деца и нема да можам да ги вратам, без разлика што ќе се случи со Мекензи и неговите соучесници“, рече Мвити.

„Очекувам да биде осуден на смрт или доживотен затвор, за да не излезе никогаш и да предизвика повеќе смртни случаи.“

Ден Мекензи, еден од синовите на Пол, рече дека неговиот татко не го поштедил своето семејство.

„Не завршив во Шакахола затоа што повеќе не верував дека ќе одиме во рајот. Затоа ја напуштив црквата и почнав да си го правам своето“, изјави тој за Ројтерс.

„Исто така, изгубив пријатели, како и помлад брат. Ова е правда за луѓето што ги изгубивме таму во Шакахола.“

Важен чекор, но потребна е поголема одговорност

Макензи е на радарот на властите од 2017 година, кога полицијата изврши рација во неговите простории. Властите ја затворија неговата црква во Малинди во 2019 година, по што тој се пресели во блиската шума Шакахола.

Откритијата доведоа до повици за построги контроли врз религиозните групи

Кенискиот претседател Вилијам Руто назначи работна група во мај 2023 година за да ја разгледа законската и регулаторната рамка. Одделни предлози поддржани од владата и Сенатот беа објавени во 2024 година, но сè уште не се усвоени.

Оџиро Одиамбо, раководител на единицата за брза реакција во Комисијата за човекови права на Кенија, рече дека пресудата е важен чекор, но дека одговорноста мора да се прошири, бидејќи локалните администратори, полицијата, разузнавачките службеници и верските водачи се сметаат за одговорни за тоа што не постапиле по повторените предупредувања.

„Сите овие луѓе ги изневериле граѓаните“, рече тој.

Руто во 2023 година изјави дека како претседател ја преземал одговорноста за неуспехот на владата да спречи умирање на луѓе.

Тагови: затвор секта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер