Тимот на Трамп го исмева Зеленски: Си замина гладен, а еве што имаше за ручек во Белата куќа - Канал 5

Свет

Тимот на Трамп го исмева Зеленски: Си замина гладен, а еве што имаше за ручек во Белата куќа

Заменик-шефот на кабинетот на американскиот претседател Доналд Трамп,Ден Скавино,на социјалната мрежа Х сподели што имало на менито за ручекот на кој требаше да присуствува украинска делегација предводена од украинскиот претседател Володимир Зеленски.

Тимот на Трамп го исмева Зеленски: Си замина гладен, а еве што имаше за ручек во Белата куќа

Според објавеното мени, на гостите требало да им се послужи зелена салата со домати, зелка и аспарагус, за главното јадење било подготвено пилешко со рузмарин, а за десерт – крем бруле, бобинки и колачиња од цитрус.

„Попладнево се одржа ручек со претседателот Трамп и неговиот одличен тим. Во 13 часот и 30 минути, американскиот претседател покани уште неколку членови на тимот поради вишокот места за седење“, напиша Скавино, мислејќи на отсуството на Украинците на масата.

На вчерашната средба во Белата куќа дојде до вербална пресметка меѓу Трамп и Зеленски, по што украинскиот претседател ја напушти Белата куќа, а заедничката прес-конференција беше откажана, како и потпишувањето на најавениот договор за минералните суровини на Украина.

По разговорот со Володимир Зеленски во Белата куќа, Доналд Трамп им наредил на претставниците на националната безбедност да проверат дали Вашингтон може целосно или привремено да ја прекине испораката на оружје за Киев, пишува Волстрит журнал.

Според американскиот весник, американскиот лидер сега решил да почека и да види кои ќе бидат следните чекори на Зеленски.

„Њујорк тајмс“ пишува дека Трамп може да ја прекине не само директната, туку и индиректната воена помош за Украина по она што се случи.

„По спектаклот во Овалната соба, Трамп би можел да одлучи да ја прекине дури и индиректната поддршка за Киев, која вклучува и други форми на воено финансирање, обезбедување разузнавачки информации, обука на украински војници и пилоти и формирање на центар за повици во американската база во Германија“, пишува весникот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заменик-министерката за европски прашања на средба со претставници на француската амбасада: Реформите мора да донесат конкретни резултати

Заменик министерката за европски прашања, Викторија Трајков, оствари средба со Филип Маршето, заменик-амбасадор на Република Франција и францускиот експерт Жером Кел.

Заменик-министерката за европски прашања на средба со претставници на француската амбасада: Реформите мора да донесат конкретни резултати

Во фокусот на разговорот беа реализираните реформи и активностите на институциите за спроведување на Реформската агенда и приоритетите за наредниот период.

„Нашата цел е реформите да не останат само обврски на хартија, туку да донесат мерливи резултати, поефикасни институции и подобри услуги за граѓаните. Посветени сме на спроведување на Реформската агенда 2024–2027 и исполнување на европските стандарди преку конкретни активности, јасна одговорност и континуирано следење на постигнатото“, истакна Трајков.

На средбата беше нагласена важноста на соработката со Франција, размената на експертски искуства и континуираниот дијалог во поддршка на реформскиот процес и европската интеграција на нашата земја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху води на изборите, но нема мнозинство за влада

Досегашните преброени гласови од изборите за Кнесетот во Израел покажуваат дека Бенјамин Нетанјаху е во водство.

Нетанјаху води на изборите, но нема мнозинство за влада

Со преброени 85 проценти од гласовите, неговиот блок предводен од партијата Ликуд, се очекува да освои 53 пратенички места.

Главниот ривал на Нетанјаху – поранешниот началник на генералштабот на армијата – Гади Ајзенкот и неговиот опозициски блок, е на пат да освои 48 места. Арапските партии, според резултатите, би можеле да освојат рекордни 19 места. За мнозинство во Кнесетот, кој има 120 пратеници, потребни е 61 освоено место.

Нетанјаху и Ајзенкот најавија дека ќе се обидат да формираат владина коалиција, а не се исклучува и влада на национално единство, бидејќи повеќето еврејски партии ја отфрлаат можноста за соработка со арапските партии. Сè уште не се преброени меѓу 430.000 и 480.000 гласачки ливчиња. По конечните резултати се очекува претседателот Исак Херцог да се консултира со политичките партии, а доколку не биде формирана влада, израел би можел да оди на нови избори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Модар патлиџан со мелено месо

Во четврток (22.10.2026) во емисијата гостин ни бeше Васко Форти.

„Гответе со Дракче“ - Модар патлиџан со мелено месо

Состојки за денешниот рецепт:

2 модри патлиџани

250 - 300 гр. мелено месо

1 главица кромид

150 мл. доматен сос

3 чешниња лук

маслиново масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер