Тимот на „Соба со пијано“ очекува да биде македонски кандидат за „Оскар“ - Канал 5

Култура

Тимот на „Соба со пијано“ очекува да биде македонски кандидат за „Оскар“

Тимот што го подготви и сними најновиот македонски игран филм „Соба со пијано“, по синоќешната прва средба со публиката денеска во фестивалскиот прес центар на ИФФК „Браќа Манаки“ ги пренесе импресиите по светската премиера, очекувањата да бидат номинирани како македонски кандидат за „Оскар“, а најави и подготовка на новиот филм „Манаки“ во режија на Игор Иванов-Изи.

Тимот на „Соба со пијано“ очекува да биде македонски кандидат за „Оскар“
На денешната средба со новинарите режисерот Иванов посочи дека исполнети се неговите очекувања и е радосен што токму „Соба со пијано“ го отвори 34-то издание на ИФФК „Браќа Манаки“ во Битола.

- Ние не сме прв пат во Битола и знаеме со каква публика се соочуваме, со една прекрасна атмосфера и во исчекување на македонски игран филм. За среќа во последниве години таква филмска продукција има и радосни сме што го отворивме овој фестивал. Во филмот нема позитивни и негативни ликови, апсурдот е позитивната страна на животот затоа што животот е апсурд во секоја смисла на зборот. За нас како автори, овој филм претставува едно своевидно патување низ историјата на кинематографијата. Ризикот беше наш најголем предизвик и само така може да се постигне успех, без ризик нема успех, истакна режисерот Иванов.

„Соба со пијано“ е вториот игран филм во режија на Игор Иванов, по неговото деби со „Превртено“, а на денешната прес конференција ја најави подготовката на третиот македонски игран филм „Манаки“.

- Подолго време, неколку години подготвуваме нов македонски игран филм чиј синопсис го заштитивме во авторска агенција во Франција. Овој проект се вика „Манаки“. Ние сакаме да направиме филм за браќата Манаки, проект посветен на сите премрежја низ кои минуваат нивните животи и нивното раѓање во Егејска Македонија, школувањето во Солун и преселбата во Битола. Во филмот ќе биде опфатен периодот на Првата и Втората светска војна, Балканските војни и се што се случувало на овој простор гледан преку камерата на браќата Манаки. Ние сме во процес на пишување на сценарио и истражуваме. Во тој филм ќе има и многу контраверзи бидејќи приказната за браќата Манаки секоја од соседните држави ја гледа на свој начин и затоа ќе биде историски предизвик, појасни режисерот Иванов.

Продуцентот на „Соба со пијано“ Томи Салковски истакна дека филмот вечер ќе биде прикажан во Скопје со што почнува кино-животот на овој проект кој очекува да биде македонскиот претставник, номиниран пред американската филмска академија за наградата „Оскар“. /Извор: МИА/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Руски балистички ракети го погодија Киев, оштетија мост и повредија шест лица

Неколку бранови руски балистички ракети го погодија Киев ноќеска, само неколку часа откако претседателот Володимир Зеленски предупреди дека Русија подготвува уште еден голем напад врз инфраструктурата.

Руски балистички ракети го погодија Киев, оштетија мост и повредија шест лица

Според властите, најмалку шест лица во градот Киев се повредени, заедно со уште едно лице во околната киевска област. Меѓу повредените во Киев е и 14-годишно девојче, изјави градоначалникот на Киев, Виталиј Кличко. Двајца од повредените се хоспитализирани.

Рускиот напад, исто така, го оштети клучниот Северен мост во Киев, кој во моментов е затворен за сообраќај во двата правци, додаде тој. Од утрото, оштетени се коловозот, тролејбуската контактна линија и далноводот, рече Кличко.

„Сообраќајните работници и комуналните работници веќе работат на Северниот мост“, увери градоначалникот.

Додека воздухопловните сили на Украина предупредија дека балистичките ракети се насочени кон главниот град, серија експлозии го потресоа градот. Првиот бараж од ракети го нападна Киев брзо, а воздухопловните сили објавија дека најмалку шест ракети биле лансирани кон градот во рок од неколку минути непосредно пред 23 часот локално време на 6 ноември.

До утрото на 7 ноември, воздухопловните сили објавија дека Русија лансирала 172 дронови од типот Шахед, од кои 137 со млазен погон, и неодреден број балистички ракети кон Украина преку ноќ. Воздухопловните сили тврдеа дека собориле или потиснале четири балистички ракети и 149 дронови од типот Шахед, вклучувајќи 117 дронови со млазен погон, на 24 локации.

Тагови: балистички ракети Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Терористички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Најмалку пет лица се убиени, а десет се ранети во пукотница во близина на главниот плоштад во полскиот град Краков, јавува ТВН 24, а пренесува Ројтерс.

Терористички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Полскиот премиер Доналд Туск напиша на X дека полицијата го истражува инцидентот и дека добива информации од Министерството за внатрешни работи.

Според Би-Би-Си, меѓу ранетите има и полицајци.

Според полицијата, луѓето биле застрелани на случаен избор од маж кој отворил оган со автоматско оружје од автомобил.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Поддржувачите на Албанската демократска партија денес започнаа марш од седиштето на партијата до кабинетот на премиерот, како дел од протестот против владата, објави албанскиот „Евроњуз“.

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Демонстрантите, предводени од пратениците Фламир Нок, Агрон Џекмарк и други, се придружија на студентските протести составени од млади луѓе од различни градови во земјата.

Тие ги повикаа граѓаните, професорите и другите да им се придружат, нагласувајќи дека продолжуваат да ги отфрлаат повеќекратните понуди за дијалог од албанскиот премиер Еди Рама.

YouTube video

Рама, исто така, создаде онлајн платформа чија цел, како што изјави, е да служи како простор за комуникација првенствено со студентите, но и со другите граѓани.

Според него, платформата е „функционален мост“ отворен 24 часа на ден, преку кој можат да се испраќаат прашања, критики и предлози.

Тој рече дека нема забранети прашања и дека сака да разговара со студентите.

Академиците постојано го отфрлаат повикот на Рама за дијалог, кој беше придружен со предлог за одржување состаноци пред зградата на владата.

Платформата предвидува одржување на доверливоста на корисниците, додека пристапот се остварува преку идентификација на порталот е-Албанија.

„Се очекува пораките од пошироко значење да добијат јавни одговори, додека индивидуалните проблеми ќе бидат проследени до надлежните институции“, пишува „ Albanian post “.

Тагови: Албанија Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер