Телото на принцот Филип нема да биде изложено, кралското семејство ќе организира скромен погреб - Канал 5

Живот

Телото на принцот Филип нема да биде изложено, кралското семејство ќе организира скромен погреб

Бакингемската палата соопшти дека кралицата Елизабета Втора ги разгледува детали за погребот на починатиот сопруг, принцот Филип, кој ќе биде скромен поради епидемијата на коронавирусот.

Телото на принцот Филип нема да биде изложено, кралското семејство ќе организира скромен погреб

Организацијата задолжена за кралскиот протокол соопшти дека погребот нема да биде со државни почести и дека телото на сопругот на кралицата нема да биде изложно за јавноста. Ковчегот со посмртните останки ќе биде во дворецот Виндзор, пред погребот со капелата Сент Џорџ во согласност со обичаите и желбите на кралицата. На погребот ќе може да присуствуваат најмногу 30 лица согласно мерките. И самиот принц Филип претходно изјавил дека сака скромен погреб. Ѕвоната на Вестминстерската катедрала вчера се огласија 99 пати во знак на почит кон принцот кој имаше 99 години. Почесна стрелба е планирана за денеска во целата земја. Останатите детали и датумот на погребот дополнително ќе бидат соопштени.

Принцот Хари ќе присуствува на погребот на неговиот дедо принцот Филип најверојатно без придружба на неговата сопруга Меган Маркл.

Војводата од Сасекс, според британските медиуми, се очекува да се врати во Велика Британија од САД на погребот на неговиот дедо, војводата од Единбург, и покрај широко распространетите ограничувања за патување.

Сепак, се смета дека е малку веројатно дека војвотката, која веќе е во доцна бременост со нивното второ дете, ќе му се придружи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжуваат истражувањата на праисториската наколна населба во Дојран

Дојран продолжува да го открива своето богато археолошко наследство.

Продолжуваат истражувањата на праисториската наколна населба во Дојран

Праисториската наколна населба кај Мрдаја, во Стар Дојран ќе се истражува и оваа година. Според информациите од Националната установа „Завод и музеј - Струмица", археолошките истражувања се реализираат со учество на археолошки тим од оваа институција, предводен од м-р Зоран Рујак, археолог советник кустос, а се поддржани од Министерството за култура и туризам.

Годинашната кампања е насочена кон истражување на праисториската наколна населба на брегот на Дојранското Езеро, со посебно внимание на содржините и просторните габарити на населбата, како и на временската рамка во која се одвивал животот во неа.

- Уште на самиот почеток, истражувањата дадоа непроценливи сознанија со кои животот во населбата започнал многу порано отколку што досега се мислеше. Досегашните сознанија зборуваа дека наколната населба е од доцното бронзено време и преодниот период помеѓу бронзеното и железното време. Со новите истражувања, се појавија докази, за почетоците на животот во населбата, уште во текот на средното бронзено време. Со ова, почетокот на животот во населбата се враќа во првата половина на вториот милениум пред н.е. - се вели во објавата на НУ „Завод и музеј - Струмица".

Според археолошкиот тим, одредени наоди укажале на широка трговска активност со далечните региони, па дури и со бронзанодобската населба на локалитетот Цареви Кули, Струмица. Заедно со неолитската населба на локалитетот Споменикот-Атици, кај Црничани, праисториската наколна населба Мрдаја -Дојран продолжува да биде место каде што археологијата се среќава со богатото културно наследство на Дојран и Југоисточниот Регион на земјава, велат тие.

Покрај археолошките истражувања на праисториската наколна населба Мрдаја -Дојран, во тек е и изработка на Основен проект за Музеј на вода, во водите на Дојранското Езеро.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Валјак за трева прегази поранешен англиски репрезентативец, но, фудбалерот потоа продолжи да игра.

Поранешниот англиски фудбалски репрезенативец Андрос Таунсенд (35), кој настапуваше за Тотенхем, Њукасл, Кристал Палас и Евертон, доживеа неверојатен инцидент додека се загреваше во Тајланд. 

Видео: Валјак за трева прегази поранешен англиски репрезентативец, но, фудбалерот потоа продолжи да игра.

Таунсенд се загреваше за време на полувремето од натпреварот меѓу неговиот тим, Прачуап, и Патани. Додека се обидуваше да ја удри топката, тој излезе од просторот предвиден за загревање.

Во тој момент, кон него се движеше валјак за рамнење на теренот, а возачот не го забележа навреме.

-Валјакот го удри Таунсенд во нозете, го собори на земја, а потоа продолжи да се движи преку неговото тело, стигнувајќи сè до половината. Возачот потоа ја запре машината, а соиграчите на Таунсенд веднаш притрчаа да му помогнат. За среќа, Таунсенд помина без сериозни повреди. По инцидентот, тој го продолжи загревањето, па дури и влезе во игра. Тој ја одигра последната минута од натпреварот, во кој неговиот тим, Прачуап, победи со 3–0.

По бизарниот настан, Таунсенд очигледно одлучи сè да претвори во шега. Тој објави видео од инцидентот на социјалните мрежи и се пошегува на сметка на својот поранешен клуб Стоук Сити, познат по својот физички напорен фудбал. „Стоук не беше толку лош“, рече Таунсенд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ССМ: Синдикална минимална кошница за месец септември 2026 година

Сојуз на синдикатите на Македонија  денеска ја објави Синдикалната минимална кошница за месец септември 2026 година.

ССМ: Синдикална минимална кошница за месец септември 2026 година

Вредноста на синдикалната минимална кошница за месец септември 2026 година изнесува 69 432,00 денари, споредена со вредноста на синдикалната минимална кошница за месец август 2026 год. која изнесува 68 675,00 денари е зголемена за 757,00 денари.

Со изнајмен стан од 60 квадрати за месец септември изнесува 84 807,00 денари.

Структура на новата СMK за месец септември 2026 година

03. Станарина, вода, електрична енергија 21.754

и греење ( со изнајмен стан 60м2 )

Синдикална минимална кошница вкупно: 84.807 100 %

Тагови: ССМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер