Татко не сакал да се фотографира со ќерка му на нејзината свадба, причината е неверојатна - Канал 5

Живот

Татко не сакал да се фотографира со ќерка му на нејзината свадба, причината е неверојатна

Една анонимна корисничка на Редит опишала непријатно искуство што го доживеала со нејзиниот татко на сопствената свадба.

Татко не сакал да се фотографира со ќерка му на нејзината свадба, причината е неверојатна

Во објава на Редит, таа рече дека на нејзината свадба избила расправија, поради што таа им кажала на нејзиниот татко и неговата сопруга да го напуштат настанот. Се` започнало со фотографијата, односно од нејзината желба да се фотографира само со родителите.

„Ги сакав сите традиционални работи. Ако мајка ми се подготвуваше со мене, татко ми ќе ме придружуваше до олтарот...“, напишала таа.

Меѓутоа, новата сопруга на нејзиниот татко рекла дека нејзиниот татко сега е оженет со неа и дека не може да се фотографира сама со родителите. Таткото ја послушал својата нова сопруга и одбил да се фотографира без неа.

„Ми кажа дека многу ме сака, но дека на неговата сопруга тоа нема да и` биде удобно“, напишала невестата.

Тоа довело до расправија, а таа повредена од неговиот избор му рекла да ја напушти венчавката. Утредента и` се јавил во солзи, но таа не сакала да го слушне неговото извинување.

„Му реков дека е добро да има уште една ќерка и да има можност да биде татко на невестата во еден момент“, рекла таа, прашувајќи ги корисниците што мислат за ситуацијата.

„Тоа што го побаравте во никој случај не е неразумно, реакцијата на вашата маќеа беше претерана, а татко ви требаше да ви даде приоритет. Имате целосно право да бидете повредени“, напишал еден корисник.

„Проблемот не е во несигурноста на неговата сопруга, туку во неговата одлука да не и се спротивстави: Го изгубивте сеќавањето што ќе го имавте еднаш во животот“, додал друг.

„Сите требаше да се наредите, со вас во средината, мама и тато до вас, а потоа требаше да му кажете на фотографот да зумира и да ги исече нивните нови партнери. Ја врамувате сликата и ја ставате во вашата куќа за да може вашата прекрасна маќеа да го види тоа при нејзината следна посета. Ситна одмазда“, предложил трет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Кавадарчанец е уапсен- за време на „Тиквешки гроздобер“ му пронашле дрога и пари

Лишен од слобода кавадарчанец, при преглед кај него пронајдена дрога и пари.

Кавадарчанец е уапсен- за време на „Тиквешки гроздобер“ му пронашле дрога и пари

На 05.09.2026 во 22:45 часот, за време на одржување на манифестација „Тиквешки гроздобер“ во Кавадарци, полициски службеници од Отсекот за недозволена трговија со дрога при СВР Велес, го лишија од слобода К.М.(34) од Кавадарци, затоа што при преглед кај него биле пронајдени и одземени бела прашкаста материја и пари.

Тој бил задржан во полициска станица, известен бил јавен обвинител и по документирање на настанот против него ќе биде поднесена соодветна пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Косел трева, па запалил пожар во с. Брезница- уапсен е

Лишен од слобода маж од Македонски Брод, предизвикал пожар во село Брезница.

Косел трева, па запалил пожар во с. Брезница- уапсен е

На 05.09.2026 полициски службеници од ОВР Македонски Брод го лишија од слобода М.Т.(38) од Македонски Брод, постапувајќи по пријава дека на 05.09.2026 околу 10:00 часот предизвикал пожар во с.Брезница, Македонски Брод, така што од искрење на бензински тример за косење, во близина на неговата куќа во с.Брезница, настанал пожар кој се проширил кон соседните имоти.

Повредени лица нема, а пожарот е изгаснат од екипа од ЈП „Национални шуми“ и локалното население. По документирање на настанот ќе следува соодветна пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Инцидент во Англија: Навивач му удри шлаканица на фудбалер (ВИДЕО)

Натпреварот помеѓу Портсмут и Кардиф, кој се одигра вчера во рамките на 5-тото коло од Чемпионшип, беше нарушен со инцидент во кој гостинскиот играч Кристијан Биелик влезе во физичка пресметка со млад навивач. 

Инцидент во Англија: Навивач му удри шлаканица на фудбалер (ВИДЕО)

Сето тоа се случи во 70-тата минута на стадионот Фратон Парк, при што Портсмут водеше со 2-0. Натпреварот заврши со тој резултат.

Поранешниот ученик на фудбалската академија на Арсенал се обиде да ја добие топката што заврши на трибините. Снимките од инцидентот покажуваат како навивачот ја фрла топката од него, на што Биелик реагираше фаќајќи го навивачот за вратот и туркајќи го подалеку. Младиот навивач потоа стана и се обиде да возврати.

Натпреварот беше накратко прекинат, а навивачот кој беше зграбен за вратот од фудбалерот беше отстранет од стадионот. Биелик не беше санкциониран.

Изјави по натпреварот

Тренерот на Кардиф, Брајан Бери-Мерфи, рече дека навивачот го удрил Биелик и ја пофали реакцијата на судијата.

„Сакав да проверам дали е заштитен и дали е добро, и беше. Судијата и неговите помошници се справија со ситуацијата беспрекорно, според мене. Тој рече дека јасно видел што се случило, ги смирил сите и ја спровел правилната постапка. Играчите постојано се изложени на неприфатливи ситуации“, рече тој.

Менаџерот на Портсмут, Џон Мусињо, им се извини на Кардиф и нивните играчи.

„Судијата објасни дека имало врева кога Кристијан тргнал по топката и еден навивач го удрил. Не беше убаво да се види. Само го видов и е добро, но тоа не е важно, вакви работи не треба да се случуваат. Сакаме да создадеме вжештена атмосфера на Фратон Парк, во што успеавме во последните години. Понекогаш се преминува границата, го разбирам тоа, но не мислам дека има потреба од вакви сцени. Им се извинуваме на играчите и на Кардиф и ќе направиме сѐ што можеме за да се осигураме дека ова нема да се повтори.“

Тагови: навивач фудбалер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер