СЗО : Речиси третина од примероците на Ковид-19 покажуваат мутација , но не и потешка форма на болест

Речиси 30 проценти од геномот на вирусот, предизвикувачкиот агенс на ковид-19, собрани од Светската здравствена организација (СЗО) имаат знаци на мутација, но нема докази дека довеле до потешка форма на болеста, изјави официјален претставник.

„Мислам дека е доста распространет“, рече Сума Сваминанат, главен научник на СЗО, за Ројтерс на маргините на конференцијата на Здружението на новинари (АКАНУ) на ООН во Женева.

СЗО собрала 60.000 примероци на вирусот досега, рече таа.

Научниците од истражувачкиот центар „Скрипс“ овој месец откриле дека до април 65% од случаите во светот имале мутирани вируси.

Генетска мутација во новиот коронавирус, со ознака D614G, значително ја зголемува неговата способност да зарази клетки и може да се објасни зошто болеста се шири побрзо во северна Италија и Њујорк отколку порано за време на пандемијата, се наведува во студијата.

Марија Ван Керхове, епидемиолог од СЗО, на денешниот брифинг рече дека мутираниот вирус е идентификуван уште во февруари и циркулирал во Европа и Америка.

„Засега нема докази дека ова води кон потешка форма на болеста“, рече таа.

Шефот на СЗО, Тедрос Аданом Габриезус, рече дека организацијата наскоро треба да ги добие резултатите од клиничките испитувања на лековите кои би можеле да бидат ефективни во лекувањето на ковид-19.

„Скоро 5.500 пациенти во 39 земји во моментот се вклучени во испитувањата“, рече тој на конференцијата, осврнувајќи се на клиничките испитувања што ги води агенцијата на ООН.

Тој рече дека СЗО ги очекува резултатите од спроведените тестови во наредните две недели.

Мајк Рајан, шеф на програмата на СЗО, оцени дека не би било паметно да се предвиди кога вакцината за ковид-19 би можела да биде готова.

Додека развивањето вакцини може да биде ефикасно до крајот на годината, прашање е колку брзо би можело да започне масовното производство, изјави тој пред новинарите на АКАНУ во Женева.

Во моментов нема докажана вакцина против болеста, но 18 потенцијални кандидати во моментот се тестираат на луѓе.

Либанската влада си поднесе оставка поради експлозијата

Либанската влада денеска поднесе оставка, пренесува АФП, а премиерот Хасан Диаб се очекува наскоро да го стори истото. Оваа вест е потврдена за локалните медиуми од страна на неколку сега поранешни министри.

Министерот за здравство Хамад Хасан им рече на новинарите по состанокот на владата: „Целата влада си поднесе оставка“. Хасан додаде дека премиерот Хасан Диаб ќе се упати кон претседателската палата каде ќе си поднесе оставка во име на сите министри.

Премиерот Диаб ќе се обрати пред нацијата во 19:30 часот по локално време, пренесува Ројтерс.

Оставките дојдоа по дводневните немири во Либан поради експлозијата во Бејрут што се случи минатиот вторник и начинот на кој владата реагира на целата ситуација.

Претходно, министерот за правда Мари Клод Најм, министерот за информации Манал Абдел Самад и министерот за животна средина Дамјанос Катар поднесоа оставки.

Покрај тоа, најмалку девет члена на парламентот поднесоа оставки.

Голем пожар во близина на Тирана ,горат стари автомобили (ВИДЕО)

Голем пожар избувнал на  пункт за собирање отпадоци и гробишта со автомобили во близина на Тирана.

Пожарот избувнал попладнево во близина на патот „Тирана-Нодрок“.Како што може да се види од видеата, од местото се шират големи црни облаци од чад.

Компанијата каде избувна пожарот е наречена „Мерсини“. Според информациите, три пожарни возила тргнале кон местото на настанот.

Сè уште не се знае што го предизвикало пожарот.

Подготвени 5. 000 доброволци за третата фаза на вакцината против корона

Саудиска Арабија наскоро ќе ја започне третата фаза од клиничките испитувања на потенцијалната кинеска вакцина против Ковид 19, во која ќе учествуваат околу 5.000 доброволци, соопшти саудиското Министерство за здравство.

Минатиот месец компанијата ChangShino Biologics објави дека е во преговори со Русија, Бразил, Чиле и Саудиска Арабија за третата фаза на тестирање на можната вакцина, пренесува Ројтерс.

Истражувачите претходно рекоа дека оваа вакцина, развиена во соработка со кинескиот воен истражувачки тим, делува безбедно и создава имунолошки одговор кај повеќето субјекти.

притисни ентер