Фудбал

Светските кладилници со прогноза за победникот од вечерашното финале на ЕП- Шпанија или Англија

Шпанија и Англија од 21 часот ќе го играат финалето на Европското првенство на Олимпискиот стадион во Берлин.

Репрезентациите предводени од селекторите Луис де ла Фуенте и Герет Саутгејт не загубија на турнирот. Шпанија во групата Б ги победи Хрватска, Италија и Албанија и во нокаут фазата ги исфрли Грузија, Германија и Франција, додека Англија ремизираше со Данска и Словенија во групата Ц, ја победи Србија и ги победи Словачка, Швајцарија и Холандија во плеј-офот.

Бројни експерти го пофалија настапот на Шпанците на турнирот и истакнаа дека Англичаните не пружиле доволно со оглед на квалитетот на играчите кои ги поседуваат. Наклонети кон тимот на Де ла Фуенте се и букмејкерите, па шансите се 2,60 за Шпанија, 3,60 за Англија и 3,00 за реми по 90 минути игра.

Ова е второ последователно еврофинале за Англичаните, откако пред три години беа поразени од Италијанците, а се уште сонуваат да го освојат своето второ големо натпреварување, односно првото по Светското првенство во 1966 година, кое го освоија на домашен терен. .

Шпанците имаат можност да го освојат четвртото евро, што би ги направило рекордери пред Германците, со кои моментално го делат рекордот по бројот на освоени европски првенства. Шпанија претходно победи на ова натпреварување во 1964, 2008 и 2012 година. На последното евро беше поразена во полуфиналето од Италија по изведување пенали.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Дрога е пронајдена кај кампери во Галичник, уапсени се петмина

Лишени од слобода пет лица во Галичник, при претрес во шаторите каде престојувале пронајдена марихуана, кокаин, таблети, следува пријава.

На 04.09.2026 во периодот од 19:20 до 20:45 часот, во с. Галичник на местото викано „Стопанче“, полициски службеници од ОВР Гостивар и ПО Маврово, во рамки на оперативна акција, лишија од слобода пет лица, А.Ј. (32), М.М. (38), К.С. (45) и В.В. (44) од Скопје, како и Р.Т. (38) од Куманово.

При претрес во шаторите каде престојувале лицата, пронајдени и одземени се повеќе пакувања со марихуана, бела прашкаста и грутчеста материја, халуциногени печурки и таблети.

Лицата се задржани во ПС Гостивар за понатамошна постапка и по документирање на случајот ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузеска: На прес на Влада -Почнаа со работа медиумите од српската медиумска мрежа

Почнаа со работа медиумите од српската медиумска мрежа во Македонија. Како што најавивме, на сомнителен начин.

На прес конференција во Владата пред два дена присуствувала и екипа на Euronews Македонија.

Како присуствуваат кога се уште немаат дозвола за работа?

Очигледно Владата на Мицкоски, веќе ја третира Euronews Македонија како телевизија и ѝ овозможува пристап на официјални владини настани.

По реакциите на македонските телевизии беше соопштено дека Финансиската полиција отворила предмет, а АВМУ ја запрела постапката.

Нели беше најавена истрагата за сомнителниот влез на српската медиумска машинерија во Македонија.

Дали ова значи дека истрагата е прекината и се работи под радарот?

Како работат медиумите на Вучиќ во Македонија?

Што прави АВМУ? Или мачкаат очи?

Што прави Трајчевски? Дали знае дека во наводно регулираниот простор му се шетаат медиумски пирати и дека за тоа може и кривично да одговара?

Едно е јасно, медиумите на Вучиќ веќе се во македонскиот етер.

Тече анти-македонска и анти-ЕУ пропаганда.

Еврокомесарката Марта Кос, вчера ја откажа посетата на Србија, поради истите политики на Мицкоски и Стоилковиќ – величење на Ратко Младиќ.

Мицкоски копира се. Истите политики ги гледаме и со целосна контрола на медиумскиот простор, покрај веќе контролираните 40% од Орбановите медиуми.

Наскоро медиумски мрак и во Македонија - во служба на Русија и организираната криминална група на Мицкоски .

Со Мицкоски Македонија стана заложник на туѓи интереси на Балканот.

СДСМ отсекогаш се борел за демократско општество, слободни медиуми и слобода на говорот.

Даваме целосна поддршка на независните медиуми и новинари во Македонија.

Ние веќе еднаш се боревме против медиумскиот мрак, во 2015 година.

Нема да дозволиме Македонија повторно да се врати во времето на Груевски, рече Богданка Кузеска - портпаролка и членка на ИО на СДСМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсен е Романец, кој „летал“ со 163км/час на место каде што е дозволено 80

Лишен е од слобода романски државјанин, возел со брзина од 163 км/ч на место каде максималната дозволена брзина е 80км/ч.

На 04.09.2026 во 11:20 часот, на Граничен премин Табановце, на излез од државата, полициски службеници го лишиле од слобода Х.В.С.(49) од Романија, откако при проверка на патничко возило „ауди“ со романски национални ознаки, управувано од него, преку системот „Безбеден град“ било констатирано дека бил евидентиран како сторител на кривично дело по член 297-а од Кривичниот законик – „безобѕирно управување со моторно возило“. Имено на 04.09.2026 во 06:30 часот, на автопатот А1 во близина на Демир Капија, Х.В.С. управувал со возилото со брзина од 163 километри на час, на место каде максимално дозволената брзина изнесува 80 километри на час.

Тој бил спроведен во Полициска станица од општа надлежност Неготино за понатамошна постапка и против него ќе биде поднесена соодветна кривична пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.