Фудбал

Стоук славеше на гостувањето кај Свонси

Екипата на Стоук ја постигна третата победа во серија во Премиер лигата откако синоќа славеше на гостувањето кај Свонси со 1:0. Стрелец на единствениот гол беше Бојан Кркиќ во 4.минута од пенал.

За разлика од нив Свонси е без победа на пет натпревари, од триумфот над Манчестер Јунајтед во август месец.

Со победата Стоук се искачи на 11.место со 12 бода, додека Свонси падна на 14.место и остана на 10 бодови.

Резултати на другите дуели од 9.коло:

Њукасл – Норвич 6:2,
Вотфорд – Арсенал 0:3,
Челзи – Астон Вила 2:0,
Кристал Палас – Вест Хем 1:3,
Евертон – Манчестер Јунајтед 0:3,
Манчестер Сити – Бурнемут 5:1,
Саутемптон – Лестер 2:2,
ВБА – Сандерленд 2:0 и
Тотенхем – Ливерпул 0:0.

Табела: Манчестер Сити 21 бод, Арсенал 19, Манчестер Јунајтед 19, Вест Хем 17, Лестер 16, Кристал Палас 15, Тотенхем 14,.../МИА

Свет

Генералштаб на Украина: Русите интензивно напаѓаат во правец кон Бахмут и Авдеево

Во изминатите 24 часа руските сили интензивно напаѓаа во правец кон Бахмут и Авдеево, соопшти Генералштабот на вооружените сили на Украина.

Наведено е дека во изминатиот ден се регистрирани 115 конфликти.

Според украинскиот Генералштаб, 33 руски напади биле одбиени на правецот Бахмут, а 24 на правецот Авдеевски.

Се додава дека повеќе од 110 населени места во Чернихив, Суми, Харков, Луганск, Доњецк, Запорожје, Дњепропетровск, Херсон и Николаев биле под артилериски оган од руските сили.

Македонија

Приведен грчки државјанин поради давање поткуп

На граничен премин Табановце вчера околу 13 часот полициски службеници лишиле од слобода 49 годишен Грк поради сомнение за сторено кривично дело „давање поткуп“, соопштиј а од МВР.

- При пасошка и гранична контрола на возилото „Форд“ со германски национални ознаки, кое го управувал, тој во својата патна исправа ставил пари како поткуп. Парите биле одземени со потврда за одземени предмети, а лицето било предадено на полициски службеници од СВР Куманово за понатамошна постапка, се појаснува во соопштението.