Стојков: Бројката од 1.143 Македонци на пописот е нереална

Бугарија ги презентираше податоците од пописот на населението спроведен минатата година. 

Во долгата листа на националности каде Бугарите доминираат со речиси 85 проценти, како припадници на други националности се прикажани Турците и Ромите. Македонците пак со официјално изјаснети 1.143 лица се во делот за „други“. Тоа според Стојко Стојков од ОМО Илинден Пирин е уште еден доказ за притисоците и кои официјална Софија ги врши врз Македонците во Бугарија.

-На овој начин како што вели Стојков, продолжува трендот на намалување на бројот на Македонци за кои тој вели дека се десетици илјади. Последниот вистински попис во Бугарија за него е тој во далечната 1956 година кога како Македонци се изјасниле близу 190 илјади лица.

Инаку, при вчерашното објавување на резултатите од националниот статистички институт во Софија, дел од присутните новинари побараа од директорката на националниот статисички институт во Бугарија да ги прочита и другите етнички групи кои не се во пописните резултати. Сосема на крајот беа спомнати Македонците на што дел од присутните новинари реагираа дека според нив не станува збор за Македонци, туку за за Северномакедонци или граѓани на Република Северна Македонија.

-Македонска националност - 1.143

-Македонците се Северномакедонци. -Да, се.

-Граѓани на С.Македонија.

- Тие не се граѓани, тоа е етничка група.

-Државјанство е различна група.- Магдалена Костова – Директор на национален статистички институт на Бугарија.

Пописните резултати во Бугарија, од Втората светска војна па до денес покажуваат интересен тренд. На првото пребројување по Втората светска војна, како Македонци се изјасниле близу 170 илјади лица, а десет години потоа бројот се искачил на речиси 190 илјади. Токму тие пописи според бугарската држава се не реални бидејќи биле направени под притисок на официјална Москва. Сепак, на следниот попис 1965 година 9 илјади лица се изјасниле дека се од Македонска националност, а од 1975 година до 1992 година официјално во Бугарија немало ниту еден Македонец. По падот на комунизмот пак, Македонци одново се појавуваат, а од 10.000 во 1992 година бројот континуирано опаѓа.

Зечевиќ во Долнени: Национално, политичко и меѓуетничко обединување за европската иднина

Македонско обединување околу европскиот пат на државата, во најширока смисла-национална, меѓуетничка, политичка и општествена е патриотиски чин за заедничка европска иднина.

Ова го порача вечерва од Долнени, генералниот секретар на СДСМ, Миле Зечевиќ на работен состанок со членови и симпатизери на партијата од оваа општина.

Зборувајќи за основите на заедничкото живеење како социјалдемократски принципи Зечевиќ рече дека глобалните констелации повикуваат на заедничко делување и придонес за европската иднина на државата во интерес на сите нејзини граѓани.

-Европската интеграција е политичка визија за еден вид на договор на сите кои живеат во државата. Тоа е нашата одговорност, како принципиелна и државотворна партија, вкорената во македонската државност. Да се обединиме околу европските вредности и европскиот пат во најшироката смисла – национална, меѓунационална, политичка и државна. Ние, социјалдемократите, сме подготвени и пружаме рака за обединети да го креираме современиот пат на интегрирана, посилна и побогата македонска Република. Заедно да делуваме во констелацијата на идните регионални соработки, европски асоцирања, глобални позиционирања, рамо до рамо со европските нации со сите наши посебности. Само така може да ги одбраниме и заштитиме националните, државни интереси и да ја обезбедиме иднината на сите граѓани, рече Зечевиќ, се наведува во партиското соопштение.

Захарова: САД и НАТО уништуваа енергетски мрежи, потсетете се на нападите на Србија

Рускиот претседател Владимир Путин не е искрен за мировните преговори со Украина и ја носи војната на ново ниво на варварство обидувајќи се да ги изгаси светлата на цивилите, изјави вчера висок американски дипломат.

Американскиот потсекретар за политички прашања Викторија Нуланд се состана со претседателот Володимир Зеленски и други високи украински претставници во Киев за да покаже поддршка додека Русија се обидува да ја уништи енергетската инфраструктура на земјата.

„Дипломатијата очигледно е цел на сите, но мора да имате подготвен партнер“, им рече таа на новинарите. „И многу е јасно, без разлика дали станува збор за нападите врз енергетската инфраструктура, дали се работи за реториката од Кремљ и општиот став, дека Путин не е искрен или подготвен за тоа„.

Американскиот претседател Џо Бајден изјави во четвртокот дека е подготвен да разговара со Путин доколку рускиот лидер е заинтересиран да стави крај на војната. Но, идејата беше брзо закопана кога Кремљ рече дека Западот мора да ја признае анексијата на четири украински региони од Москва. Ваквата реакција на Русија, рече Нуланд, покажа „колку тие се несериозни“.

Русија агресивно ја напаѓа украинската инфраструктура за пренос на електрична енергија и греење од октомври, за која Киев и нејзините сојузници велат дека е намерна кампања против цивилите, воено злосторство.

„Путин ја однесе оваа војна на ново ниво на варварство, внесувајќи ја во секој дом на Украина додека се обидува да ги исклучи светлата и водата и да го постигне она што не можеше да го направи на бојното поле“, рече Нуланд.

Портпаролката на руското Министерство за надворешни работи Марија Захарова брзо одговори.

„Не е до Нуланд да го учи светот - САД и НАТО уништуваа енергетски мрежи“, реагира Захарова на каналот Телеграм, потсетувајќи на нападите врз Србија во 1999 година.

За време на нападот, воените авиони во Србија ја исклучија електричната енергија на повеќе од 70 отсто од областа, според НАТО. Нуланд се сретна и со Андриј Јермак, шеф на канцеларијата на Зеленски, кој изрази благодарност за помошта вредна милијарди долари од Вашингтон за Украина.

„Победата на Украина, во која сме сигурни, ќе биде наша заедничка победа“, ја цитираше неговата изјава од канцеларијата на Зеленски.

Трет дел од хитот на Марвел, трејлерот прегледан 10 милиони пати за еден ден (ВИДЕО)

По долго чекање, последното поглавје од трилогијата на Чуварите на Галаксијата е на пат да се појави во кината.

Првиот трејлер за филмот Guardians of the Galaxy Vol. 3 беше објавен вчера, по премиерата на Brazil Comic Con, а за помалку од еден ден собра над 10 милиони прегледи на YouTube. Третиот дел го означува враќањето во авантурите на група неверојатни херои кои - благодарение на водството на режисерот Џејмс Ган - станаа една од најомилените групи во филмскиот универзум на Марвел.

Трејлерот покажува висока драма меѓу галактичките авантуристи, вклучувајќи ги Старлорд (Крис Прат), Гамора (Зои Салдана), Дракс (Дејв Баутиста), Небула (Карен Гилан), Мантис (Пом Клементиеф), Грут (гласот на Вин Дизел) и Ракет Ракун (глас позајмен од Бредли Купер).

Ракет Ракун често се гледа во трејлерот, вклучително и ретроспективна сцена кога тој е многу мал вселенски ракун, кој им ветува на гледачите приказна за саканиот херој. Помалку присутна е Гамора, која преку настаните од Avengers: Endgame од 2019 година повеќе не е свесна за нејзината поврзаност со тимот.

Првите два филма од трилогијата претежно прикажуваа популарна музика од 60-тите и 70-тите, а изборот на музика во овој трејлер може да биде навестување дека саундтракот на високоочекуваниот трет дел може да биде малку посовремен, со мелодии од 80-тите и 90-тите .

Филмот пристигнува во кината на 5 мај 2023 година.

притисни ентер