Спогодба од три и пол години затвор за шверцот на пет тони марихуана: Судот ја прифати казната под законскиот минимум - Канал 5

Македонија

Спогодба од три и пол години затвор за шверцот на пет тони марихуана: Судот ја прифати казната под законскиот минимум

Скопскиот Кривичен суд објави една од двете пресуди со спогодба меѓу обвинетите и обвинителството за шверцот на пет тони марихуана од Македонија во Србија.

Спогодба од три и пол години затвор за шверцот на пет тони марихуана: Судот ја прифати казната под законскиот минимум

Спогодбата е со обвинетиот Драган Стојанов од Кочани кој се спогоди со обвинителството за три и пол години затвор, а судот на 10 август ја прифати спогодбата иако предвидената казна за ова кривично дело изнесува од 5 до 20 години затвор.

Во судските списи кои ги сподели скопскиот Кривичен суд стои дека Стојанов учествувал во вкупно пет транспорти на марихуана преку границата со Србија или како возач на придружба или како чистач пред транспортот.

Како стои во списите, дрогата при транспортот била прикривана на различни начини. Во неколку наврати таа во камионите била сменета со перници, јоргани и постелнина а еднаш камионот бил пријавен како празен, а всушност имало марихуана која била ставена наместо царинетите тортички, ролати и кори за торта.

Ден по објавувањето на една од двете пресуди за шверцот на пет тони марихуана во јавноста постојат низа дилеми и неодговорени прашања зошто обвинителството се согласило на 3 години и 6 месеци, особено имајќи ги предвид обемот и тежината на дејствијата опишани во пресудата.

Адвокатот Јанаки Митровски објаснува дека спогодувањето дури и кога станува збор за потешки кривични дела како овој со ваков обем е инструмент за поефикасно завршување на постапката, при што судот неретко определува казна и под законскиот минимум.

--За член 215 став 3 предвидена е казна затвор 5 од 20 години, но за ова, како и за сите кривични дела постои институт, за вонерно ублажување на казна, која што е очигледно применет во пресудата за која што прашувате и е донесена со одлука на три и пол години затвор. Не е невообичаена пракса, особено кога има спогодби, да оди под законски минимум и особено кога се работи за неосудувани лица, сега не ги знаеме деталите и не би можел да ви конкретизирам зашто не ги знам деталите од предметот, така да тоа не е крајно невообичаено, инаку судот има право и да не ја прифати – вели Јанаки Митровски – адвокат.

Досегашната практика на Обвинителството покажува дека во вакви предмети одлуките се носат врз основа на прибраните докази, признанието на вина и конкретните околности во случајот, при што може да се договори видот и висината на санкцијата, а конечната оценка дали таа ќе биде прифатена ја дава судот.

Слична разврска имаше и случајот од 2021 со заплена на над 200 килограми маригуна на Плетвар, кога во сорабтока со ДЕА беа уаспени неколкумина меѓу кои и полициски началник од Прилеп.. Од шестмината обвинети, петмина не отидоа на целосно судење, туку склучија спогодби со Обвинителството за висината на казните, исто така под 5 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма на Азурниот брег: Ограбен е музејот на Реноар, украдени се три ремек дела

Музејот „Реноар“ на Француската ривиера бил цел на двајца крадци кои украдоа три слики рано утрово, објави градоначалникот на Кањ сир Мер, каде што се наоѓа музејот, во објава на Фејсбук.

Драма на Азурниот брег: Ограбен е музејот на Реноар, украдени се три ремек дела

Крадците влегле во музејот кратко пред 6 часот наутро и украле четири слики, изјави градоначалникот Брајан Масон. Тој додаде дека полицијата ги забележала и тргнала во потера, но тие успеале да избегаат.

За време на потера, крадците испуштиле една од украдените слики, додаде градоначалникот.

Музејот, кој е сместен во последната резиденција на Пјер-Огист Реноар, имотот Колет, содржи релативно мала колекција од околу десетина оригинални слики од Реноар, околу 40 скулптури, како и неговиот мебел, лични предмети, фотографии и архиви, објави Ројтерс.

Кражбите на уметнички дела во Европа стануваат сè понасилни, а специјализираните криминални групи сè повеќе се заменуваат со опортунисти регрутирани преку социјалните медиуми, соопшти Европол минатиот месец.

Како еден од главните примери, Европол го наведе грабежот на Лувр во Париз во октомври минатата година, кога крадци им се заканија на чуварите и посетителите и украдоа накит во вредност од 88 милиони евра (102,3 милиони долари), вклучувајќи ја и тиарата на царицата Евгенија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Инцидент на концерт во Сан Хозе: 14 учесници завршија во болница (ВИДЕО)

За време на концертот на електронското дуо The Chainsmokers, одржан во петокот вечерта во Сан Хозе, четиринаесет лица беа хоспитализирани. 

Инцидент на концерт во Сан Хозе: 14 учесници завршија во болница (ВИДЕО)

Неколку посетители побараа медицинска помош на настапот на отворено во паркот Discovery Meadow.

Полицијата за ABC 7 изјави дека најмалку десет лица биле однесени во болница само во последниот половина час од концертот. Според извештаите на медиумите, некои од посетителите биле лекувани поради последици од консумирање алкохол или дрога. Некои лица добиле медицинска помош на местото на настанот, а интервенциите продолжиле дури и по завршувањето на концертот. Полицијата не извршила апсења.

Одговор на властите

Противпожарната служба на Сан Хозе (SJFD) објави детали за интервенцијата на социјалната мрежа X.

„Во петок, 4 септември во 20:22 часот, пожарникарите од Сан Хозе одговорија на пријавите за повеќе пациенти на кои им е потребна нега на концерт на отворено во Дискавери Медоу. SJFD веднаш побара итна медицинска помош, две дополнителни единици за напредна поддршка во живот и командант на батаљон за справување со инцидентот и обезбедување медицински ресурси.

Вкупно беа испратени 14 амбулантни возила, а 14 пациенти беа префрлени во локалните болници. Полицијата во Сан Хозе помогна со контролата на сообраќајот. Сите единици на SJFD се вратија во базата околу 22:34 часот.“

Бендот продолжи да настапува

The Chainsmokers не коментираа јавно за хоспитализациите. Следниот ден, тие настапија во Лас Вегас, во клубот Encore Beach. Тие споделија неколку фотографии од таа вечер на Инстаграм, на кои се гледа преполното место.

Во понеделник, тие објавија и снимки од концертот во Сан Хозе. Заедно со нив тие напишаа: „Проклет да е Сан Хозе, оваа претстава беше хаос!!!!! Следниот пат ќе донесеме погласна сирена, наша вина.“

Инцидентот беше дискутиран и на Reddit. Еден корисник напиша дека видел „многу луѓе да бидат изнесени надвор на самиот почеток“. Друг додаде: „Видов многу луѓе како се уриваат. Некои изгледаа како да нема да преживеат.“

Тагови: концерт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

„Фламинго револуција“: Албанците 100 дена протестираат против планот на зетот на Трамп (ВИДЕО)

Противниците на проект за луксузни недвижнини во заштитен природен резерват во Албанија вчера демонстрираа во главниот град Тирана по 100-ти ден по ред.

„Фламинго револуција“: Албанците 100 дена протестираат против планот на зетот на Трамп (ВИДЕО)

Протестот е насочен против плановите на американските инвеститори во делтата на реката Вјоса.

Демонстрантите држеа транспаренти со слогани како „Албанија не е на продажба“ и побараа оставка од премиерот Еди Рама, тврдејќи дека корупцијата стои зад неговата континуирана поддршка за проектот.

Проект поврзан со компанијата на зетот на Трамп

Проектот го води компанија поврзана со Џаред Кушнер, зетот на американскиот претседател Доналд Трамп. Луксузни хотели, комплекси вили и рекреативни објекти се планирани за заливот Звернец и островот Сазан.

Проектот го води мрежа на компании поврзани со Affinity Partners, инвестицискиот фонд на Џаред Кушнер основан во 2021 година и со седиште во Мајами, чии средства под управување пораснаа за 60 проценти минатата година, на 4,8 милијарди долари. Развојот сега е јавно управуван од „Сазан риел естејт дивелопмент“, компанија првично регистрирана во Катар, а градежната дозвола ја поседува „Звернец Саут Адриатик дивелопмент“, контролирана преку структура од пет компании регистрирани во Амстердам.

На чело е Ашер Абешера, долгогодишен деловен партнер на Кушнер од Бруклин, а партнери се албанскиот претприемач Шефкет Кастрати и катарско-сириските браќа Мутаз и Рамез Ал-Кајат. „Афинити“ вели дека ова не е нивен проект и дека инвеститорите се вклучени „во нивен личен капацитет“.

Иванка Трамп јавно го промовираше проектот и го посети регионот Валона со архитекти; таа и Кушнер велат дека го откриле местото од јахта во 2021 година.

Еколошките групи предупредуваат дека развојот може да предизвика трајна штета на кревкиот екосистем на делтата Вјоса на јадранскиот брег на Албанија, вклучувајќи места за размножување и одмор на фламинга, чапји и други птици.

Делтата на Вјосе и лагуната Нарта покриваат повеќе од 250 квадратни километри и 18 видови живеалишта од мрежата Натура 2000, од ​​кои шест се приоритетни, а подрачјето ги исполнува критериумите на Рамсарската конвенција и повеќе од 2.300 видови зависат од него. Во март 2023 година, Вјоса беше прогласена за прв европски национален парк за диви реки, на 12.727 хектари и во категоријата II на IUCN.

Покрај фламингата и чапјите, загрозени се и далматинските пеликани, каретанските желки и медитеранските крзнени фоки, заедно со повеќе од 200 видови птици кои го користат подрачјето како место за одмор на миграциските патишта. Еколозите предупредуваат против фрлање чакал врз древните песочни дини, заштитени како природни споменици, и против пополнување на еден од двата отвори што ја поврзуваат лагуната Нарта со морето, со што се прекинува размената на вода. Орнитологот Џон Ворпси од здружението PPNEA рече дека за десет години тоа ќе биде „сиво место направено од бетон“.

„Фламинго револуција“

Албанските медиуми го нарекоа движењето „Фламинго револуција“.

Според локалните медиуми, дозволата за градба на одморалиштето сè уште не е издадена. Сепак, градежната механизација пристигна на предложената локација кон крајот на мај, предизвикувајќи бран протести кои продолжуваат и оттогаш.

Рама одбива да поднесе оставка

Рама одбива да поднесе оставка, нарекувајќи го проектот благослов за земјата, отфрлајќи ги критиките како идеолошки и нагласувајќи дека инвеститори и архитекти од Данска, Франција, Грција, Јапонија и Турција се исто така вклучени во проектот, и дека Кушнер не дејствува во име на американската администрација.

Тагови: Фламинго зетот на Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер