Од факултетските клупи до првото работно искуство. Студенти, дипломирани инженери и претставници на 18 компании денеска на едно место, во потрага по нови професионални можности.

На Машинскиот факултет во Скопје започна дводневниот Саем за пракса и вработување, на кој младите имаат можност директно да разговараат со работодавците, да се информираат за слободните позиции и да го направат првиот чекор кон својата кариера.

Дали лесно се наоѓа пракса или работа по завршувањето на студиите? Што очекуваат од компаниите?

Покрај можностите за вработување, фокусот е ставен и на практичната работа, преку која младите можат стекнатото теоретско знаење да го применат во реална работна средина. Токму ваквата соработа меѓу факултетите и компаниите треба да им помогне на студентите полесно да преминат од образованието кон пазарот на трудот.

-Целта е да се обезбеди лесно наоѓање на пракса, изработка на семинарски работи и дипломски работи во овие но и во други компании/ Интересот на вработување инженери е голем , ние сакаме со ваквите настани да овозможиме студентите својата пракса и вработување да ја дадат во домашни услови а не да ни избегаат во странство“.

Од другата страна, за студентите ваквите саеми се можност одблиску да се запознаат со барањата на компаниите, но и да дознаат какви услови и можности за професионален развој им се нудат.

-Од гледна точка на студентите ние сме навистина среќни што факултетите организираат саеми за пракса и вработување затоашто на нас студентите кога на факултет имаме задолжителби предмети и пракса навистина ни е потребно да дојдат компаниите, да ни се претстават и ние да можеме да си го пронајдеме нашиот кариерен пат, - Ана Шоповска заменик правобранител на Машински.

Од факултетот најавуваат дека оваа соработка ќе продолжи и во иднина, но очекувањата и на студентите се овие првични средби да прераснат во конкретни можности за пракса но и вработување на младите инженери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Министерот за здравство Сашо Клековски се извини поради техничките проблеми и појасни дека регистрација за вакцинација против сезонски грип на порталот кој е поврзан со националниот систем „Мој Термин“. Граѓаните по пријавувањето добиваа СМС-известување со датумот, часот и местото за вакцинација, а според здравствените власти први за вакцина ќе бидат најранливите групи.

-Се завршуваат последните технички проблеми, знаете дека 18 месеци „мој термин“ нема договор за одржување. Се разрешуваат тие, ќе биде активна. Им се извинувам на граѓаните дека доцниме еден ден во однос на најавеното, меѓутоа, вакцините се пристигнати, а пријавувањето ќе започне час поскоро.... - Сашо Клековски – министер за здравство.

Додека се чекаат првите 30.000 вакцини и физички да пристигнат до поликлиниките, од вакциналните пунктови велат дека граѓаните доаѓаат да прашаат и први да дознаат детали, бидејќи од година во година интересот за вакцината против грип расте.

Дека интересот е на високо ниво потврдуваат и дел од граѓаните што ги пресретнавме пред болниците.

Според здравствените власти вакцинацијата против грип глобално задоцнила поради доцното прецизирање на доминантните соеви на инфлуенца за сезонава, но уверуваат дека како и секоја година кај нас ќе почне на време, од 16-ти до 25 октомври. Засега има 30.000 вакцини, најавено е дека ќе пристигнат уште 26.000, а се прават напори за обезбедување на точно 80.000 вакцини што се очекува да бидат доволни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Епидемијата со Западен Нил стивнува и веќе трете недела нема нови хоспитализирани пациенти, посочи директорот на инфективна Фадил Цана.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.