Македонија

По 30 минути се чека на „Табановце“ и „Богородица“

 Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е зголемен.На граничниот премин “Табановце” времето на чекање за влез во државата изнесува околу 30 минути. На граничниот премин “Богородица” времето на чекање за излез од државата изнесува околу 30 минути. На останатите гранични премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

РАБОТИ НА ПАТ:

Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост - влез во Богданци, сметано од 24.06.2024 година ќе биде поставен времен режим на сообраќај.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 07.06.2024 год. сообраќајот ќе се одвива според одобрен сообраќаен проект за времен режим на сообраќај.

Времена измена на режим на сообраќај на автопат А1, делница Петровец - Катланово, заради извршување на градежни активности. Измената на режим на сообраќај ќе започне да се применува од петок, 31.05.2024, а во врска со проектот за завршување на работите на рехабилитација со проширување на наведената делница од автопатот.

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните.

Oд 24.11.2023 година од 16:00 часот режимот на сообраќајот на делницата од автопатот А-1, Куманово – ГП „Табановце “поточно кл. Куманово-кл. Кр. Паланка, десната сообраќајна лента за присилно запирање и застанување ќе биде затворена за сообраќај во должина од 500м, додека сообраќајот ќе се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

На 07.11.2023 година од 13:00 ч. извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај.

Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација.

ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка "Стенковец") Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата.

БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.

Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час.

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023 г., а на местото ќе биде поставена соодветна сообраќајна сигнализација.

Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.

Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

Авто мото сојуз на Македонија

Забава

Магичниот остров на Медитеранот магнет за многу туристи

Уживајте во преубавите плажи и топлото море!

Ако сè уште не сте одлучиле каде ова лето, овој романтичен остров е препорака за многумина.

Рајскиот остров, како што го нарекуваат Кипар, не залудно го носи ова име, бидејќи штом ќе зачекорите на неговото тло, навистина ќе имате чувство дека сте во рајот. Ќе бидете опкружени со прекрасните плажи и недопрената природа, а бојата на морето ќе ве маѓепа на прв поглед. Последниве години, нашите туристи со задоволство избираат да летуваат на овој остров бидејќи нуди можност да доживеете вистинска егзотика, и тоа многу поволно.

Без разлика дали одите со друштво или со семејството, на ова егзотично одморалиште, како еден од поголемите острови на Медитеранот, сигурно ќе го најдете она што го посакувате, релаксација, забава или мир.

Покрај магијата на живописните пејзажи, туристите имаат можност да уживаат и во богатата гастрономска понуда.

Хотели за сечиј џеб

Овој остров нуди многу дестинации за сместување на туристите, додека хотелите се движат од две до пет ѕвездички, во зависност од луксузот што го нудат.

Аја Напа е едно од омилените одморалишта и е особенопопуларно кај младите бидејќи нуди голем број забави на отворено и богат ноќен живот. Ноќевање со појадок во хотели со три ѕвезди може да најдете за 35 евра по лице, додека за хотел со четири ѕвезди на база на полупансион потребно е да одвоите 70 евра.

Места што вреди да се посетат

Освен големото задоволство, кое ќе ви го пружат некои од одморалиштата на Кипар, многу од нив кријат историски и културни занимливости. Покрај Аја Напа, како најпримамливата дестинација за нашите граѓани, тука е и одморалиштето Ламасол, кое претставува „економско и културно срце“ на Кипар, со богата историја и фестивали кои ги воодушевуваат посетителите.

Доколку истовремено сте љубители и на традиционалното и на модерното, Ларнака е приморски град кој ќе ве освои со своите историски знаменитости, но и модерното пристаниште.

Протарас е совршено место за оние кои одат на одмор со семејството бидејќи го красат кристално чисти води и тивки плажи, идеални за релаксација.

Кипарска кујна и деликатеси

За гурманите, кипарската кујна е посебно примамлива. Овде може да пробате бројни локални специјалитети бидејќи нивната кујна е слична на нашата. Предјадењата локалните туристи не ги пропуштаат, а баклавата и локумот како десерт се служат во сите тамошни ресторани. Бидејќи на овој прекрасен остров има и лозови насади, добрите и квалитетни вина се незаменливи, па можете да ги вкусите во некоја од неговите автентични таверни

Извор: srecna.republika.rs

Шоу биз

Никој не ја препознава Кристина Агилера, откако ослабе 20 килограми (ВИДЕО)

Пејачката Кристина Агилера (43) привлече внимание откако драстично ослабе.

Музичарката, позната по своите облини, изненади со трансформацијата и откри дека ослабела 20 килограми. Поп-пејачката викендот го помина во Италија каде што настапи на гламурозниот настан Dolce & Gabbana Alta Moda.

На својот Инстаграм профил таа сподели видео на кое се шета во розов мини фустан и чизми над колена во иста боја, а многумина забележаа дека пејачката зрачи со самодоверба.

Ја красеше сигурна прошетка, заводлив поглед и насмевка на лицето, а многумина повторно почнаа да шепотат дека користела Оземпик, лек кој е одобрен само за лекување на дијабетес тип 2. Сепак, многумина го користат за губење тежина.

„Што се случи со таа убава тежина што ја имавте?“, „Поради операциите, Оземпик сега изгледа вака“, „По ѓаволите, ја изгуби сета таа секси тежина, се надевам дека е барем среќна“, „Икона Кристина“, „Што се случува, што се случи со Кристина Агилера?“, беа само дел од коментарите на нејзината објава.

Пејачката претходно призна дека се храни здраво и дека се откажала од грицките. Почнала да вежба и сака јога, бокс и кардио тренинзи.

Свет

Драма во САД: Сосед застрелал седум лица, меѓу кои четири деца, па си пресудил

Сосед (74) застрелал седум лица, меѓу кои четири деца, пред да се самоубие!

Овој расно мотивиран напад, како што пренесува Dailymail, се случил во Крит (американската држава Небраска).

Напаѓачот, Били Бут, пред да отвори оган врз жртвите, чиј идентитет не е соопштен, им рекол да се вратат од каде што дошле.

Полицијата соопшти дека четворицата жртви се деца на возраст од три до десет години. Ранетите веднаш биле префрлени во болница. Никој од нив нема повреди опасни по живот. Сите жртви се од шпанско-американско потекло.

„Напаѓачот им рекол да одат од каде што дошле. Тој им рекол да зборуваат англиски“, рече полковникот Џон А.

Пукањето се случило за време на семеен собир. По пукањето напаѓачот се повлекол во својата куќа каде се заклучил.

„Наскоро се слушна истрел. Специјалците влегоа внатре и го пронајдоа напаѓачот мртов“, додаде Болдук.

Четворица ранети набрзо се пуштени од болница, додека три лица се приведени. Две од нив се деца, кои се задржани во детска болница во Омаха.

Полицијата ја продолжила истрагата обидувајќи се да утврди кој бил мотивот за овој расистички напад.

притисни ентер