Автомобилизам

Сопственик на Тесла ќе добие отштета, зашто автопилотот се однесувал како пијан возач-почетник

Германскиот суд пресуди дека сопственикот на Tesla е во право и затоа мора да добие значителен надомест.

Според германскиот магазин Шпигел, окружниот суд во Дармштад добил тужба од сопственик на нова Tesla Model 3, кој го опремил со пакет Ful Self Driving по дополнителна цена од 6.300 евра. Бидејќи е целосно незадоволен од Автопилотот, судот одлучил да му се исплати отштета од дури 69.000 евра.

Сопственикот е целосно разочаран од начинот на кој функционирал системот за самоуправување, па вели дека автоматското претекнување не функционира, а автомобилот не препознава сообраќајни знаци или семафорски сигнали. Тој исто така го опишува возењето на Тесла на влезовите и излезите од автопатот како „пијан возач-почетник“.

Тесла моментално нуди основен пакет Autopilot со систем Smart Summon за автоматско извлекување возила од гаражата и функциите Autopark, Auto Lane Change и Navigate. Цената е 3800 евра. Сопственикот очигледно го купил комплетниот пакет, платил двојно повеќе, а од Tesla велат дека автоматската контрола Autosteer доаѓа подоцна, но дека ги следи сообраќајните знаци и светлата.

Судот пресудил дека Тесла продавале „софтвер чии функции не можат да се користат, барем додека не се направат соодветните измени“. Таа приказна не е завршена бидејќи адвокатите на Тесла поднеле жалба на одлуката на судот.

Ова не е прв случај Тесла да падне пред германски суд. Во 2020 година, судот во Минхен пресуди дека Tesla ги измамил корисниците ветувајќи им Autopilot што може да понуди повеќе отколку во пракса.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Водата од водоводот во Демир Капија се забранува за пиење и подготвување на храна!

По добиените резултати од анализите на примероците земени во понеделник и вторник, од истото мерно место, добиени се различни резултати.

Анализата на примерокот земен во понеделник од страна на Институтот за јавно здравје – Скопје покажува дека водата не ги исполнува условите пропишани со правилникот за вода за пиење.

Од друга страна, анализата на примерокот земен во вторник од страна на Центарот за јавно здравје – Велес покажува дека водата ги исполнува условите согласно правилникот за вода за пиење.

Поради различните резултати, во понеделник ќе биде извршена супер анализа.

Затоа, водата од водоводот во Демир Капија се забранува за пиење и подготвување на храна!

Забраната ќе важи до добивањето на конечните резултати од супер анализата.

ЈКП „Бошава“ – Демир Капија

Тагови: Демир Капија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ бара јавно да се објави извештајот за водата во Гостивар – кој потпишал и кој гарантира дека е безбедна?

Владата треба веднаш јавно да го објави целосниот извештај и анализите за водата во Гостивар.

Несериозно и неодговорно е, по сè што се случуваше во Гостивар, од граѓаните повторно да се бара да веруваат само на изјави.

Особено затоа што власта постојано даваше различни информации а изјавите на владините функционери во изминатите пет недели беа различни и контрадикторни.

Прашање е и зошто досега ниту еднаш јавно не е објавена целосна анализа на водата за Гостивар?

Нема документ. Нема извештај.

Затоа СДСМ бара Владата денеска да овјави целосен извештај за водата во Гостивар.

Кои се резултатите од анализите и која институција ги извршила?

Кој го потпишал извештајот?

Кој одобрил користење на водата и кој со својот потпис гарантира дека таа е безбедна за граѓаните?

По 5.000 илјади граѓани со здравствени проблеми и по сите контрадикторни информации од институциите, повеќе нема простор за усни уверувања.

За здравјето на граѓаните мора да постои документ, стручна анализа, институционална одговорност и потпис.

Граѓаните бараат една едноставна работа: чиста и безбедна вода и имаат право да ја знаат целата вистина.

Бидете барем еднаш сериозни и одговорни - објавете документ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

72 санкции за возачи на лесни електрични возила на територија на цела држава

За време на контролата санкционирани се и 260 други видови на прекршоци.

Во текот на вчерашниот ден (13.08.2026) во периодот од 17:00 до 22:00 часот Секторот за сообраќајни работи при Министерството за внатрешни работи спроведе акциска контрола за санкционирање на прекршоци кои ги прават возачите на лесни електрични возила на територијата на целата држава, при што санкционирани се 72 возачи.

Од нив, по 11 на територијата на СВР Тетово и СВР Битола, осум на територија на СВР Велес, седум на територија на СВР Куманово... Од страна на Мобилната единица за безбедност на сообраќајот на патиштата санкционирани се 20 возачи на лесни електрични возила. За време на контролата санкционирани се и 260 други видови на прекршоци. Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.