Сопругата на Вил Смит искрено за ќелавоста: Се тресев од страв - Канал 5

Шоу биз

Сопругата на Вил Смит искрено за ќелавоста: Се тресев од страв

- Среќен ден на ќелавата убавина на моите браќа и сестри! Ве сакам – напишала 50-годишната Џејда Пинкет Смит со својата фотографија на Инстаграм.

Сопругата на Вил Смит искрено за ќелавоста: Се тресев од страв

Иако, наводно, на почетокот не била свесна за нејзината алопеција, Џејда првпат се отворила за нејзината борба со опаѓање на косата во 2018 година, откривајќи ја својата дијагноза на автоимуно нарушување во емисијата на Facebook Watch наречена „Red Table Talk“, пишува Page Six.

-Имав проблеми со опаѓање на косата - изјавила тогаш таа.

- Беше страшно кога првпат почна. Бев под туш еден ден и имав грст коса во рацете и само си помислив: „О Боже мој, дали ќе оќелавам?“ - споделила таа.

– Тоа беше еден од оние моменти во мојот живот кога буквално се тресев од страв – признала сопругата на Вил Смит.

Откако „експериментираше“ со стероидни инјекции за да се обиде да си ја врати косата, Смит ја прифатила ќелавоста така што целосно ја избричи главата во 2021 година, инспирирана од ќерката Вилоу Смит, која исто така остана без коса.

Иако навидум е смирена со нејзината состојба, Џејда е вознемирена од врската на Вил Смит и Крис Рок и се надева дека Вил и Крис ќе „најдат мир“. Во една епизода од „Red Table Talk“ по озлогласената шлаканица на Оскарите, таа рече дека навистина сака „овие двајца интелигентни, способни мажи да имаат шанса да разговараат и да се поправат“.

Додека ѕвездата од „Принцот од Бел-Ер“ се извини за ударот, Академијата за филмски уметности и науки му забрани влез на сите настани на Академијата во наредните 10 години, а се чини дека и Крис Рок не му простил.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силна експлозија во фабрика за муниција во Италија (ВИДЕО)

Силна експлозија одекна во фабрика за муниција во близина на италијанскиот град Колеферо, југоисточно од Рим, а детонацијата, според извештаите на локалните медиуми, се слушнала на километри оддалеченост.

Силна експлозија во фабрика за муниција во Италија (ВИДЕО)

Ројтерс известува дека пожарникарите и полицијата брзо пристигнале на местото на пожарот што избувнал во индустрискиот комплекс. Надлежните служби веднаш почнале да проверуваат дали има жртви во несреќата.

Експлозијата се случила во поранешната фабрика „Симел Дифенс“, која сега ја управува „KNDS Amo Italia“, дел од француско-германската одбранбена група „KNDS“.

Телевизиските снимки покажуваат голем облак од густ чад што се издига над индустрискиот погон, додека службите за итни случаи интервенирале во областа на фабриката.

„KNDS Amo Italy“ произведува муниција со среден и голем калибар за копнени и поморски одбранбени системи, како и цврсти ракетни погонски горива за системи за лансирање во вселенската индустрија.

Компанијата е исто така меѓу изведувачите вклучени во рамковните договори на Европската агенција за одбрана за набавка на артилериска муниција од 155 милиметри, склучени во 2023 година.

Во времето на објавување, не беше познато дали има повредени или смртни случаи, ниту што точно ја предизвикало експлозијата.

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украина и предлага на Русија прекин на нападите врз цивилни цели во Црното Море

Украина испрати понуда од трета страна до Русија за двете страни да престанат да напаѓаат цивилни цели во Црното Море, изјави за Ројтерс извор запознаен со ситуацијата.

Украина и предлага на Русија прекин на нападите врз цивилни цели во Црното Море

Украина сè уште не добила одговор на својата понуда, додаде изворот.

Во последните недели, двете страни изјавија дека меѓусебните напади врз пратките со жито и инфраструктурата во виталниот воден пат би можеле значително да влијаат на светските цени на храната оваа година.

Извор: Индекс.хр

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар се шири во близина на Улцињ: Објектите се загрозени (ВИДЕО)

Пожарот на локалитетот Гач кај Владимир во општина Улцињ се прошири во текот на денот, загрозувајќи одредени објекти и маслинови насади, додека силните ветрови го отежнуваат гаснењето.

Пожар се шири во близина на Улцињ: Објектите се загрозени (ВИДЕО)

Дирекцијата за заштита и спасување е информирана дека пожар на локалитетот Гач во градот Владимир, во општина Улцињ, се проширил во текот на денот.

Пожарот во моментов се заканува на одредени објекти и маслинови насади, додека силните ветрови го отежнуваат гаснењето и го фаворизираат ширењето на пожарот, соопшти Министерството за внатрешни работи на Црна Гора.

Припадници на Службата за заштита и спасување на општина Улцињ, имено пожарникари и спасувачи со расположиви возила, се на местото на настанот.

Воздухоплови од Министерството за внатрешни работи се пренасочени кон оваа локација со цел пожарот да се стави под контрола што е можно поскоро.

Се очекува да пристигнат и членови на Службата за заштита и спасување на главниот град Подгорица за да пружат помош на местото на пожарот.

Министерството за внатрешни работи продолжува да ја следи состојбата на терен преку Оперативно-комуникацискиот центар 112 и им дава поддршка на надлежните служби.

Како што е наведено, Министерството за внатрешни работи ги координира и активностите за ангажирање на расположливи воздухоплови, во согласност со потребите на терен.

Тагови: пожар Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер