Со авионско засејување ќе се заштитуваат земјоделските посеви од град

Средствата во висина од 60 милиони денари се обезбедени преку Програмата за рурален развој на МЗШВ.

Со авионско засејување со сребрен јодит годинава ќе се заштитуваат земјоделските посеви од град. Авионското засејување ќе се прави со три авиони од аероклубот „Скопје" чија понуда била избрана за најповолна на тендерот што го објави Министерството за земјоделство, шумарство и водостопанство (МЗШВ).

Средствата во висина од 60 милиони денари се обезбедени преку Програмата за рурален развој на МЗШВ.

– Новина е тоа што наместо два, на располагање ќе бидат три летала, со што се очекува да се постигне подобра покриеност на целата територија и ќе се зголеми можноста за делување во повеќе региони кои истовремено се зафатени од појава на град, изјави денеска министерот за земјоделство, шумарство и водостопанство Арјанит Хоџа.

Овој метод на заштита е воведен за првпат минатата година и според направената анализа на Управата за хидрометеоролошки работи се покажал како успешен. Анализата покажала дека лани имало натпросечен број на денови со нестабилна облачност при што се испалени вкупно 1.083 палки или 433 килограми реагенс за време од 180 часа лет на авионите.

– Не можеме да го игнорираме фактот дека климата се менува на целата земјина топка. Тоа е процес кој трае и кој ќе продолжи во иднина согласно сите научни истражувања. Токму затоа како Министерство преземаме чекори за заштита на земјоделските посеви. Авионското засејување е само еден чекор од стратегијата, истакна Хоџа.

Овој начин на заштита е еден од најсовремените и се смета за безбедна метода што ја користат многу други држави.

– Реагенсот што се користи е истиот што долги години се користеше во системот за градобијна заштита. Според истражувањата на терен градобијниот систем е помалку ефективен бидејќи реагенсот не секогаш влегува во нестабилната воздушна маса, додека со авионското засејување на градоносните облаци авионот доаѓа во близина на ваков облаци и самите струи на облакот го вовлекуваат реагенсот во облакот, појасни директорот на Управата за хидрометеоролошки работи Костадин Ацевски.

Во просек во земјава се иплаќаат по три ипол милиони евра годишно за штети настанати од временски непогоди.

Ужас во Германија: Ментално болен ученик со нож и ножици избодел соученици во гимназија (ВИДЕО)

Неколку ученици се повредени во гимназија во германскиот град Вупертал кога соученик ги нападнал со нож и ножици, јавија германските медиуми.

Полицијата го уапсила осомничениот кој, според извештаите, си нанел повеќе убодни рани во градниот кош, пренесува TagesSchau.

Се наведува дека во нападот се повредени пет ученици, од кои некои потешко.

Според полицијата, осомничениот е уапсен, а објектот на гимназијата бил детално претресен во потрага по можни соучесници.

Според наставничка која била во училишната зграда, напаѓачот употребил нож и ножици.

"Тоа беше ненадеен, ненадеен напад. Ги нападна учениците околу себе, дури и пријателите, а на крајот се прободе четири пати во градите. Еден колега го совлада", вели наставникот, кој не бил очевидец на нападот, но прв дошол на помош на жртвите.

„Тогаш бевме заклучени и сега сме во банка и чекаме да се провери зградата на гимназијата“, додаде таа.

Сите ученици во зградата на банката во близина на гимназијата, каде што биле префрлени откако се евакуирани од училиштето, сега се пребројани и родителите групно ги носат децата, почнувајќи од оние кои се од пониските класови.

Како што потврди полицијата, сторителот е 17-годишен средношколец.

Заднината на злосторството се уште е целосно нејасна, а германските медиуми јавија дека напаѓачот е момче со психички проблеми.

Пендаровски се сретна со маратонецот Дарио Ивановски

Претседателот Стево Пендаровски денеска во градскиот парк во Скопје се сретна со маратонецот Дарио Ивановски кој пред неколку дена постави нов македонски рекорд на маратонот во Севиља, Шпанија.

Пендаровски денеска во градскиот парк во Скопје се сретна со маратонецот Дарио Ивановски кој пред неколку дена постави нов македонски рекорд на маратонот во Севиља, Шпанија, како и со неговиот тренер и менаџер, Игор Јакимовски и атлетичарот Жан Тосев.

Претседателот Пендаровски му честиташе на Ивановски за извонредниот резултат и постигнатиот успех, со кој ја исполни нормата и ќе трча во дисциплината полумаратон на Европското првенство во атлетика во Рим кое ќе се одржи од 7 до 12 јуни годинава.

Ивановски го запозна претседателот Пендаровски со текот на неговите подготовки во пресрет на настапот на претстојното Европско првенство, како и за можноста во Рим да обезбеди норма за настап и на годинашните летни Олимписки игри во Париз.

Посочувајќи дека успесите на македонските спортисти претставуваат голема гордост за целата нација, претседателот Пендаровски на Дарио Ивановски му посака успех во натамошната кариера и порача дека со упорност, желба и силна волја, може да се совладаат и најголемите предизвици.

Дарио Ивановски ја истрча маратонската трка во Севиља за 2 часа 8 минути и 25 секунди што претставува нов државен рекорд, подобрувајќи го и својот досегашен рекорд за 3 и пол минути. Со овој резултат, Ивановски се доближи на само 15 секунди до олимписката норма од 2 часа 8 минути и 10 секунди и се искачи високо на светската ранг листа преку која може да обезбеди учество на Олимпијадата во Париз, се наведува во соопштението.

ВРЕДИ: Али Ахмети се исплаши од Таравари, Бујар Османи оди курбан

Изјавата на Ахмети за "големата вест" потврдува најмалку две работи. 

Првата, дека ДУИ е безидејна партија која со предлози извадени од нафталин покажува целосна немоќ да ги претставува Албанците на највисоко политичко ниво. Крајно понижувачки за митот за Али Ахмети е да излегува со вакви бајати тези само за да конкурира на предлогот на кандидатот на здружената албанска опозиција др. Арбен Таравари во иднина изборот на шефот на државата да се прави во Собрание.

Втората, дека сеуште живеат во филмот дека имаат монопол на принципите за стратешкото партнерство во ЕУ и САД. Наместо да се мачат како да објаснат зошто Али Ахмети се плаши да излезе на изборен мегдан, и затоа ќе го жртвуваат Бујар Османи, нека излезат од теснопартиските интереси и нека го подржат Арбен Таравари за прв претседател Албанец.

Логично се поставува прашањето: зошто ДУИ сака да го подели гласот на албанците? На кого му служи Али Ахмети со овој потег?

Коалицијата “Вреди” не се бори за утешни награди туку за чесна и реална улога на Албанците во политичкиот живот. Ахмети ако веќе не е способен да се бори за интересите на Албанскиот народ, чесно е да замине во политичка пензија, изјави на прес конференција Фари Хисени, од Коалицијата ВРЕДИ.

притисни ентер