Смеењето го продолжува животот - Канал 5

Живот

Смеењето го продолжува животот

Научниците тврдат дека секогаш кога се смееме, мозокот активира невронски сигнали кои поттикнуваат чувство на забава, здравје и среќа. Насмевката придонесува за подобро расположение, а со тоа и го продолжувате животот, и себеси и на другите.

Смеењето го продолжува животот

Стручно кажано, насмевката испраќа сигнал на позитивни емоции до мозокот, што создава задоволство. Во овој процес се активира и ослободува невропептид кој делува во борбата против стресот и кој овозможува комуникација со невронските мрежи. Со смеењето се лачат и хормоните на среќа, односно невротрансмитерите допамин, ендорфин и серотонин.

Познато е дека ендорфините делуваат и како природен лек против болки. Ослободувањето на серотонин придонесува во борба против депресијата и многу други негативни расположенија. Антидепресивите се базираат на подигање на серотонин во мозокот.

Научните студии докажаа дека луѓето се поубави кога се смеат и изгледаат помлади. Една интересна студија објавена во списанието „Neuropsychologia“ известува дека гледањето привлечно и насмеано лице го активира орбитофронталниот кортекс, регион во мозокот кој ги обработува сензорите за наградување. Тоа значи дека секоја насмевка носи награда.

Не е занемарлив фактот дека смеењето троши енергија. Истражувањата покажаа дека само неколку минути смеење активираат исто толку мускули во телото колку и неколку минути возење велосипед. Тогаш се менува фреквенцијата на срцето, се продлабочува дишењето, се опуштате и губите калории.

Дали смеењето е заразно?

Одговорот е да. Дел од мозокот кој е одговорен за препознавање на емоционалните невербални пораки, откако ќе ја препознае насмевка, автоматски ја презема несвесно и вашата насмевка ќе биде возвратена.

Спроведени се различни истражувања во областа на хуморот и неговото влијание врз колегите во работната средина. Резултатите укажуваат дека позитивното опкружување и пријатните емоции на работа доведуваат до зголемена продуктивност, подобрување на меѓучовечките односи и здравјето на вработените.

Досегашните истражувања покажаа значајна врска помеѓу хуморот и креативноста и дека креативните луѓе имаат добро развиено чувство за хумор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Шпагети во сос

Во среда (21.10.2026) во емисијата гостин ни бeше д-р Сашко Николов.

„Гответе со Дракче“ - Шпагети во сос

Состојки за денешниот рецепт:

500 гр. шпагети

1 кг. домати

2 благи пиперки

2 лути пиперки

3 - 4 чешниња лук

3 моркови

300 гр. сирење

1 пакување пармезан

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Пол Сколс го брка Бруно Фернандеш од Манчестер Јунајтед!

Легендарниот фудбалер на Манчестер Јунајтед, Пол Сколс, остро го критикуваше капитенот Бруно Фернандеш.

Пол Сколс го брка Бруно Фернандеш од Манчестер Јунајтед!

Сколс му порача дека треба да го напушти европскиот фудбал и кариерата да ја продолжи во Саудиска Арабија.

Причината е критиката што Фернандеш ја упати кон тренерот Мајкл Керик, чиј тактички план тој го оспори по поразот од Комо во Италија.

Португалецот сметаше дека Јунајтед требало да игра одбрана „човек на човек“, бидејќи поинаквиот пристап му дал дополнителна самодоверба на противникот.

„Она што Бруно го кажа минатата недела е непростливо за мене. Како може некој воопшто да му ја довери капитенската лента? Мислам дека треба да ја напушти Европа, да замине во Саудиска Арабија и да се скрие“, изјави Сколс. Ова не е првпат поранешниот играч за врска да го критикува Фернандеш.

Претходно оваа сезона, тој му порача „да си ја затвори устата“, откако Португалецот јавно ја критикуваше играта на сопствениот тим. Поради тие критики, Керик минатиот викенд го остави Фернандеш на клупата, а во дебаклот против Борнмут (0:3) дури ниту го внесе во игра како замена.

Тагови: Манчестер Јунајтед

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Министерот Клековски на маргините на Регионалниот комитет на СЗО: Средби со министерот за здравство на Чешка, УНФПА и кандидати за генерален директор на СЗО

 Вчера, на маргините на 76-тата седница на Регионалниот комитет на Светската здравствена организација за Европа, министерот за здравство Сашо Клековски оствари повеќе билатерални средби.

Министерот Клековски на маргините на Регионалниот комитет на СЗО: Средби со министерот за здравство на Чешка, УНФПА и кандидати за генерален директор на СЗО

Вчера, на маргините на 76-тата седница на Регионалниот комитет на Светската здравствена организација за Европа, министерот за здравство Сашо Клековски оствари повеќе билатерални средби, меѓу кои со министерот за здравство на Чешка, Адам Војтјех, разговараа за можностите за билатерална соработка и размена на искуства. Министерот Клековски се заблагодари за чешката поддршка во справувањето со трагедијата во Кочани, и ги претстави здравствените приоритети.

Министерот Клековски се сретна и со Евис Сала, поранешна министерка за здравство и социјална заштита на Албанија. На средбите министерот беше придружуван од амбасадорот на Македонија во Данска, Н.Е. Фадил Зендели.

Министерот се сретна со Флоренс Бауер, регионална директорка на Фондот на ОН за население (УНФПА) за Источна Европа и Централна Азија. Разговараа за соработката во областа на демографските предизвици со кои се соочуваат земјите од регионот.

Министерот оствари средби и со двајца од кандидатите за нов генерален директор на СЗО:

д-р Ханс Клуге од Белгија, регионален директор на СЗО за Европа

д-р Ханан Ал-Кувари од Катар, поранешна министерка за јавно здравје на Катар

Министерот Клековски ги истакна приоритетите на нашата земја и потребата од силна поддршка на СЗО за земјите од европскиот регион.


Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер