Следната седмица натпросечно високи температури во Македонија и Европа - Канал 5

Метео

Следната седмица натпросечно високи температури во Македонија и Европа

Според најавите, температурите во делови од Европа ќе се искачуваат над 30 и 35 степени, а локално може да достигнат и да надминат 40°C,

Следната седмица натпросечно високи температури во Македонија и Европа

Според најавите, температурите во делови од Европа ќе се искачуваат над 30 и 35 степени, а локално може да достигнат и да надминат 40°C, додека Македонија ќе ја почувствува жештината со послаб интензитет, со највисоки вредности до 35 или 36°C.

Најпогодени од бранот треба да бидат централна, западна и југозападна Европа, како и Италија, каде што се очекува воздухот да биде значително потопол од просекот за јуни. Во дел од тие региони температурите може да бидат за 10 до 15 степени повисоки од вообичаените, а локално и повеќе од тоа.

Причината за ваквата промена е продор на многу топол воздух од Африка, засилен со поле на висок воздушен притисок. Таквата комбинација најчесто носи многу сонце, слаба нестабилност, малку облаци и долготрајно задржување на жештината над голем дел од континентот.

Македонија ќе биде под влијание на истиот топол бран, но со поумерен интензитет. Температурите во текот на следната седмица ќе растат и ќе се движат од 28 до 35, односно локално до 36 степени. Тоа значи дека земјава нема да биде во центарот на најекстремната жештина, но сепак ќе влезе во период на вистински летни температури.

Во Македонија повремено ќе има услови и за поретка локална попладневна нестабилност, со краткотраен пороен дожд, грмежи и засилен ветер. Таквата појава нема да ја смени општата слика на топло време, но може локално и краткотрајно да донесе промена, особено во попладневните часови.

Денеска не очекува сончево време со температура до 34 степени.

Сончево и топло со мала до умерена локална облачност. Ќе дува слаб до умерен ветер, во западните од западен правец, кој наместа повремено ќе засилува, а долж Повардарието и во источните делови од југоисточен правец. Максималната температура ќе биде во интервал од 28 до 34 степени.

Во Скопје, сончево и топло со мала облачност. Ќе дува слаб до умерен ветер од југоисточен правец. Максималната температура ќе биде до 34 степени, стои во извештајот од УХМР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Каква мајка таква ќерка, Гвинет Палтроу и нејзината ќерка Епл позираа во бикини

Холивудската ѕвезда, убавата актерка Гвинет Палтроу  на воодушевување на фановите на социјалните мрежи сподели летни фотографии со својата 22-годишна ќерка, Епл Мартин.

Фото: Каква мајка таква ќерка, Гвинет Палтроу и нејзината ќерка Епл позираа во бикини

53 годишната Гвинет сподели неколку летни фотографии на Инстаграм, а најголемо внимание привлекоа оние на кои е прикажана нејзината 22-годишна ќерка, Епл Мартин.

Мајката и ќерката заедно уживаа во сонцето, а многумина забележаа колку Епл личи на својата позната мајка.

„Летото засега одлично минува“, напиша Палтроу покрај фотографиите.

На една од фотографиите, Гвинет позира без шминка, облечена во црн едноделен костим за капење и со очила за сонце. До неа е Епл во бикини со црвено-бели пруги.

Епл, ќерката што Палтроу ја има со својот поранешен сопруг Крис Мартин, сега е подготвена да направи уште еден чекор кон актерска кариера. Таа доби улога во романтичната комедија „Париз Парамаунт“ (Paris Paramount), иако деталите за нејзиниот лик сè уште не се откриени.

Гвинет Палтроу и фронтменот на „Колдплеј“, Крис Мартин, стапија во брак во 2003 година. По 11 години брак, тие ја објавија својата разделба, а официјално се разведоа во 2016 година. Сепак, останаа во добри односи и заеднички се грижат за својата ќерка Епл и синот Мозис (20).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Српска актерка ужива во танга на плажа

Убавата српска актерка Ивана Дудиќ покажа како ужива во одморот, а со фотографија од плажата предизвика лавина коментари на социјалните мрежи. 

Фото: Српска актерка ужива во танга на плажа

Таа позираше во едноделен костим за капење, а кога му сврте грб на фотоапаратот, нејзините следбеници имаа што да видат.

Од напред сè изгледа умерено, но одзади, костимот за капење со танга-крој ги открива повеќето од нејзините атрибути.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Брус Вилис сепак присуствувал на свадбата на својата ќерка, објавена е ретка фотографија од него

Талула Вилис (32), најмладата ќерка на поранешната холивудска брачна двојка, Брус Вилис и Деми Мур, се омажи за музичарот Џастин Ејси.

Брус Вилис сепак присуствувал на свадбата на својата ќерка, објавена е ретка фотографија од него

Свадбата се одржа на 8 август на семејниот имот во Ајдахо, во присуство на најтесното семејство.

Најголемо внимание привлече доаѓањето на таткото на невестата, славниот актер Брус Вилис – кој ретко се појавува во јавноста поради сериозната здравствена состојба.

„Вог“ објави црно-бела фотографија на која се гледа како Брус Вилис ја прегрнува Талула, истовремено држејќи го и својот зет.

Талула ја опиша сцената како нежен момент споделен со нејзиниот татко и сопруг на почетокот на празничниот викенд.

Фотографијата предизвика бројни емотивни реакции на социјалните мрежи. Многумина коментираа колку биле трогнати од сцената, особено имајќи ја предвид борбата на актерот со болеста и неговата одлука да биде покрај својата ќерка на нејзиниот важен ден, и покрај сè.

Брус Вилис се повлече од актерството во 2022 година откако му беше дијагностицирана афазија.

На почетокот на 2023 година, неговото семејство објави дека актерот боледува од фронтотемпорална деменција. Станува збор за прогресивно невродегенеративно нарушување што може да влијае на говорот, разбирањето на јазикот и однесувањето. Оттогаш, Вилис ретко се појавува во јавноста, а за него се грижи неговото семејство.

Покрај Талула, Брус Вилис ги има и ќерките Румер и Скаут од бракот со поранешната сопруга Деми Мур. Тој остана близок со Деми и по нивниот развод.

Тагови: Брус Вилис

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер