Скарлет Јохансон: обвинува: „Опен-АИ“ го копирала нејзиниот глас без дозвола - Канал 5

Шоу биз

Скарлет Јохансон: обвинува: „Опен-АИ“ го копирала нејзиниот глас без дозвола

Американската глумица Скарлет Јохансон ја обвини фирмата „Опен-АИ“ (OpenAI) дека го копирала нејзиниот глас за еден од гласовните асистенти на „Чет-ГПТ“ (ChatGPT) а не ѝ дозволила на компанијата да го стори тоа. 

Скарлет Јохансон: обвинува: „Опен-АИ“ го копирала нејзиниот глас без дозвола

„Минатиот септември добив понуда од Сем Алтман, кој сакаше да ме ангажира за да го позајмам гласот за постојниот систем 'Чет-ГПТ 4.0'. Тој ми рече дека верува дека мојот глас може да го премости јазот меѓу технолошките компании и креативците и да им помогне на потрошувачите да се чувствуваат удобно во 'сеизмичката промена' што се случуваше за луѓето со вештачката интелигенција. Тој рече дека чувствува дека мојот глас ќе им биде познат на луѓето“, напиша Јохансон на својот интернет-простор.

Глумицата, „по многу размислување и од лични причини“, ја одбила понудата. Но, кога минатата недела „Опен-АИ“ го демонстрираше четботот „4o“ - најновиот главен јазичен модел на компанијата, „нејзините пријатели, семејството и пошироката јавност“ забележале дека потпрограмата „Скај“ звучи како неа.

Јохансон вели дека е „шокирана, лута и во неверување што Алтман ќе употреби глас што звучи толку морничаво слично на нејзиниот“, така што ни нејзините најблиски не прават разлика.

Алтман, според наводите, контактирал со нејзиниот агент два дена пред компанијата да го открие „ГПТ-4o“ и побарал од неа повторно да размисли, но таа вели дека го претставил системот пред таа да има можност да одговори.

- Гласот на „Скај“ не е гласот на Скарлет Јохансон и никогаш не беше намерата да личи на нејзиниот. Ја избравме „гласовната актерка“ пред каков било контакт со Јохансон. Од почит кон неа, оставивме време пред продолжување на употребата на гласот на „Скај“ во нашиот производ. Ние жалиме што не искомунициравме подобро, изјави претставник на „Опен-АИ“.

Во понеделникот, компанијата „Опен-АИ“ соопшти дека ја става „на пауза“ употребата на „Скај“ како дел од четботот и во подолга објава објаснува како се најмени професионални гласовни актери за виртуелните асистенти. „Опен-АИ“ и притоа одрекува „какви било сличности“ со гласот на Јохансон.

Овој потег, според Јохансон, доаѓа дури откако таа најмила правник кој напишал писма до Алтман и „Опен-АИ“ барајќи објаснување.

„Во време кога сите ние се бориме со ‘дипфејк’ и го штитиме сопствениот труд и идентитет, верувам дека тоа се прашања коишто заслужуваат целосно расчистување. Со нетрпение очекувам транспарентно решение и усвојување соодветен закон за да се обезбеди заштита на индивидуалните права“, додаде Јохансон во објавата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Двајца уапсени во кафуле во Тетово- кај газдата пронашле 15 пакувања дрога

Акциска контрола во угостителски објект во Тетово, пронајдена дрога, лишени од слобода две лица.

Двајца уапсени во кафуле во Тетово- кај газдата пронашле 15 пакувања дрога

На 23.10.2026, полициски службеници од Отсекот за криминалистичка полиција при СВР Тетово и од мобилниот тим „Task Force“ во координација со претставници од Државниот пазарен инспекторат и Управата за јавни приходи спроведоа акциска контрола во угостителски објект во Градскиот трговски центар во Тетово.

Притоа, пред објект бил затекнат М.Р.(48) од Тетово и при преглед кај него била пронајдена бела прашкаста материја, по што е лишен од слобода. Додека, внатре во објектот, кај сопственикот Ј.Т.(54) од село Требош биле пронајдени 15 пакувања со бела прашкаста материја, по што и тој е лишен од слобода.

Двајцата биле задржани во полициска станица и по целосно документирање на случајот против нив ќе следува соодветна пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Муцунски ја предводеше владината делегација на одбележувањето на 23 Октомври

Министерот за надворешни работи и надворешна трговија, Тимчо Муцунски, денеска во Скопје ја предводеше владината делегација која положи цвеќе пред Споменикот на основачите на ВМРО, по повод 23 Октомври – Денот на македонската револуционерна борба.

Министерот Муцунски ја предводеше владината делегација на одбележувањето на 23 Октомври

По повод празникот, министерот Муцунски истакна дека 23 Октомври е потсетник на идеалите за слобода, самостојност и државотворност и ден на почит кон генерациите што го трасирале патот кон современата македонска држава.

„Наша обврска е тие идеали да ги чуваме со достоинство и да градиме силна, стабилна и меѓународно почитувана држава, одговорно водејќи ја кон напредок и нови достигнувања“, порача Муцунски.

Свои на своето – нека е честит Денот на македонската револуционерна борба!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Двајца кумановци нападнаа повозрасен маж за да го принудат да земе брз кредит, уапсени се

Лишени од слобода две лица од Куманово, физички нападнале и ограбиле повозрасен маж и се обиделе да го принудат да земе брз кредит од финансиско друштво.

Двајца кумановци нападнаа повозрасен маж за да го принудат да земе брз кредит, уапсени се

На 22.10.2026 во Куманово, полициски службеници од СВР Куманово ги лишија од слобода 45 - годишната С.Б. и Р.Т.(52) од Куманово. Според пријавеното, С.Б. измамила и повикала во својот дом 64-годишен маж наводно за да ѝ помогне да купи мобилен телефон, а кога пристигнале во дворот Р.Т. физички го нападнал, а таа му одзела пари и телефон . Како што е пријавено, после тоа го принудиле да отиде во финансиско друштво за да подигне брз кредит, но тој успеал да ѝ сигнализира на вработената дека е принуден да го прави тоа, по што повикала полиција.

Двајцата биле приведени во полициска станица и по целосно документирање на случајот против нив ќе следува соодветна пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер