Ова го покажуваат податоците од трговските мрежи во време кога цела Шпанија е во изолација од 15 март.
Шпанците купиле 80 проценти повеќе пиво и 60 проценти повеќе вино во изминатата недела отколку претходната, се вели во извештајот на Инфортхаил.
Маслинките се чини дека се уште попопуларни, при што продажбата скокнала за 94 проценти.
Чипсот од компир, чоколадото, сладоледот и инчуните исто така исчезнуваат од полиците и нивната продажба се зголемила за 76 до 87 проценти.
Шпанците кои нормално се дружат по кафулиња, барови и други места на отворено, сега направиле свои домашни барови, пренесува шпанскиот весник „Ел Паис“.
Психологот Олга Кастаниер овие промени ги припишува на вознемиреноста предизвикана од епидемијата и новите ограничувања на движењето.
„Кога сте во стрес, не јадете стек. Во оваа ситуација, телото копнее по шеќери и маснотии“, рече Кастаниер за Ел Паис.
Таа признава дека се среќава со пријатели преку Скајп за да пијат пиво.