Шкода не ги отпишува дизел моторите- пристигнува новата Октавија со познат мотор - Канал 5

Автомобилизам

Шкода не ги отпишува дизел моторите- пристигнува новата Октавија со познат мотор

Чешкиот автомобилски гигант Шкода донесе официјална одлука да не се откажува од дизел моторите и најави продолжување на големите инвестиции во овој тип на погон.

Шкода не ги отпишува дизел моторите- пристигнува новата Октавија со познат мотор

Моделот Октавија во својата следна генерација ќе ги задржи подобрените дизел мотори во својата понуда заедно со стандардните хибридни верзии. Овој потег е директен одговор на потребите на пазарот и желбите на голем број возачи низ Европа.

Бројни автомобилски експерти долго време предвидуваат брз крај за дизелите поради масовната експанзија на електричните возила. Според некои мрачни проценки, овие мотори би можеле целосно да исчезнат од пазарот во следните неколку години. Сепак, менаџментот на Шкода не го дели ова мислење и сака да ја задржи што е можно пошироката база на лојални клиенти по секоја цена.

Зошто Шкода продолжува да ја развива дизел технологијата и покрај притисокот

Познатото британско списание Аутокар објавува дека компанијата сака да игра на неколку различни полиња истовремено со цел да обезбеди стабилна продажба. Наместо целосен премин на електрична енергија, стратегијата се базира на нудење различни погонски склопови за сечиј џеб. Подобрените дизел мотори ќе бидат почисти, поефикасни и прилагодени на најновите еколошки стандарди.

Новата Октавија нуди широк спектар на мотори за сите профили на возачи. Купувачите на новата генерација на најпопуларниот чешки модел ќе имаат на располагање неколку исклучително привлечни опции. Покрај гореспоменатите дизел мотори, понудата ќе вклучува и благи хибриди и напредни plug-in хибридни верзии. На овој начин, Škoda обезбедува преоден период за сите возачи кои сè уште не се подготвени да купат целосно електрични автомобили.

Тагови: Октавија Шкода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Голем пожар во Германија, евакуирани околу 1.800 луѓе

Германските власти наредија евакуација на околу 1.800 луѓе рано утринава, откако шумски пожар во западниот дел на земјата се прошири кон село во близина на белгиската граница, пренесува Ројтерс.

Голем пожар во Германија, евакуирани околу 1.800 луѓе

Во соопштението објавено во 4:00 часот наутро, општинските власти им наложија на жителите на селото Гај (Gey) веднаш да ги напуштат своите домови.

Тие беа упатени кон прифатниот центар организиран во основното училиште во блискиот град Страс (Strass) и замолени со себе да ги земат само најнеопходните работи, личните документи и потребните лекови.

Во четвртокот, надлежните потврдија дека е започната голема интервенција поради пожар што зафати околу 25 хектари од блиската шума. Пожарникарите и службите за итни интервенции се обидуваат да го стават пожарот под контрола, а патот Б399 во тој дел е затворен за сообраќај.

Метеоролозите предупредуваат дека големи делови од Германија се соочуваат со суша и висок ризик од шумски пожари. Европа е континентот што најбрзо се загрева во светот и оваа година се соочува со невообичаено интензивна сезона на пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

14 хоспитализирани, а изгорени се куќи и автомобили во Хрватска кај Омиш

Хрватското крајбрежје кај градот Омиш се соочува со пожари.

14 хоспитализирани, а изгорени се куќи и автомобили во Хрватска кај Омиш

36 лица биле примени во сплитската болница ,а 14 лица се хоспитализирани, изгорени се куќи и автомобили.

Пожарот што избувна во Локва Рогозница синоќа се прошири и во градот Омиш.

Неколку стотици луѓе се евакуирани, а за жал повредени се и локални жители и пожарникари. Информации пристигнуваат и од терен за изгорени куќи и автомобили. Пристигнуваат и канадери за да им помогнат на исцрпените противпожарни екипи.изгорената површина се проценува помеѓу 900 и 1000 хектари.

Во текот на ноќта, пожарот, носен од силни ветрови, се проширил сè до Омиш.

Во еден момент, пожарот се приближил на 50 метри од центарот на градот. Некои делови од градот останале и без електрична енергија.

Нема информации дали има македонски граѓани затеканати во градот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од денеска се очекува укинување на забраната за пиење вода во Гостивар

Гостиварци извесно е дека од денеска ќе имаат безбедна  вода од градскиот водовод. Третото тестирање на водата, по претходните две задоволителни лабораториски анализи, покажувало значително подобрување на физичко-хемиските и микробиолошките пар

Од денеска се очекува укинување на забраната за пиење вода во Гостивар

Од локалниот кризен штаб за Канал 5 вчера потврдија дека до примероците земени вчера се добри и доколку резултатите ја потврдат исправноста на водата, се очекува денеска да биде укината забраната за нејзино користење за пиење.-трите лабаратории земале мостри на секои 12 часа.

Резултатите што ги добиле се добри, и покажале дека водата е исправна според физичките, хемиските и микробиолошките параметри. Се очекуваат уште едни резултати.

Од кризниот штаб апелираат граѓаните да не брзаат со користењето на водата за пиење сè додека не добијат официјално зелено светло од институтот за јавно здравје и агенцијата за храна и ветеринарство дека водата е безбедна за употреба.

Тагови: вода за пиење Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер