Бергузар ги израдува своите следбеници со најновата објава на нејзиниот Инстаграм. Имено, таа направи селфи на плажа без шминка.
– Последните десет дена до четириесет – изјави актерката која на 27 август ќе го прослави 40-тиот роденден.
„Кралица“, „Убава си“, „Доаѓа најдоброто и најсреќното време“, „Каква убавина“, коментираат нејзините фанови.
Инаку, Бергузар на 7 август ја прослави 13-годишнината од бракот со Халит Ергенч (52), познат по улогата на Сулејман Величествениот во истоимената турска серија. Таа на Инстаграм објави нивна заедничка фотографија на која се гушкаат и се смешкаат, а таа позира без шминка. „Ауу, среќа“, „Среќна годишнина“, „Преубава си“, „Ви посакувам здравје, успех и море од љубов“, им порачаа фановите.
Бергузар често споделува фотографии со сопругот и нивните деца и покажува дека се посреќни од било кога, иако неколкупати се пишуваше за пропаѓање на нивниот брак.
Да потсетиме, Бергузар и Халит ги имаат синовите Али (12) и Хан (2) и осуммесечната ќерка Лејла, а како што пренесуваат турските медиуми, парот решил да се одмори од телевизиските улоги.
Бергузар последен пат глумеше во историската сапунска опера „Ватаним сенсин“ со Халит додека беше ангажиран во психолошката трилер серија „Бабил“ од 2020 година.
Парот има куќа во Лондон каде поминуваат многу време кога не работат и се многу посветени на своите деца. Некои дури заклучиле дека се преселиле во Англија бидејќи поминувале многу време таму во изминатите месеци.
- Не се населиле во Англија. Често доаѓаат и си одат - изјави нивната менаџерка Ајше Барим. Парот се запозна на снимањето на популарната турска серија „Илјада и една ноќ“. Јавноста со интерес ја следеше нивната бурна љубовна приказна.
Имено, во времето кога се заљубиле за време на снимањето на серијата, Халит бил во брак со актерката Гизем Сојсалди, која била 14 години помлада. Почувствувале голема привлечност, која не можеле да ја негираат, особено кога во 2008 година морале да отпатуваат на работа во Париз. Бергузар набрзо го напуштила своето момче, а Халит побарал развод од Гизем, која во тоа време била бремена, па решила да абортира.