Македонија

Аналитичарите за вчерашните средби во Софија

Средбата меѓу Муцунски и Петрова Чамова покажа дека во Софија ниту може, ниту треба да се бара решение бидејќи тие нема да ја променат својата позиција, дециден е поранешниот амбасадор Ристо Никовски.

Без поголем ентузијазам по вчерашниот дијалог во Софија е и аналитичарот Арсовски, кој вели дека тој поминал во симбол на дипломатска пристојност и куртоазија но без суштински пробив.

-Повторно се пониживме во Софија, свесни дека таму апсолутно нема ништо да се добие. Бугарите ги повторија своите аргументи дека се е во Брисел и дека нема што да бараме кај нив. Првиот дел завршува со фактот дека ние не можевме да избегнеме, бидејќи таа беше иницирана од претседателката на ЕК. Урсула фон дер Лајен. Вториот дел е позитивен бидејќи тоа покажува дека Брисел е свесен дека треба да се бара излез од тој ќорсокак во кој е доведена Македонија. И сега после овој неуспех во Софија, ние треба да се сконцентрираме на Брисел, бидејќи факт е дека се е во нивни раце.- - Ристо Никовски, поранешен амбасадор на Македонија во Обединетото Кралство.

-Во моментот нема промена на ставот дека се работи за Европски консензус во кој Македонија бадијала де факто преговара со Софија. //Тврдата позиција и на Европската комисија и на Бугарија по конкретното прашање за уставните измени врзано со втората меѓувладина конференција ќе остане фиксно. // Во основа ние преговараме во една преговарачка рамка која ние формално сме ја прифатиле и е во нашиот правен промет. Мислам дека евентуално би можеле да разговараме за некаков полесен пат откако ќе ги направиме уставните измени,- -Петар Арсовски, аналитичар .

Во однос на тоа што после оваа средба која се случи по даден „совет„ од претседателката на ЕК – Урсула фон дер Лајен, ставовите на Никовски и Арсовски се значително различни. Според Никовски, сега на земјава и преостанува да ги пренасочи своите сили во Брисел со цел промена на преговарачката рамка преку откажување на вториот протокол кој Никовски го оценува како неуставен и нелегален. Додека пак Арсовски цени дека преговарачката рамка ќе остане непроменета, но возможен е како што вели договор на домашен терен според кој, ако ги направиме уставните измени и добиеме нови билатерални условувања надвор од Копенхашките критериуми, ќе ги прекинеме преговорите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Ѓоковиќ по поразот во Шангај: Беше речиси невозможно

Новак Ѓоковиќ не успеа доволно да се опорави од заморот и освојувањето на Пекинг, па загуби од Хуберт Хуркач на првиот тест на Мастерсот во Шангај, но немаше причина за очај.

- Пекинг беше одличен, а потоа рана елиминација овде... Но, добро. Имав одлична недела во Пекинг, сега сакам малку да одморам и да се подготвам за затворениот дел од сезоната - изјави Новак, а потоа подетално објасни:

- Површината е исклучително брза, сосема поинаква од онаа во Пекинг. Ако изгубите сервис еднаш по сет, може да биде доволно да го изгубите мечот. Токму тоа се случи. Многу е тешко да се врати неговиот сервис, речиси невозможно - сервираше навистина добро. Не се адаптирав, а соочувањето со него веќе на првиот меч овде беше многу тешка ждрепка за мене - изјави Новак, пренесе Телеграф.

Потоа го коментираше мечот со Хуркач кој го загуби во два сета каде Полјакот сервираше навистина неверојатно.

- Ако претрпите пауза, доволно е да го загубите натпреварот. Еден брејк по сет и тоа се случува. Многу е тешко да се врати на негов сервис, беше речиси невозможно. Не се адаптирав, имав многу тешка ждрепка, особено што морав да играм со него веќе на првиот меч - потенцира Ѓоковиќ.

Сега го чека турнирот „Шест кралеви“ во Ријад, но најголема желба му е да обезбеди учество на завршниот Мастерс во Торино, за кој моментално ја држи позицијата, но ќе биде многу тешко да остане таму.

- Би сакал да го одиграме завршниот Мастерс во Торино. Се уште планирам да играм во Париз, па да видиме... Се надевам дека таму ќе имам добар резултат - заврши Ѓоковиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Крадци украле 30.000 шишиња вино во вредност од 5 милиони евра во Италија

Невообичаена кражба во Италија.. Крадци украле 30.000 шишиња вино во вкупна вредност од околу 5 милиони евра од позната италијанска винарија, објави Би-Би-Си.

„Марчези Антинори“, една од најголемите семејни винарии во Италија, соопшти дека кражбата во нивниот магацин во Тоскана се случила во саботата, додека компанијата се подготвувала да испрати пратка до клиенти во странство.

Се претпоставува дека најмалку седум маскирани мажи ги деактивирале алармите и ги исклучиле камерите пред да натоварат два големи камиони со тоскански црвени Вина Тињанело, Солаја и Гвадо Ал Тасо на компанијата. Извршниот директор котарела изјавил дека ова е најголемата кражба од ваков вид во Италија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Педијатрите дневно дијагностицират од три до 4 деца со коксаки вирус

Од три до четири пациенти дневно со вирусот коксаки се потврдуваат од страна на матичната докторка Мира Атанасова.

Таа објаснува дека вирусот што се манифестира со исип на рацете, стапалата во устата и грлото се чест симпот за коксаки и тоа најчесто кај деца од предучилишна возраст.

Доктор Атанасова објаснува дека најчесто лекувањето трае и до седум дена и треба детето да не оди во градинка, доколку има проблеми со грлото и висока температура со денови треба да се побара и болничко лекување.

Коксаки вирусот може да го добијат и возрасните кои најчесто се пренесува од нивните деца. Најважно е изолација и терапија со витамини и течности.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.