Шаповалов лут по поразот од Надал: Смешно, фрустрирачки, каде е границата?

Канадскиот тенисер Денис Шаповалов е незадоволен од судиските одлуки на загубениот меч против Рафаел Надал во четвртфиналето на Австралија Опен.

Шаповалов во вистински маратон од пет сета е поразен од шпанскиот ас Рафаел Надал со 3-2 по сетови 6:3, 6:4, 4:6, 3:6, 6:2 во 1/4 финалето на Отвореното првенство на Австралија.

Младиот тенисер за време на мечот неколку пати влезе во конфликс со главниот судија поради тоа што Надел добивал многу време за паузи меѓу сервисите и му било дозволено да замине во тоалет без никаква опомена или казна.

Канаѓанецот го загуби овој дуел по пет сета, а за време и по мечот го критикуваше судијата Карлос Бернардес.

Шаповалов сметаше дека судијата не смеел да дозволи Надал да прави толку брејкови во текот на мечот, а покрај медицинските тајм-аути, на истиот одмор, отишол и во тоалет, како што тоа го правеше меѓу последните два сета.

„Мислам дека згрешив кога реков дека е корумпиран. Тоа беше наклонетост, но јас стојам на моите зборови. Не е фер Рафа да одолговлекува толку многу. Подготвен сум да играм и да гледам часовник 3, 2, 1, нула и очигледно ќе кажам дека бев спремен да играм, а тој ми вели дека нема да му досуди пенал за пречекорување на времето (Надал паузираше шест и пол минути наместо дозволените пет премиери надвор) бидејќи Не сум спремен да играм. Смешно ми е кога некој ќе го каже тоа. После четвртиот сет Надал оди (во соблекувалната. Надвор.) За истото минатата година не можев да направам пауза за тоалет кога барав лекарски тајм-аут. Каде е границата? Мислам, сè уште го ценам она што го постигна Надал, неверојатен играч. Но мора да има граница, правила. Фрустрирачки е. Се чувствувате како да не сте еднакви. Играте против ривал, судијата. Тешко е“, изјави Шаповалов.

Шаповалов беше запрашан дали сето ова се случило затоа што бил Надал, а не некој друг играч.

„Сто проценти. На секој друг натпревар што го играм, темпото беше брзо бидејќи судиите ја почитуваа границата за брејк. Надал правеше големи брејкови помеѓу сетови, само се повлече. Не оспорувам дека мора да земе медицински тајм-аут. или што и да е. Но, како можеш да земеш медицински и да имаш пауза во тоалет во истата пауза. Тоа едноставно не е избалансирано“, изјави нервозниот Шаповалов по мечот.

Министерот Османи во Киев, повторно се отвора македонската амбасада во Украина

Три месеци од почетокот на руската инвазија врз Украина, шефот на македонската дипломатија Бујар Османи стана дел од серијата на странски политичари и дипломати кои ја посетија државата.

Во Киев Османи повторно ја отвори македонската амбаада, а потоа оствари и средба со неговиот украински колега Дмитро Кулеба. На заедничката прес-конференција, двајцата министри покрај осудата за руската агресија, ги поздравија и чекорите кои Македонија и Украина ги прават за полноправно членство во Европската Унија

-Со борбата за нивната слобода и слободата на нивната земја и за идните генерации, храбрите Украинци се сега на првите редови во борбата за демократскиот свет, да се зачуваат демократските вредности. Слободата на Македонија и секоја друга држава денеска се брани во Украина и Украина ја заслужува нашата целосна почит, поддршка и помош во нивната битка. -Бујар Османи.

На терен пак, продолжува руската офанзива во Донбас. По неколкудневните интензивни борби, проруските сепаратистички сили соопштија дека ја презеле целосната контрола врз градот Лиман кој важи за еден од стратешки најважните градови во истокот на државата. Во меѓувреме, украинскиот Претседател Зеленски и денеска со порака за помош од западните партнери за конечно ставање крај на војната.

-Моменталната офанзива на окупаторот во Донбас може да го опустоши целиот регион. Тие сакаат да ги бомбардираат Попасна, Бахмут, Лиман, Лисичанск и Северодонецк до темел, како Волновахка и Мариопол. Во градови и општини кои се наоѓаат во близина на границата со Русија, во Донецк и Луганск ги собираат сите кои што можат да ги заземат местата на убиените и ранетите во нивните бригади.- Володомир Зеленски.

Во речиси исто време со офанзивата во Донба, руската армија го гранатираше вториот по големина град во Укрина, Харков. Според официјалните податоци, , во нападите загинале 9 цивили, меѓу нив и пет месечно бебе. Звуците од воените сирени доцна синоќа, покрај во Харков се слушаа и во Запорожје и Днипро. Дека мирот не е ни на повидок, потврди и поранешниот руски претседател Дмитриј Медведев кој украинските услови за примирје ги оцени како неостварливи и нереални.

Дали евентуално ново вето од Бугарија ќе влијае на динамиката на политичките процеси дома?

 И доколку бугарското вето за Македонија во јуни остане, политичка дестабилизација и предвремени избори нема да има, вели премиерот Димитар Ковачевски. 

Според него Македонија е заложник на датуми иако ги има исполнето сите критериуми за почеток на преговори со ЕУ, а функционирањето на една Влада не може да се врзува само со еден датум во текот на годината.

За вонредниот коалициски совет којшто бугарскиот премиер Петков го свика во Софија за односите со Скопје, Ковачевски вели дека тоа е внатрешно прашање и нема ништо ново во преговорите меѓу двете страни, ниту заеднички прифатлив документ за кревање на ветото.

-Функционирањето и работата на една Влада не може да се врзува само со еден датум којшто е како некоја отсечка во текот на годината. Ние предолго време бевме заложници на датуми, бидејќи секогаш се очекуваше некаков датум којшто не зависеше од нас бидејќи ако ги погледнете извештаите за Македонија тогаш ние имаме четири последователни позитивни извештаи. Немам информации околу коалицискиот совет во Софија, бидејќи е коалициски совето во Бугарија. Доколку има било каков напредок, ќе биде споделено на ниво на министерствта за надворешни работи. Во однос на Владата, таа е стабилна и има парламентрано мнозинство од 64 пратеници кое работи на програмските определби, изјави Ковачевски.

Од ВМРО-ДПМНЕ не се откажуваат од намерата преку активна блокада на Собранието да издејствуваат предвремени парламентрани избори. Лидерот на партијата Христијан Мицкоски не прецизираше дали планираат да ја променат тактиката на делување по последните постапки од собранискиот спикер Џафери и интерпелацијата што ја најавија за неговата работа. Во однесувањето на Џафери гледа обид да предизвика инцидент.

-Полн е за жал спикерот со примитивизам, и тоа навистина делува фрустрирачки за сите граѓани. Не за нас што се срамиме од тие недолични постапувања што се занимаваме со политика, туку сите граѓани. Еве, прашајте ги луѓето овде и насекаде. Тој примитивизам навистина згрозува. Но, морам да кажам не е наивен. Затоа што тој примитивизам има своја цел, а таа цел е да предизвика инцидент налик на оној од 27-ми април, и да може овој примитивец заедно со сите тие кои што го поддржуваат да бидат претставени во едно поинакво светло од тоа што се. Треба да знаат тие сценаристите и организаторите дека ВМРО-ДПМНЕ е многу поискусна, и ВМРО-ДПМНЕ е многу поорганизирана, и нема намера да ја продолжи оваа агонија во Македонија, изјави Мицкоски.

Освен активната блокада на Собранието, од ВМРО-ДПМНЕ најавија и протест на 18 јуни за како што велат уривање на Владата и одржување предвремени избори. Тој ќе се одржи неколку дена пред редовниот јунски самит на ЕУ на кој се поизвесно е дека бугарското вето за Македонија ќе биде потврдено.

ТАВ ја завршува рехабилитацијата на пистата на Меѓународниот Аеродром Скопје

ТАВ ја завршува  рехабилитацијата на пистата на Меѓународниот Аеродром Скопје, од утре од 17 часот летовите се нормализираат  .

ТАВ Македонија, за утре, сабота, 28-ми мај, најавува дека ќе ја заврши рехабилитацијата на пистата на Меѓународниот Аеродром Скопје и од 17 часот попладнето летовите ќе почнат да се одвиваат во текот на целото деноноќие.

Градежните работи за рехабилитација на пистата на Меѓународниот Аеродром Скопје почнаа на 28-ми март и оттогаш досега распоредот на летови беше изменет, односно летовите се одвиваа од 17 часот до 9 часот секој ден, а од 9 часот до 17 часот се работеше на пистата.

„Овој голем инвестициски проект завршува по 62 дена градежни работи за обновување на асфалтот на пистата на скопскиот аеродром. Ние во ТАВ сме задоволни и уверени дека успешното завршување на проект од овој вид за првпат по реконструкцијата на пистата во 1996 година ќе обезбеди повисок квалитет на аеродромските услуги. Би сакале да се заблагодариме на сите засегнати страни и чинители бидејќи навистина ја цениме нивната соработка, поддршка и придонес", изјави Метин Батак, Генерален директор на ТАВ Македонија.

Пистата на Меѓународниот Аеродром Скопје е долга 2.950 метри и широка 45 метри, а овој проект за рехабилитација на пистата е прв по реконструкцијата на пистата на скопскиот аеродром во 1996 година, кога истиот бил целосно затворен за сообраќај во период од 2,5 месеци, а авиосообраќајот бил префрлен на охридскиот аеродром.

ТАВ Македонија ги советува патниците редовно да ги следат и проверуваат веб-страниците на авиокомпаниите, со цел да ги видат најновите/евентуалните измени за летовите од/до Меѓународниот Аеродром Скопје.

На веб-страницата на Меѓународниот Аеродром Скопје, во категоријата „Летови" (Пристигнувања/Заминувања) информациите за евентуални промени во редот на летање се ажурираат редовно и во реално време, како што ТАВ Македонија ги добива од авиокомпаниите.

притисни ентер