Шакира: Ова е најтемниот период во мојот живот

Светската музичка ѕвезда Шакира ја отвори душата по прељубата на невенчаниот сопруг, фудбалскиот ас Жерар Пике-Ова е најтемниот период во мојот живот. .

Ниту една разделба не е лесна, особено кога се случува пред јавноста.

Мегапопуларната пејачка Шакира го почувствува тоа на своја кожа кога во јавноста стигна информацијата дека нејзиниот невенчан сопруг фудбалерот на Барселона Жерар Пике ја изневерил со дваесетгодишна студентка.

„Жешката Колумбијка“ молчеше четири месеци, а сега проговори за тоа како се чувствува по завршувањето на нејзината 12-годишна врска која и донесе два сина.

„Бев тивка бидејќи се обидував да прифатам се. Да, тешко е да се зборува, особено затоа што сè уште поминувам низ тоа и затоа што сум јавна личност и нашата разделба не е како обична разделба. Тешко е, не само за мене туку и за моите деца. Неверојатно тешко, ја започна својата исповед за октомвриското издание на магазинот „Elle“ Шакира, која покрај прељубата на нејзиниот поранешен партнер, се соочи и со обвинувања за затајување данок од страна на шпанската влада. „Се обидов да скријам сè од моите деца затоа што се обидувам да ги заштитам, тоа е мојата мисија број еден. Но, потоа слушаат работи на училиште од своите пријатели или наидуваат на некоја непријатна вест на Интернет и тоа едноставно ги погодува“, изјавила Шакира.

„Понекогаш се надевам дека сето ова е само лош сон и дека некогаш ќе се разбудам. Но, не, тоа е реално. И сето тоа се случуваше токму во времето кога татко ми беше на интензивна нега, а јас се борев на различни фронтови. Ова е веројатно најтемниот период во мојот живот“, рече таа и истакна дека ја запоставила кариерата поради поранешниот сопруг.

„Ја ставив кариерата во мирување и дојдов во Шпанија да го поддржам за да може да игра и да освојува титули. И тоа беше жртва на љубовта“, заклучила Шакира.

Популарниот пар беше во вонбрачна заедница цели 12 години. Шакира и Пике инаку се родители на 10 годишниот Милан и три години помладиот син Саша.

ЕК ги повикува земјите членки да го финализираат Фронтекс со Македонија

Европската комисија поднесе предлог за потпишување и склучување на договор меѓу ЕУ и Македонија за Фронтекс, јави дописничката на МИА од Брисел.

Европската комисија предлогот за договор со граничната и крајбрежна агенција на ЕУ, Фронтекс, го поднесе на 23 септември до советот, т.е. Земјите членки на ЕУ. Договорот до сега е блокиран поради Бугарија која не се согласуваше со употребата на терминот „македонски јазик“ во текстот на договорот.

Во соопштението на ЕК се наведува дека предлогот ќе помогне да се зајакне капацитетот на Фронтекс во најблиското соседство на ЕУ, преку помош за властите во земјава да се справат со нерегуларна миграција, борба против шверц и засилена безбедност на надворешните граници на ЕУ.

Комисијата потсетува дека договорот со македонија ќе содржи и „силни одредби за заштита на темелните права“. Предлогот сега треба да го одобрат земјите членки на еу за да може договорот да биде финализиран и да стапи на сила.

Костовски: Радишани добива нов ултра модерен спортски рекреативен центар „Македонија“

Веднаш спроти Манастирот св. Наум кај местото викано олимпија, наскоро ќе никне нов ултра модерен спортско рекреативен центар, можеби најубав во градот Скопје.

РАДИШАНИ НАСКОРО ЌЕ ДОБИЕ НОВ УЛТРА МОДЕРЕН СПОРТСКО РЕКРЕАТИВЕН ЦЕНТАР КОЈ ЌЕ ГО НОСИ ИМЕТО МАКЕДОНИЈА

Веднаш спроти Манастирот св. Наум кај местото викано олимпија, наскоро ќе никне нов ултра модерен спортско рекреативен центар, можеби најубав во градот Скопје.

Овој спортско рекреативен центар ќе содржи:

Модерно фудбалско игралиште со виско квалитетна вештачка трева, нова ограда, нови голови и ново лед осветлување.

Баскет игралиште со специјална подлога за баскет, нови кошеви и ново лед осветлување.

Ново модерно детско игралиште

Нов парк за рекреација на граѓаните

Нов паркинг простор

Го менуваме ликот на општина Бутел, секое населено место до крајот на мојот мандат ќе добие нов лик.

ВЕТЕНОТО ГО РЕАЛИЗИРАМЕ!

#МодернаОпштинаБутел

СДСМ: Проектите во Скопје стојат заради бизнис интереси на ВМРО-ДПМНЕ и шпицниот градоначалник

Цела година Скопје стои во место поради лични и бизнис интереси на шпицниот градоначалник и ВМРО-ДПМНЕ.

По 11 месеци локална власт на ВМРО-ДПМНЕ во Скопје, повеќе од јасно е дека приоритет им биле тендерите и личните интереси, а решавањето на проблемите на граѓаните на последно место.

Наместо за скопјани, се правеле планови за тендери, провизии, влијанија. На крајот кога очигледно не можеле да се договорот јавно се скараа.

Резултат од нивните кавги се стопирани проекти и негрижа за скопјани.

Проектот БРТ за брзиот автобуски транспорт во Скопје не се реализира, иако за него има одобрени средства.

Недоправена стои Универзалната сала, иако за реконструкцијата има одобрено средства.

Нема напредок ниту кај клучката во Момин Поток, не се гради мостот на Љубљанска, не е пуштен мостот што ги поврзува Аеродром и Керамидница, ниту улицата Есенинова.

Заглавена е пречистителната станица за која во ВМРО-ДПМНЕ расправаат околу провизиите за тендерот во вредност од 136 милиони евра.

Нема ниту нови автобуси, за кои Христијан Мицкоски како шпицен градоначалник јавно се пофати дека ги договарал.

И ред други проекти и ветувања во Град Скопје стојат, се откажуваат и не се реализираат.

Граѓаните знаат дека ВМРО-ДПМНЕ ја поддржа Арсовска, и ги собираше потписите, заедно тераа кампања и ветуваа проекти пред Скопјани.

Сега ја знаеме причината зотшо ништо не е релиаизрано - локалната власт на ВМРО-ДПМНЕ наместо да се занимава со решавање на проблемите на граѓаните, се занимава со тендери и лични интереси.

Ги повикуваме Мицкоски и градоначалничката Арсовска да ги исполнат обврските што ги презеле пред граѓаните или да излезат и им се извинат за тоа што ги излажаа на локалните избори во 2021 година.

Прес-конференција, Љубица Јанчева, координаторка на советничката група на СДСМ и коалицијата во Град Скопје

СДСМ

притисни ентер