Шоу биз

Северина на суд: Ја тужи судијка поради клевета- бара 3.000 евра отштета

Пејачката Северина Вучковиќ денеска беше во Општинскиот граѓански суд во Загреб, на последното рочиште за случајот по тужбата што против неа ја поднесе судијката Луција Ласиќ.

- Денеска го дадов своето сведочење и среќна сум што конечно имав можност да ги изнесам сите околности поврзани со таа медиумска конференција која беше предмет на оваа тужба - изјави пејачката Северина по четвртото рочиште во Општинскиот граѓански суд во Загреб.

– Задоволна сум – накратко додаде таа за „24сата“.

Според хрватските медиуми, судењето е завршено, а судијата ќе ја соопшти пресудата за еден месец. Целата постапка беше затворена за јавноста, а судијката Ласиќ, кој ја тужеше пејачката за клевета, не сакаше да го коментира минатото рочиште.

Северина беше тужена од судијката Луција Ласиќ за нарушување на угледот, а од пејачката бара отштета од нешто помалку од 3.000 евра. Имено, во октомври 2019 година, на прес-конференцијата по повод почетокот на регионалната турнеја Magic Tour, пејачката рече: „Не знам зошто сум изненадена што се случува ова и целото систематско психичко силување од страна на таткото и институциите кога во оваа земја ниту жените, ниту девојчињата немаат судска заштита и поддршка за физичко силување, јас самата поминав низ слично силување во Жупанискиот суд во Сплит, во судската постапка за обидот за киднапирање на дете пред судијката Луција Ласиќ.“

Да потсетиме, Ласиќ беше во судскиот совет во Жупанискиот суд во Сплит, кој потоа одлучуваше по жалбата на Северина против пресудата со која беше одлучено момчето да живее со својот татко Милан Поповиќ (57), додека мајка му да го гледа, а на Северина ѝ е одземено правото да одлучува за здравствена заштита и образование на момчето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Две кумановки измамиле 19 лица и во нивно име земале брзи кредити, поднесена кривична пријава

Полициски службеници од СВР Куманово денеска (15.07.2026) ги лишија од слобода А.С.Д. (22) и М.В. (34), двете од Куманово, и против нив СВР Куманово поднесе кривична пријава .

Полициски службеници од СВР Куманово денеска (15.07.2026) ги лишија од слобода А.С.Д. (22) и М.В. (34), двете од Куманово, и против нив СВР Куманово поднесе кривична пријава и тоа, против А.С.Д. поради постоење основи на сомнение за сторени две кривични дела „измама“ по чл.247 ст.4 од КЗ и „злоупотреба на лични податоци“ по чл. 149 ст.1 од КЗ и против М.В. поради постоење основи на сомнение за сторено кривично дело „помагање“ по чл.24 од КЗ.

Првопријавената А.С.Д., со директна умисла и однапред создаден план, со намера за себе и за второпријавената М.В. да прибави противправна имотна корист, во период од јануари до јули 2026 година во вкупно 19 наврати, со лажно прикажување и свесно прикривање на вистинските факти, довела и одржувала во заблуда 19 лица, така што без нивна согласност и овластувања, злоупотребувајќи и користејќи ги нивните лични податоци, во нивно име аплицирала за брзи потрошувачки кредити, а по одобрувањето и исплатата на парите, тие биле противправно присвојувани од страна на А.С.Д. и М.В.. Второпријавената М.В., постапувајќи по претходен договор, и помогнала на А.С.Д. во извршувањето на кривичното дело преку преземање на дејствија што овозможиле реализација на измамата. При тоа, се стекнале со противправна имотна корист од 10.820.000 денари, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Расчистено убиството на лекарот Трповски, уапсени сопружници од Скопје, соопшти Обвинителството

По повеќе од две години истрага, Основното јавно обвинителство Скопје и Министерството за внатрешни работи го расчистија убиството на Ацо Трповски, извршено во март 2024 година.

Уапсени се сопружници од Скопје, при што 65-годишен маж е осомничен за убиство, а неговата 59-годишна сопруга за помагање при извршување на кривичното дело.

Според обвинителството, злосторството се случило на 21 март 2024 година на паркинг во населбата Автокоманда. Осомничената претходно договорила средба со трповски и влегла во неговиот автомобил. Набргу потоа пристигнал нејзиниот сопруг, кој, според сомнежите, по кратка расправија го нападнал трповски со нож, нанесувајќи му девет убодни рани во градите и телото, од кои починал. Автомобилот заедно со телото потоа го одвезле на паркингот кај поликлиниката железара. Обвинителството и за двајцата сопружници бара притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Претставници на поголемите стопански комори и министерството за економија на средба за оперативниот план за вработување

Заменик-министерот за економија Марјан Ристески оствари работна средба со претставници на најголемите стопански комори.

Заменик-министерот за економија Марјан Ристески оствари работна средба со претставници на најголемите стопански комори на која се разговараше за мерката од јавниот повик „Вработување и раст на правни субјекти“ во рамки на оперативниот план за вработување.

Преку оваа мерка Ристески вели се дава поддршка во креирање на нови работни места во микро, мали и средни претпријатија, социјални претпријатија и граѓански организации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.