Семејствата на загинатите во стампедото на концертот на Тревис Скот: Не сакаме помош од убиецот

Раперот Тревис Скот се понуди да ги плати трошоците за погреб на луѓето кои загинаа за време на неговиот концерт на фестивалот Астроворлд минатиот месец.

ТМЗ разговарале со адвокатите што ги застапуваат семејствата на починатиот 14-годишен Џон Хилгерт и 27-годишниот Даниш Баиг.

Имено, семејствата решиле да ја одбијат понудата на Скот, а едно од инволвираните семејства неговиот обид да помогне го нарекле „шлаканица во лице“.

- Добивме писмена понуда од адвокатот на Скот, Ден Петрочели, во која се тврди дека ќе плати 7.500 долари за погребни трошоци. Моите клиенти ја одбија понудата, изјави Мајкл Лајонс, адвокат на семејството Баиг.

Наводно, семејството Баиг не сака Тревис Скот „ниту случајно“ да го погреба нивниот син.

„Кога родителот треба да го закопа своето дете, не го интересираат луѓето кои придонеле и учествувале во овој трагичен настан“, рече Лајонс.

Адвокатската фирма Митоф, која го застапува семејството на Хилгерт во слична тужба против Тревис, исто така одбиле финансиска помош.

ТМЗ вели дека адвокатот Лајонс и семејството на Даниша Баиг се надеваат на „правна реформа“ што ќе спречи сличните настани да се повторат.

Семејството на починатото 9-годишно дете, Езра Блаунт, исто така ја одбиле понудата на Тревис за погребни трошоци.

Високите бројки на заразени ги затвори границите на Бугарија кон Македонија

Бугарија од среда ги затвора границите за македонските државјани.

Причина за ваквата одлука на соседот се високите бројки на новозаразени од почетокот на јануари.

Македонија влегува во црвената зоана на држави. Влез ќе им биде дозволен само за македонските државјани кои имаат бугарски пасош или престој во Бугарија.

Одлуката ќе трае до 31 март. Но одлуката ќе се ревидира на секои 14 дена во зависност од дневно заразените. Според извештајот на Институтот за јавно здравје од почтокот на јануари 2022 година за само 16 дена бројот на активни случаи се зголемил за 11 илјади нови случаи. Ако на 31 декември 2021 година бројот на активни случаи беше пет илјади случаи.

Јованка Тренчевска ја презеде функцијата министер за труд и социјална политика

Во Министерството за труд и социјална политика денеска се изврши примопредавање на функцијата министер за труд и социјална политика.

Новоименуваната министерка Јованка Тренчевска ја презеде функцијата од досегашната министерка Јагода Шахпаска.

Со тоа министерката за труд и социјална политика Тренчевска и официјално го започнува управувањето со овој сектор.

„Чест и задоволство ми претставува да го предводам секторот во кој со години наназад активно учествував во креирањето на социјалните политики насочени кон граѓаните, а особено кон најранливата категорија. Приоритет ќе ми бидат, унапредување на правата од социјалната заштита, обезбедување на редовни и сигурни пензии, заштита и почитување на работничките права како и грижа за најмладите. Продолжуваме заедно да градиме едно општество за сите. Родовата еднаквост останува и понатаму високо на мојата и на агендата на Министерството за труд и социјална политика,“ истакна Тренчевска.

Досегашната министерка за труд и социјална политика Шахпаска на нејзината наследничка Тренчевска и посака успешна и плодна работа. Таа ја информираше за тековните проекти на кои работи Министерството, за предвидената динамика за нивна реализација и за евентуалните пречки со кои се соочуваат.

Тренчевска доаѓа од раководната позиција на Државниот Инспекторат на труд, а претходно ја извршуваше функцијата Државна секретарка во Министерството за труд и социјална политика. Таа е дел од ова министерство 19 години со нејзино активно учество во креирањето на политиките за родовата еднаквост на жените и мажите, каде има водечка позиција во овој сектор. Нејзината досегашна кариера е во насока на унапредување на правата на работниците како и родовата еднаквост меѓу мажите и жените. Министерката Тренчевска е магистер по социолошки науки.

Министерство за труд и социјална политика

Примопредавање на дел од министерските ресори

Денеска во дел од ресорните министерства ќе се изврши примопредвање на министерските функции на новите министери во новата Влада.

Во министерството за одбрана заврши примопредавањето помеѓу досегашната министерка за одбрана Радмила Шеќеринска и новата министерка Славјанка Петровска.

притисни ентер