Автомобилизам

Се залета со БМВ, се заби во контејнер, а по пат ги уништи паркираните возила (ВИДЕО)

Иако наликува на режирана филмска потера, не се работи за контролирани услови.

Снимката од балкон на улица во Аликанте, Шпанија започнува со непознато лице кое става контејнер за ѓубре на сред улица. Недолго потоа буквално преку него минува BMW X5, кој не кочи пред пречката. Напротив, со полна брзина удира во контејнерот, а потоа откако возачот изгубил контрола над возилото удрил во неколку паркирани автомобили.

Епилогот од несреќата открива дека ова не е инсценирана сцена на некој иден акционен спектакл. Од БМВ-то излегуваат неповредени. Наскоро жителите на улицата излегуваат. Едниот вика „Викнете полиција!“, а другиот шокирано плаче: „Боже, мојата кола“.

Шпански Ел Периодико открива што се случило овде. Велат дека се работи за конфликт меѓу две семејства кој започнал пред неколку недели, а кулминирал ден пред оваа несреќа. За време на тој конфликт полицијата пристигнала на време и ја смирила ситуацијата, но судејќи по видеото, некои членови на раскараните страни не се оладиле ниту ден подоцна.

Не е познато како завршил конфликтот. Иако нема повредени, сигурно некој завршил зад решетки.

Свет

Мелони е лидер на листата на нејзината крајно десничарска партија на изборите за ЕП

Премиерката на Италија Џорџа Мелони денеска изјави дека ќе биде носител на листата на нејзината екстремно десничарска партија на изборите за Европскиот парламент во јуни.

„Одлучив да се кандидирам на чело на листата „Браќа на Италија“ (Fratelli d'Italia)“, рече таа на конгресот на нејзината партија.

Партијата на Мелони освои најмногу гласови на парламентарните избори во Италија во 2022 година.

Според анкетите, партијата би можела да освои околу 26 отсто од гласовите на изборите за ЕП, што ќе се одржат од 6 до 9 јуни.

„Сакаме да го направиме во Европа токму она што го направивме во Италија на 25 септември 2022 година, кога се одржаа изборите. А, тоа е да создадеме мнозинство што ги обединува силите на десницата и чевицата да биде вбо опозиција дури и во Европа“, изјави Мелони.

Шоу биз

Фото: Никол Кидман во златен фустан

Актерката Никол Кидман  доби историско признание, и докажа дека е вистинска ѕвезда на филмската индустрија.

Мегапопуларната актерка неодамна ја доби наградата AFI (American Film Institute Lifetime Achievement) за животно дело и вклученост во филмската индустрија. Со тоа таа стана првата Австралијка која ја добила оваа престижна награда во Лос Анџелес.

На доделувањето на наградата на кое присуствувале многу колешки на Никол, сексапилната актерка блесна во златен долг и елегантен фустан кој ја истакна нејзината соврѓена става.

Македонија

Спасовски од Шуто Оризари: Да не се попречува изборниот процес

 Да не се попречува изборниот процес, да не се закануваат, да не навредуваат, да останат на ниво на демократски вредности!

Носителот на листа на кандидати за пратеници од СДСМ и коалицијата за европска иднина од ИЕ2, Оливер Спасовски, имаше свое обраќање во Шуто Оризари.

„Денеска продолжуваме со изборната кампања во Шуто Оризари на разговор со граѓаните за претседателските и парламентарните избори на 8 мај. Сакам да се сретнеме со сите граѓани, да влеземе во секоја куќа во општината Шуто Оризари, да поразговараме со секого за нашата перспектива на Македонија”, рече Спасовски. Притоа, тој ја истакна важноста да се гласа на 8 мај.

„Многу е важно граѓаните да останат смирени и овој втор круг од изборите да помине во демократска атмосфера. Упатувам порака до сите оние се дрзнуваат на било кој најчин да го попречуваат изборниот процес, да се закануваат, да навредуваат, да останат на ниво на демократски вредности. Да ги почитуваат граѓаните и на мирен, фер и демократски начин да заврши изборниот процес. Воедно ги повикувам сите граѓани масовно да излезат на изборите на 8 мај, да гласаат за нашиот претседател Стево Пендаровски заокружувајки го бројот 1, и да гласаат за листата на пратеници исто така под број 1 за коалицијата за европска иднина”, порача Спасовски.

притисни ентер