Се распаѓа сојузот Маск–Трамп: меѓусебни обвинувања и пад на акциите на Тесла - Канал 5

Свет

Се распаѓа сојузот Маск–Трамп: меѓусебни обвинувања и пад на акциите на Тесла

Американскиот технолошки милијардер Илон Маск објави дека актуелниот претседател на САД Доналд Трамп се споменува во досиејата поврзани со осрамотениот финансиер и сексуален престапник Џефри Епштајн.

Се распаѓа сојузот Маск–Трамп: меѓусебни обвинувања и пад на акциите на Тесла

Ова е последниот во низата напади меѓу двајцата, чијашто врска драматично се влоши и ескалираше во јавна расправија на социјалните мрежи во последните 24 часа.

Во објава на социјалната мрежа Икс, Маск напиша: „@realDonaldTrump е во досиејата за Епштајн. Тоа е вистинската причина зошто тие сè уште не се објавени. Запомнете ја оваа објава. Вистината ќе излезе на виделина“.Потоа сподели видео од Трамп од забавите на Епштајн.

Тој не понуди докази за тврдењето. Портпаролката на Белата куќа, Каролин Ливит, го отфрли коментарот, велејќи: „Ова е несреќна епизода од Маск, кој е незадоволен од ‘големиот, прекрасен закон’ затоа што не ги вклучува политиките што ги сакаше. Претседателот е фокусиран на донесување на овој историски закон.“

Епштајн се самоуби во затворската ќелија во август 2019 година додека чекаше судење за трговија со малолетници.

Во друга објава, Маск ги нападна царините на Трамп, предупредувајќи дека „ќе предизвикаат рецесија во втората половина од годинава“. Тој исто така повика на создавање нова политичка партија што би ги претставувала „80% од умерените“.

Маск најави дека компанијата „SpaceX“ веднаш ќе почне со повлекување на вселенското летало „Драгон“, откако Трамп се закани дека ќе ги откаже владините договори со неговите фирми. „Драгон“ е единственото американско летало што може да превезува астронаути до и од Меѓународната вселенска станица.

Расправијата предизвика пад на акциите на Тесла за околу 150 милијарди долари, со дневен пад од 14,3 отсто.

Размената на обвинувања продолжи и откако Трамп изјави дека е „многу разочаран“ од Маск, кого претходно го нарече „напорен“ и тврди дека самиот го повикал да се повлече од функцијата „специјален владин службеник“, како и дека ја укинал обврската за задолжително купување на електрични возила.

„Го известив месеци однапред дека ќе го направам тоа. Тој полуде!“, напиша Трамп на платформата Truth Social.

Трамп изјави и дека е „разочаран“ од Маск поради неговите критики за законот за даноци, кој вклучува даночни олеснувања од неколку трилиони долари и беше донесен од републиканците во Претставничкиот дом во мај. Маск, пак, го нарече законот „одвратна грдотија“ и објави дека никогаш не му бил презентиран пред да биде изгласан „среде ноќ“.

Маск, пак, во нова објава тврдеше дека тој е заслужен за изборниот успех на Трамп. „Без мене, Трамп ќе ја изгубеше изборната трка, Демократите ќе го контролираа Конгресот, а Сенатот ќе беше 51-49 во корист на Републиканците“, напиша тој.

Ова доаѓа откако Трамп изјави дека Маск „има синдром на омраза кон Трамп“ и дека „му помогнал многу“. Во објава на Трут Соушал, Трамп рече: „Илон ми стана здодевен, го замолив да си замине, го укинав неговиот мандат за електрични возила што никој не го сакаше“.

Маск неодамна го напушти водењето на Одделот за ефикасност на владата (ДОГЕ)

Според „Скај њуз“, пред да се прошири веста, таткото на Маск изјавил дека неговиот син „не е многу добар политичар“, но дека „нема раздор меѓу него и Доналд Трамп“.

Тагови: Доналд Трамп Илон Маск

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Паника во Ниш: Ученик влегол во училиште со пиштол и имал список за отстрел- уапсен е маж за ширење лажна вест

Припадници на Министерството за внатрешни работи во Ниш, по наредба на Основното јавно обвинителство во Ниш, го уапсија М. Ј. (1979) од овој град.

Паника во Ниш: Ученик влегол во училиште со пиштол и имал список за отстрел- уапсен е маж за ширење лажна вест

Припадници на Министерството за внатрешни работи во Ниш, по наредба на Основното јавно обвинителство во Ниш, го уапсија М. Ј. (1979) од овој град, поради постоење основи на сомнение дека сторил кривично дело предизвикување паника и неред, додека против Б. И. (1973) од овој град, осомничен за истото кривично дело, во редовна постапка е поднесена кривична пријава, објави Телеграф.

М. Ј. е осомничен дека вчера од својот профил на социјалните мрежи споделил лажни информации дека ученик во средно училиште во Ниш донел пиштол во училиште и дека имал список на луѓе за отстрел, што предизвикало загриженост кај родителите и учениците.

Оваа објава, како што се сомнева, е преземена од профилот на Б. И., кој бил достапен за мал број луѓе.

На М. Ј. му е одредено притвор до 48 часа и ќе биде приведен во Основното јавно обвинителство во Ниш со кривична пријава.

Тагови: отстрел ученик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Дрон погоди нуклеарна електрана во Русија- итно се огласи МААЕ

Меѓународната агенција за атомска енергија (МААЕ) соопшти дека дрон удрил во ладилна кула во нуклеарната централа Курск во Руската Федерација.

Дрон погоди нуклеарна електрана во Русија- итно се огласи МААЕ

Се наведува дека електраната работела во времето на нападот, но нејзиниот режим на работа не се променил и немало пожар.

Генералниот директор на МААЕ, Рафаел Гроси, изјави дека сите напади врз нуклеарните постројки се „неприфатливи бидејќи можат да ја загрозат нуклеарната безбедност, без оглед каде се случуваат“.

Генералниот директор Гроси, исто така, го повтори својот повик за максимална воена воздржаност за да се спречи ризикот од нуклеарна несреќа.

Тагови: дрон електрана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Добила отказ зашто се заканувала дека ќе ја убие колешката, судот пресуди во нејзина корист- ќе добие и отштета

Порано оваа година, една компанија во покраината Зеланд во Холандија отпушти жена поради закана дека ќе убие колешка.

Добила отказ зашто се заканувала дека ќе ја убие колешката, судот пресуди во нејзина корист- ќе добие и отштета

„Подобро да не ја сретнам, бидејќи ќе ја средам“, рекла жената, по што била отпуштена.

Сепак, Окружниот суд на Зеланд и Западен Брабант пресуди дека отказот без претходна најава е престрога казна за заканата и ѝ наложи на компанијата да ѝ исплати на жената повеќе од 10.000 евра.

Жената почнала да работи во финансиската администрација на организацијата на почетокот на 2024 година. Во февруари 2026 година, таа била суспендирана поради, како што рекол работодавачот, лоши резултати.

Таа била обвинета за вознемирување, заплашување и намерна саботажа и поткопување на колегите. Таа имала конфликт со колешката поради озборувања, објавува NL Times.

По суспензијата, жената морала да му го предаде компјутерот на ИТ менаџерот, кој ја испратил до излезот. На излегување, таа рекла: „Подобро да не ја сретнам, бидејќи ќе ја фатам. Можеш да ѝ го кажеш тоа“.

Работодавачот верувал дека жената се осврнува на колешката со која се расправала. Таа била отпуштена веднаш поради таа изјава, врз основа на тоа дека станува збор за „сериозна закана за насилство“.

Отпуштената вработена се обратила на суд, тврдејќи дека таквата казна е прекумерна и неоправдана. Таа изјавила дека нејзината изјава не се однесува на некое конкретно лице и дека била емоционално вознемирена бидејќи суспензијата дошла како целосно изненадување за неа.

Работодавачот, од друга страна, тврдел дека заканувачката изјава не била изолиран инцидент и дека колегите и клиентите претходно се жалеле на нејзиното однесување.

Окружниот суд Зеланд-Западен Брабант пресуди во корист на жената. Судот утврдил дека нејзината изјава била „заканувачка и неприфатлива“ и дека нејзиното објаснување дека не мислела на некој конкретен колега не било веродостојно. Сепак, судот ги зел предвид олеснителните околности.

Судијата сметала дека е „разбирливо“ што жената била вознемирена од суспензијата и дека ја дала заканувачката изјава „во жештината на моментот“.

Судот, исто така, не ги зел предвид претходните жалби за нејзиното однесување, бидејќи тие не биле наведени како причина за отпуштањето. Покрај тоа, работодавачот не можеше да докаже дека овие жалби некогаш биле покренати до жената.

Затоа, судот го поништи отказот со моментално дејство.

Жената не сакаше да се врати на работа бидејќи во меѓувреме веќе нашла друга работа, па судот ѝ наложи на компанијата да ѝ исплати повеќе од 10.000 евра. Оваа сума вклучува законска отпремнина од речиси 2.700 евра, отказен рок од повеќе од 4.300 евра и дополнителни 3.500 евра за неоправдано отпуштање.

Жената побара 47.000 евра отштета, но судот ѝ досуди значително помал износ бидејќи наскоро нашла нова работа, па нејзините финансиски загуби биле ограничени.

Тагови: колешка отказ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер