На форумот учествуваат 50 избрани граѓани, членови на Европскиот парламент, пратеници во Собранието и национални експерти, кои преку отворен дијалог и дискусии разговараат за европската интеграција на земјата, процесот на проширување на Европската Унија и улогата на граѓаните во демократските процеси.

Форумот го отвори претседателот на Собранието, Африм Гаши. На официјалното отворање се обратија и членовите на Делегацијата на Европскиот парламент: Лукас Мандл, член на Европскиот парламент од Австрија и водечки член за Западен Балкан во областа на поддршка на демократијата; Томас Вајц, член на Европскиот парламент од Австрија и известувач на Европскиот парламент за Македонија и Бранислав Ондруш, член на Европскиот парламент од Словачка.

Во своето обраќање, претседателот Гаши истакна дека партиципативната демократија подразбира граѓаните да имаат постојана можност да учествуваат во креирањето на политиките, да поставуваат прашања, да предлагаат решенија и да бараат одговорност од институциите.

Тој посочи дека Собранието има посебна одговорност во овој процес, имајќи предвид дека пратениците се директниот глас на граѓаните, упатувајќи порака дека гласот на граѓаните, очекувањата и критиките се многу важни.

„Европската интеграција ќе има вистинска вредност само доколку граѓаните се чувствуваат како активни учесници, а не како набљудувачи на процесот“, порача Гаши.

Мандл, преку видео-порака, истакна дека Граѓанскиот форум претставува пример за партиципативна демократија во пракса, нагласувајќи ја важноста од заедничкото градење посилна и пообединета европска иднина.

Во своето излагање, Вајц се осврна на потребата од отворено адресирање на предизвиците со кои се соочува земјата, посочувајќи дека проблемите нема сами да исчезнат и дека токму затоа гласот на граѓаните е од особено значење.

Ондруш ја нагласи важноста пратениците, покрај тоа што работат во корист на граѓаните, да работат и заедно со нив. Тој ја истакна потребата од користење анализи и податоци што ги одразуваат мислењата и ставовите на граѓаните, со цел тие да бидат активни учесници во демократските процеси.

Во рамките на форумот се одржа и дијалог со европратениците на тема „Иднината на проширувањето“, кој им овозможи на учесниците директно да поставуваат прашања, да ги споделат своите ставови и да разговараат со членовите на Европскиот парламент.

Програмата продолжи со пленарни сесии, експертски презентации и дискусии, како и со тркалезна маса посветена на можностите што ги носи процесот на европска интеграција. Експерти од земјата и странство ги споделија своите согледувања за предизвиците и можностите во процесот на пристапување кон Европската Унија, со фокус на земјоделството, владеењето на правото, транспортот, финансиите, образованието и интеграцијата , како и на пристапот на Собранието кон граѓаните преку концептот „Отворено собрание“.

Последниот ден од форумот продолжи со учество на пратениците од Собранието Љупчо Пренџов, Мимоза Муса, Сали Мурати и Соња Мираковска на тркалезна маса, на која се разговараше за различни теми поврзани со европската интеграција и приоритетите на граѓаните. Пратениците ги споделија своите искуства и ставови во процесот на формулирање на завршните препораки и конкретните мерки.

Препораките беа разгледани и изгласани од учесниците на форумот, а ќе бидат доставени до Европскиот парламент. Тие опфаќаат повеќе области од значење за граѓаните, меѓу кои образованието, животната средина, земјоделството, владеењето на правото и борбата против корупцијата, транспортот и јавниот превоз, туризмот, како и комуникацијата и учеството на граѓаните во демократските процеси.

На официјалното затворање на форумот се обрати пратеникот Љупчо Пренџов, кој истакна дека граѓаните не очекуваат од институциите само да ги слушнат, туку и да покажат дека ги разбрале нивните потреби и ставови.

„Како пратеници, наша одговорност е она што го слушнавме овие два дена да не остане само како запис од една средба. Ќе ги разгледаме препораките и пораките што ги дадовте и таму каде што имаме надлежност, ќе покажеме и конкретна активност“, порача Пренџов.

Тој се заблагодари и на Европскиот парламент за поддршката и партнерството, како и за поттикнувањето на директниот дијалог меѓу граѓаните и нивните избрани претставници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На Балканот повторно се случуваат тензии кои имаат потенцијал од најмалиот инцидент да предизвикаат регионална криза налик на случувањата од раните 90години, вели премиерот Христијан Мицкоски.. во интервју за МТВ, вели дека неговата загриженост произлегува од состанокот што заедно со претставниците од земјите од Западен Балкан го имаше со високата претставничка Каја Калас во ЉУјорк, на маргинати на Герналното собрание на ОН.. Како дел од спорните прашања што биле отворени на средбата, тој ги посочи односите меѓу Босна и Херцеговина и Србија, вклучително и прашањето поврзано со погребот на Ратко Младиќ, како и постојаните несогласувања меѓу Белград и Приштина и нападот во Бањска. За регионалниот мир и просперитет се потребни брзи испораќи од ЕУ – и посочил премиерот на Калас.

„Имам чувство дека некако како постепено на Балканот повторно да се враќаат темите од раните 1990-ти од минатиот век. Имав чувство дека се случува една тензија којашто за мене, во овој момент, во 21 век, навистина претставуваше едно големо изненадување“, рече Мицкоски.

„Нешто што може брзо да биде испорачано за да фрустрацијата којашто учествуваат граѓаните во регионот полека, но сигурно почнува да се намалува. Не знам, од типот да не ни се случува ова што ни сеслучува со превозниците, да не ни се случува не знам а состојба на roam at home а којашто беше ветувана.“

Во однос на македонската иницијатива за која се уште се чека одговор од Брисел а се однесува на посредничка улога на ЕУ во дијалогот меѓу Македонија и Бугарија, како што вели премиерот, таков формат е потребен бидејќи досегашните билатерални средби не само што не вродиле со резултат туку и завршувале со како што вели, две сосема различни вистини.

„Навистина ние имаме билатерален спор. Ние можеме да измислуваме да се правиме дека немаме. // Ако аргументите на нашиот би рекол во случај соговорник ги совладаат нашите, ние ќе речеме во ред, вие сте во право. Простете, ние погрешивме, тоа е што е. Но добро е да бидат слушнати. Тие нема да сакаат. Тие цело време ќе се обидуваат да да пред официјален Брисел кажат еве водевме преговори, седнавме, разговаравме, но пред било што да се случи тие мора да го променат уставот.“

Дали и во која форма ЕУ може да се појави како посредник во спорот со БУгарија, одговор се очекува од претседателката н ЕК, Фонд Дер Лајен, која во петок ќе дојде во посета на земјава... Два дена претходно, во среда во Брисел, се очекува да биде претсавена и новата стратегија за проширување на ЕУ..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Алпинистите го подготвуваа теренот за претстојната експедиција, јавува Би-Би-Си. Според информациите од организаторите на искачувањето, станува збор за локални водичи кои биле на почетната точка во близина на врвот Химлунг Химал, во округот Мананг, во времето на лавината.

Метеоролошките податоци покажуваат дека во областа на тој врв, висок 7126 метри на границата меѓу Непал и Тибет, во последните денови врне обилно снег. Спасувачката операција е отежната од лошото време, поради што хеликоптерите и спасувачките екипи сè уште не можат да пристапат до местото на несреќата.

„Осум члена на нашиот тим и уште две лица од друга компанија се пријавени како исчезнати“, изјави за АФП Бибхути Чанд Такур од компанијата „Хималаја Холидејс Трекинг“. Непалскиот тим беше испратен на планината пред странските алпинисти со задача да го подготват кампот, да ја организираат рутата и да ги постават јажињата за искачувањето.

Условите се исклучително опасни

Во планинските региони на Непал, во последните неколку дена постојано врне дожд и снег. Ова создава исклучително опасни услови за алпинистичкиот туризам, кој е клучна економска гранка на земјата. Порано оваа недела, алпинистите мораа да се откажат од искачувањето на планината Манасла, осмиот највисок врв во светот, поради зголемен ризик од лавини.

Оваа несреќа се случи помалку од два месеци откако шест лица загинаа на Брод Пик во Пакистан. Меѓу нив беше и познатиот британско-непалски алпинист Нирмал Пурџа. Појужно, во соседниот индиски регион Утар Прадеш, повеќе од 50 лица ги загубија животите поради екстремни временски услови, потврдија тамошните власти.

Во исто време, потрагата по жртвите од поплавите и лизгањата на земјиштето од август продолжува на границата меѓу Непал и Тибет. Повеќе од 6.000 лица сè уште се водат како исчезнати по катастрофата, во која повеќе од 1.400 лица се потврдени како мртви откако се сруши хималајски глечер. Настанот ослободи огромни количини вода и седимент кои се спуштија по долината на реката Тришули и уништија цели населби.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.