СДСМ: За ВМРО не важат законите, наместо казна - срамна одлука за бодигардот на Мицкоски - Канал 5

Македонија

СДСМ: За ВМРО не важат законите, наместо казна - срамна одлука за бодигардот на Мицкоски

Скандалозна, срамна и понижувачка за секоја жртва на семејно насилство е одлуката за условна казна за бодигардот на Мицкоски.

СДСМ: За ВМРО не важат законите, наместо казна - срамна одлука за бодигардот на Мицкоски

Човекот кој ја претепа сопругата и призна вина за насилство, да добие условна казна е пораз за правдата, навреда за жртвите и јасен доказ дека блискоста до власта носи заштита од одговорност.

Ова е порака дека за криминалната ВМРО, Мицкоски и луѓето блиски до нив не важат законите.

Таква порака испраќа оваа одлука на жртвите кои собираат храброст да пријават насилник, на жените кои секојдневно трпат закани, навреди и физичко насилство.

Дека не се заштитени. Дека ако насилникот е близок до ВМРО ќе му биде простено. Можат ли жртвите да се чувствуваат безбедни? НЕ!

Не беа ли доста задоцнетите постапувања на МВР во случаите кои завршија со убиства и самоубиства на жртви на семејно насилство.

Згаснаа животи на мајка и малолетно дете и покрај 12 пријави до МВР за две години за семејно, физичко и психичко насилство врз младата Ивана. Насилник во Велес ја уби младата Росица и нејзиниот татко - исто поради задоцнети реакции од МВР.

Сериски убиец во Кумановско Старо Нагоричане уби пет жени, додека две години биле игнорирани пријавите на жителите до МВР.

Треба ли повторно да згасне нечиј живот и да читаме за жена која барала помош од институциите, а институциите не ја заштитиле?

Треба ли уште едно семејство да биде уништено за некој да сфати дека попустливоста кон насилниците не е правда, туку опасност за целото општество?

Кога насилникот е заштитен, жртвата е оставена сама. Кога репер за пресуда е блискоста до власта, тоа е пораз за правниот поредок, за државата, .

За луѓето од најтесниот круг на Мицкоски и на ВМРО очигледно има привилегии, разбирање и попустливост. За нив не важат закони.

Затоа ВМРО не сака ЕУ и не ја спроведува реформската агенда. Не сакаат усогласување со европските стандарди и европските вредности.

Затоа што европското обвинителство не прави разлика меѓу обичен граѓанин и човек од обезбедувањето на премиерот. Европското судство, значи еднаков третман за сите.

Тоа ВМРО не го сака. Не сакаат неселективна правда, ред и функционален систем, за да можат да прават криминали, кривични дела, а за тоа да не одговараат.

Затоа повикуваме на обединување во „Фронтот за вистина и правда“, да се стави крај на криминалните политики на оваа Влада, за крај на самоволието на ВМРО, за правда, вистина и европска иднина на Македонија.

Прес конференција, Кети Штерјова – Форум на жени СДСМ

YouTube video

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нов лик за „Бамби“, подобрени услови за најмалите во Општина Аеродром

Станува збор за значајна инвестиција што се реализира како донација и која ќе придонесе за помодерен, пофункционален и поекономичен објект, создавајќи подобра средина за престој и развој на децата.

Нов лик за „Бамби“, подобрени услови за најмалите во Општина Аеродром

Објектот „Бамби“ во рамките на детската градинка „Срничка“ за првпат добива термофасада, со што значително ќе се подобри енергетската ефикасност на објектот, ќе се намалат трошоците за загревање во зимскиот период и ќе се обезбедат попријатни услови за престој во текот на топлите летни денови.

Станува збор за значајна инвестиција што се реализира како донација и која ќе придонесе за помодерен, пофункционален и поекономичен објект, создавајќи подобра средина за престој и развој на децата.

Нашите најмали заслужуваат безбедни, современи и квалитетни услови во кои ќе растат, ќе учат и ќе ги создаваат своите најубави детски спомени. Токму затоа Општина Аеродром продолжува со вложувања кои директно го подобруваат нивното секојдневие.

Продолжуваме посветено да инвестираме во иднината, затоа што секое вложување во децата е вложување во подобар Аеродром за сите.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рекордна заплена во Австралија: Во подземни бункери откриени 2,7 тони кокаин

Австралиската полиција ја спроведе најголемата заплена на кокаин во историјата на земјата, откако во систем на подземни бункери во Сиднеј пронајде 2,7 тони од оваа дрога, соопштија властите.

Рекордна заплена во Австралија: Во подземни бункери откриени 2,7 тони кокаин

Кокаинот, чија улична вредност се проценува на 816 милиони австралиски долари, односно околу 500 милиони евра, бил откриен во петокот на имот во западниот дел на Сиднеј.

Според полицијата, дрогата била скриена во специјално изработени прегради под лажни подови во три бродски контејнери. На местото биле уапсени двајца мажи на возраст од 21 и 25 години, кои, според наводите, се обиделе да побегнат при апсењето. Тие се обвинети за поседување нелегално увезена дрога, а доколку бидат прогласени за виновни, им се заканува доживотна затворска казна.

Тагови: Австралија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД и Иран ја завршија првата рунда преговори во Швајцарија, се согласиле за патоказ кон конечен договор

Првата рунда преговори меѓу високи американски и ирански претставници во Швајцарија заврши утрово со добар напредок во разговорите, соопштија посредниците, Катар и Пакистан.

САД и Иран ја завршија првата рунда преговори во Швајцарија, се согласиле за патоказ кон конечен договор

Во заедничката изјава, по 18 часовните преговори во Швајцарија, се вели дека САД и Иран се согласиле на план за постигнување конечен договор во рок од 60 дена, а дека техничките разговори меѓу пониско рангираните функционери продолжуваат до крајот на неделата. Во соопштението се вели дека двете страни се согласиле да воспостават комуникациска линија за да се избегнат инциденти во Ормутскиот теснец, а дека на врвот на агендата е ставање крај на воените дејствија меѓу Израел и Хезболах, кои со денови го загрозуваат мировното решение. Оптимизмот во преговорите ја симнаа цената на нафтата од типот брент на 77 долари за барел, со што практично се добилижи до цената на нафтата пред почетокот на војната која тогаш изнесуваше 72 долари..

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер