Салма Хајек има речиси 58 години и „грми“ во бикини - Канал 5

Шоу биз

Салма Хајек има речиси 58 години и „грми“ во бикини

Блескава кожа, бујни гради, рамен стомак, совршени бедра...

Салма Хајек има речиси 58 години и „грми“ во бикини

Актерката Салма Хајек (57) важи за една од најубавите актерки на светот. Со години се зборува за нејзината блескава кожа, квалитетна коса и фантастично тело.

Посебно неверојатен е фактот што мексиканската актерка се приближува кон крајот на својата 6-та деценија, бидејќи во септември ќе наполни 58 години, а сè уште изгледа речиси идентично како на почетокот од кариерата.

Салма отсекогаш важела за беспрекорно облечена дама, а тоа дополнително е поткрепено со фактот што таа е во брак со милијардерот Франсоа-Анри Пино (62), кој е и наследник на модна империја. Честопати токму затоа нагласуваше дека не користи ботокс, а нејзиното лице и тело се резултат на детоксикација со сокови, јога и долги прошетки.

Таа неодамна го крена целиот Интернет на нозе кога објави снимки и фотографии во зелен дводелен костим за капење. На фотографиите, видно ужива во сите удобности на својот базен, лежејќи на голем душек и сончајќи се. Секако, таа нема шминка, со оглед што е во вода, а огромно внимание привлече и нејзиното тело.

Иако многумина ја паметат по улогата на заводничка во филмовите „Десперадо“ и „Од самрак до зори“, факт е дека занесната Салма не се променила многу од пред 30 години. Нејзината коса сè уште е црна и виткана, нејзиното тело и понатаму има форма на песочен часовник, стомакот ѝ е рамен и покрај раѓањето на детето, додека нејзините гради се исто така бујни и делуваат како едвај да ги собира во костимот за капење.

- Нуркање во август – кратко напишала покрај видеото.

Колку фановите, кои само на Инстаграм се околу 29 милиони, ја обожаваат оваа актерка докажува и фактот што нејзиното видео за само неколку часа им се допаднало на повеќе од 702.000 лица, додека доби и многу комплименти за нејзиниот изглед.

И самата Салма многу претпазливо ги чекала годините што сега гордо ги носи, без значителни промени.

- Мислев дека тоа што стареам значи дека нема да можам да работам. Но, јас работам. Мислев дека стареењето значи дека повеќе нема да бидам заљубена. Но јас сум заљубена. Не се чувствувам како да сум ја изгубила флексибилноста, па дури ни силата. По ѓаволите, сè уште туркам. Шокантно. Сè уште сум присутна. Се обидоа да се ослободат од мене на илјада начини. Но, сè уште сум овде - изјави таа минатата година за списанието „Glamour“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер