На средбата во седиштето на Ахиепископијата во Скопје помеѓу Рускиот митрополит Антониј и Поглаварот на МПЦ г.г. Стефан не стана збор за томосот што се очекува од Вселенската патријаршија за признавање на автокефалноста на нашата црква, велат од МПЦ.

По остварената средба, која двете цркви ја оценуваат како „пријателска“ митрополитот Антониј кој е задолжен и за меѓународните односи на Руската првославна црква посочи оти дошол во Македонија да сподели братски пораки и поздрави и од рускиот патријарх за именденот на поглаварот на МПЦ г.г. Стефан.

-Целта е да ги испрати честитките во име на патријархот...Руската православна црква прва ја препозна афтокефалоноста на македонската православна црква и среќни сме што тоа се случи. Ние сме во заедница и се чувствуваме како браќа и среќни сме за последните случувања со црквата.- Митрополит Антониј - Директор на Одделот за меѓународни односи на РПЦ

Според професорот за Интегрална безбедност Марјан Ѓуровски, пак, ваквата средба е ризик за националната безбедност и е спротивна на државните и националните интереси.

-Неговото присуство може да предизвика негативни импликации зошто е дел од руската операција на хибридни закани треба да се изрази јасен став дека не е добредојден митрополитот Антониј... Македонската православна црква Охридска Архиепископија, иако не е дел од секуларната влада на државата, е непроменлив дел од нашето лице кон светот, и доколку некој претставник на високото свештенство заземе политички позиции или се сретне со официјален руски претставник кој изразува поддршка на руската агресија и предавничката војна на Русија против Украина во најмала рака се скандализира самата средба, вели Ѓуровски.

Инаку, посетата на рускиот митрополит не беше најавена, а иако од МПЦ негираат дека била држена во тајност, веста за средбата првично беше објавена од дел од бугарските медиуми кои шпекулираа дека рускиот митрополит доаѓа во Скопје за да ги убедува македонските владици да не преговараат со Вселенската патријаршија и да бидат на линија со Руската православна црква. Во дел од текстовите стои и дека митороплитот Антониј во декември минатата година во Софија имал „тајна“ средба со бугарскиот патријарх Неофит по која, како што посочуваат, Синодот на БПЦ одлучи да го признае томосот на СПЦ за автокефалноста на МПЦ-ОА.

Рускиот митрополит остванува и утре во земјава. Предвидено е заедно со г.г. Стефан да сослужуваат на архијерејска литургија во Лесновскиот манастир.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.