Роналдо: Да се игра против Македонија е потешко отколку да се игра со Италија - Канал 5

Фудбал

Роналдо: Да се игра против Македонија е потешко отколку да се игра со Италија

Македонската репрезентација е на само еден чекор од историја, учество на Светски шампионат. Последна пречка на најдобрата фудбалска репрезентација на Македонија на патот кон Мундијалот во Катар, е супер квалитентата Поругалија на Кристијано Роналдо. 

Роналдо: Да се игра против Македонија е потешко отколку да се игра со Италија

Синоќа екс европскиот шампион Португалија во полуфиналето од мундијалскиот бараж извојува тешка победа над Турција од 3-1 и сега само Македонија е последната пречка до посакуваниот пласман на Светскиот самит во Катар.

Предводникот на Португалија Кристијано Роналдо вели дека Македонија е многу потежок ривал од гигантот Италија.

„Се уште ништо не сме направиле, не сме постигнале. Има уште едно скалило до СП во Катар. Оваа победа над Турција е одлично нешто, но имаме уште еден меч. Мораме да се фокусираме и да не го потцениме противникот. Многу луѓе велат дека Македонија ќе ни биде лесен „залак“. Според мене, да се игра против Македонија е многу потешко отколку да се игра со Италија“

Слично размислува и селекторот на Португалците Сантош.

Португалскиот селектор Фернандо Сантош после синоќешната победа од 3-1 над Турција за престојното финале со македонија истакна:

„Првиот меч го победивме, сега мора да победиме и на следниот, а тој ќе биде многу комплициран. финалињата секогаш се непредвидливи. со македонија ќе биде уште потешко и покомпликувано“, рече Сантош.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

IN MEMORIAM: Почина Самка Ибраимовски, долгогодишен политичар и лидер на ПЦЕР

Почина Самка Ибраимовски, лидер на Партијата за целосна еманципација на Ромите (ПЦЕР), поранешен пратеник во Собранието на Македонија и поранешен министер без ресор.

IN MEMORIAM: Почина Самка Ибраимовски, долгогодишен политичар и лидер на ПЦЕР

Тажната вест ја објави новинската агенција на ромски јазик „Рома Прес“. Преку емотивна порака, соработниците се простија од долгогодишниот политички претставник на ромската заедница.

Ибраимовски беше долгогодишен политички активист и претседател на ПЦЕР. Во текот на својата долгогодишна кариера тој извршуваше повеќе значајни државни функции, меѓу кои пратенички мандат во македонскиот парламент, функцијата министер без ресор во Владата, како и одговорни директорски позиции.

Во својот долгогодишен општествен ангажман, Ибраимовски беше препознатлив по постојаното застапување на интересите и правата на ромската заедница во Македонија.

Канал 5 со сочувство до семејството на Ибраимовски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на бизнис средба со претставници на германски компании од Северна Рајна-Вестфалија

Денеска остварив бизнис средба со претставници на германски компании од Северна Рајна-Вестфалија кои се присутни во Македонија. 

Мицкоски на бизнис средба со претставници на германски компании од Северна Рајна-Вестфалија

Разговаравме за можностите за нови инвестиции, проширување на економската соработка и отворање нови, високоплатени работни места во Македонија.

Ги претставивме потенцијалите на македонскиот ИКТ-сектор, зелената енергија од обновливи извори, здравството, јавната безбедност, развојот на инфраструктурата и можностите за дигитална трансформација на индустријата.

Владата останува посветена на создавање стабилна, предвидлива и конкурентна деловна клима. Нашата цел е германските компании да ја препознаат Македонија како доверлив партнер за долгорочни инвестиции, трансфер на технологии и развој на висококвалификуван кадар, објави премиерот Христијан Мицкоски на ФБ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски е спремен да се сретне со Путин во Турција, сака Ердоган да посредува

Украинскиот претседател Володимир Зеленски изјави дека е подготвен да се сретне со рускиот лидер Владимир Путин во Турција.

Зеленски е спремен да се сретне со Путин во Турција, сака Ердоган да посредува

–Знам дека претседателот Ердоган има свои врски со Путин. Затоа го поддржуваме одржувањето на средбата во Турција – изјави Зеленски.

Според него, меѓу главните теми на евентуалната средба треба да бидат прекинот на огнот долж линијата на фронтот и воспоставувањето механизам за следење на почитувањето на постигнатите договори. Тој додаде дека лидерите треба да разговараат и за безбедносните гаранции, обновата на Украина и за статусот на окупираните територии.

Сепак, Зеленски ја отфрли можноста да ги прифати барањата на Путин Украина да го предаде Донбас или да го признае крим како руска територија, нагласувајќи дека таквите отстапки би биле спротивни на украинскиот устав.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер