Родното Маврово посакува обележје на првиот поглавар на возобновената МПЦ - Канал 5

Живот

Родното Маврово посакува обележје на првиот поглавар на возобновената МПЦ

 За ликот и делото на првиот поглавар на возобновената МПЦ-ОА, г.г. Доситеј, , деновиве сè повеќе се слуша во јавноста. 

Родното Маврово посакува обележје на првиот поглавар на возобновената МПЦ

Од скоро посетителите на Маврово имаа можност да видат паноа, билборди на кои е ликот на г.г. Доситеј, на кои е испишана порака. Вниманието на јавноста го привлече и објавувањето обемна монографија со биографска содржина за овој црковен достоинственик.

Билбордите и паноата се поставени во чест 115 години од неговото раѓање. Иницијативата е на Екопромотивен центар г.г. Доситеј (здружението за развивање промоција и едукација Дедо Доситеј).

Поставувањето беше одбележано со симболичен собир и помен литургија непосредно до црквата „Св. Никола" (потопената црква), а почитувачите на делото на возобновувачот на МПЦ го одбележаа (5 декември) денот на неговото раѓање.

По тој повод МИА разговараше со Душко Шарески, претседател на здружението за развивање, промоција и едукација г.г. Дедо Доситеј. Шарески смета дека Маврово има уште еден и многу значаен аргумент за да биде незаобиколна дестинација за посета и место на поклонение на православните верници. Селото Маврово е родното место на г.г. Доситеј, возобновителот и прв поглавар на возобновената Охридска архиепископија – Македонска православна црква.

– Иако мавровскиот крај изнедрил многу значајни лица за македонската историја, една од најзначајните фигури сепак е г.г. Доситеј. За жал, тоа во пошироката јавност не е многу познат факт. Тој човек направил многу за македонскиот црковен живот и воопшто за македонскиот народ. Неговата преданост кон црквата и православието се доволно големи за да заслужат чествување, вели Душко Шарески, претседател на здружението за развивање промоција и едукација г.г. Дедо Доситеј.

Здружението, во спомен на г.г. Доситеј во рамките на активностите досега во соработка со Федерацијата на планинарски спортови, годиниве наназад организираше планинарски маршеви по падините на Бистра и околните планини. Таква е планинарската тура од манастирот „Св. Пантелејмон" во Ниќифорово – „Св. Ѓорѓија" во Кнежино – „Св. Богородица Пречиста" во Кичевско.

– Ние како здружение планираме и работиме на формирање своевидни клубови кои ќе го негуваат делото на г.г. Доситеј. Секако дека издавањето монографија е за поздравување, но потребно е и останатите институции да се приклучат и да се надгради она што ние сме го започнале. Во контактите со одговорните во МПЦ предложивме во секоја црква да стои неговиот портрет со порака и очекуваме тоа да биде прифатено, вели нашиот соговорник.

Шарески како активен планинар и туристички работник смета дека во промоцијата на мавровскиот регион и во туристичката понуда, неизоставно треба да се вметне посебна содржина за запознавање со духовниот живот, кој, како што вели, е доминантен белег.

– Сметам дека односот како на државата така и црквата кон возобновителот и прв поглавар на возобновената Охридска архиепископија – Македонска православна црква треба да биде подостоинствен. Овој духовник заслужува поголема почит. За почеток тоа може да биде спомен-соба и спомен-обележје на местото на неговата родна куќа. Тоа ќе биде поттик за дополнително афирмирање на вредностите на делото на г.г. Доситеј, подвлекува Шарески.

Како дел од идеите кои би придонеле во промоцијата, Шарески посочува на отворање спомен-куќа со црковна библиотека, во која ќе бидат изложени пораките на г.г. Доситеј, лични предмети и експонати врзани за животот на поглаварот. Тоа би бил само еден сегмент. На ова, според Шарески, можат да се додадат и други содржини, како собири и манифестации, кои би привлекле посетители и верници.

Богатиот животопис на г.г. Доситеј започнува на почетокот од минатиот век. Роден пред 112 години (7 декември 1906 година) со крстено име Димитар Стојкоски како четврто дете од осумте во семејството на Лазар и Софија. Богатиот духовен живот започнал со неговото замонашување во 1924 година. Г.г. Доситеј останал на Света Гора до 1932 година. Подоцна по Втората светска војна ќе биде крунисан со изборот за прв поглавар, устоличен во архијерејскиот трон на св. Климент (4-5. X 1958) со титула архиепископ охридски и скопски и прв митрополит македонски, а на 17 август 1967 година на прогласувањето на автокефалноста, архиепископот Доситеј ќе стане поглавар на МПЦ. Тој со МПЦ ќе раководи 23 години, сè до неговото упокојување на 20 мај 1981 година. Тој е заслужен и за возобновување и формирање на сите нејзини витални органи на МПЦ: епархиите, епископатот, свештенството, црковните општини во татковината и во дијаспората, црквите и манастирите, отворање на Богословијата, Богословскиот факултет во склоп на УКИМ, изградбата на соборниот храм во Скопје./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Голема ајкула нападна жена, која ја погалила од бродот (ВИДЕО)

На социјалните мрежи се прошири видео од жена која се наведнува кон голема ајкула од брод и се обидува да ја погали. 

Голема ајкула нападна жена, која ја погалила од бродот (ВИДЕО)

Во еден момент, ајкулата се заниша кон бродот и ги удри вилиците во неговиот раб, само неколку сантиметри од нејзината рака. Инцидентот се случил за време на екскурзија во близина на островот Тајби во американската држава Џорџија, а снимката ја објави организацијата Knot Lucky Fishing.

Екскурзии за ветерани

Knot Lucky Fishing организира бесплатни риболовни патувања за активни воени членови, ветерани и нивните семејства. Организацијата соработува со партнерите Starbrite, Project SeaSafe и Gray FishTag Research на програмата за означување ајкули.

Животните се привремено заловуваат за време на програмата за да бидат обележани, по што се враќаат во морето. Собраните податоци се користат за истражување на нивните движења и однесување.

Таа ја погали ајкулата и доживеа непријатно изненадување

За време на една таква средба, ветеранката Џен одлучи да ја помине раката преку главата на голема ајкула. Видеото го прикажува како го гали животното неколку пати, по што ајкулата одеднаш се движи кон бродот и ги удира вилиците во неговиот раб.

Организацијата Knot Lucky Fishing го опиша тој момент како реакција на животно кое имало „различни планови“. „Сите на бродот го почувствувале тој удар“, рекоа тие.

Како што се очекуваше, видеото предизвика бројни реакции на социјалните мрежи. „Зошто воопшто галиме големи ајкули?“, напиша еден корисник. Друг додаде: „Вие велите „нападнати“. Мислам дека беше поважно ајкулата да се ослободи од јадицата отколку да се обиде да ја касне жената“.

Трет се прашуваше зошто некој би се обидел да погали ајкула, додека четврти напиша: „Што друго би очекувале од животно кое се обидува да се заштити?!“.

Организацијата тврди дека таа не била загрозена

И покрај драматичната сцена, Knot Lucky Fishing тврди дека Џен не била во никаква реална опасност. Според нив, екипажот цело време ја следел ситуацијата и го држел животното под контрола. „Екипажот цело време ја контролирал ајкулата и таа никогаш не се приближила доволно за да повреди некого“, се вели во нивната објава.

Сепак, тие го искористија целиот настан како потсетник дека ова е диво животно на кое треба да се гледа со претпазливост. „Тие се убави, моќни и диви. Тие заслужуваат секаква почит што можеме да им ја оддадеме“, изјавија тие.

Собираат податоци со означување

Програмата во која учествува организацијата има и истражувачка цел. Со означување на ајкулите, тие собираат податоци што им помагаат да ги проучат нивните движења и начин на живот.

Секоја ајкула што учествува во програмата е именувана по паднат другар. Организацијата на тој начин сака да го поврзе истражувањето со почит кон паднатите војници, односно „наука и чест на иста палуба“. Тие им се заблагодарија на партнерите Starbrite, Gray's FishTag Research и Ambio Life Sciences за помошта во програмата, која вклучува, меѓу другото, активности насочени кон ветераните.

Ајкулата сепак не е обележана

И покрај планот да се обележи ајкула за време на патувањето, тоа на крајот не се случи. Екипажот не најде доволно безбеден момент за постапката, па затоа решија да се откажат. „Безбедноста на ајкулата и екипажот секогаш е на прво место, па затоа ја оставивме да продолжи по својот пат“, заклучи организацијата.

Тагови: ајкула жена

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Европа е исклучена од трилатералните преговори за Украина

Европските претставници нема да учествуваат во трилатералните технички преговори меѓу Украина, САД и Русија што се планирани за следниот месец.

Европа е исклучена од трилатералните преговори за Украина

Европските претставници нема да учествуваат во трилатералните технички преговори меѓу Украина, САД и Русија што се планирани за следниот месец, изјави помошникот на рускиот претседател Јуриј Ушаков. Според него, постигнат е договор за одржување на разговорите без учество на Европа, пишува Правда.

„Тие можат да дојдат ако купат билети, но никој нема намера да ги покани на преговарачка маса“, рече Ушаков.

Ушаков не ја потврди изјавата на украинскиот претседател Володимир Зеленски дека техничките преговори би можеле да се одржат на 10 ноември. Рускиот функционер додаде дека датумот на состанокот наскоро ќе биде објавен.

Позадински разговори

Ушаков претходно објави дека Русија е подготвена да ги продолжи трилатералните преговори со САД и Украина за завршување на војната по 4 ноември. Зеленски, од друга страна, рече дека по разговорите меѓу европските лидери и рускиот претседател, постојат индикации дека Москва сериозно размислува за состанок на преговарачките тимови во Абу Даби.

Тој додаде дека одржувањето на трилатерален состанок на украинските, американските и руските технички тимови, закажан за почетокот на ноември, зависи од САД. „Телеграф“ објави дека Русија може да се обиде да ја искористи новата рунда мировни преговори за да изнуди отстапки од НАТО.

Тагови: преговори украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Роботи со моторна пила помагаат во одржување на железничките пруги (ВИДЕО)

Јапонската железничка компанија JR East почна да користи хуманоидни роботи опремени со моторни пили за отстранување гранки од дрвја по железничките пруги, со цел подобрување на безбедноста и сигурноста на железничкиот сообраќај.

Роботи со моторна пила помагаат во одржување на железничките пруги (ВИДЕО)

Роботите беа користени во близина на станицата Нобејама во префектурата Нагано на линијата Коуми, каде што беше потребно да се отстранат гранките што растеа над шините и можеа да го попречат движењето на возовите, објавува јапонскиот портал SoraNews24.

Машините се монтирани на специјални возила што можат да се движат по железничките пруги, како и по патиштата. Роботот е опремен со држач на едната рака, со кој може да држи и поместува гранки, додека другата е опремена со моторна пила за нивно сечење.

JR East започна да ги воведува овие роботи во својата флота за одржување во март оваа година, додека JR West започна да користи слични системи во 2024 година.

Досега, работите за одржување на пругите главно се извршуваа ноќе, помеѓу последниот и првиот утрински воз, за ​​да се избегне прекин на патничкиот сообраќај.

Сепак, со зголемениот број вработени кои бараат работа во дневна смена, JR East ја разгледува можноста за почесто извршување на работата во текот на денот.

YouTube video

Компанијата предупредува дека таквата промена би можела да доведе до почести привремени прекини на сообраќајот на некои делници за време на редовното работно време на железницата.

Тагови: роботи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер