Македонија

Рикер: Северна Македонија сработи одлично, преговорите со ЕУ треба да започнат што поскоро

Администрацијата во Вашингтон е убедена дека Северна Македонија е на вистинскиот пат за зачленување во ЕУ и дека претпристапните преговори на земјата со Брисел треба да започнат што поскоро.

Ова за МИА го изјави Филип Рикер, заменик помошник државен секретар за Европа и Евроазија.

Разговорите што Администрацијата ги води со европските сојузници и партнери и препораката на Европската комисија за започнување на преговорите укажуваат на тоа, посочи тој.

– Прашањето за одредување датум треба да се разгледа во бројните парламенти и во владите на земјите членки, но убеден сум дека тој процес се движи паметно, изјави Рикер, кој од 2008 до 2011 година беше амбасадор на САД во Република Македонија.

На прашање од МИА дали одложен почеток на претпристапни преговори на Северна Македонија и Албанија со ЕУ може да биде дестабилизирачки фактор за регионот, и би предизвикало Владата во Скопје да свика предвремени парламентарни избори, тој одговори дека не е убеден во такво нешто.

-Северна Македонија сработи одлично и продолжува на тој пат, затоа сум убеден дека нема да подлегне на некаква дестабилизиција со непотребни политички игри. Ова е процес кој треба да се истурка до крај и САД се убедени дека земјaта ќе стане 30. членка на НАТО, и мошне брзо ќе влезе во процесот за полноправно членство во ЕУ.

На прашање дали Администрацијата во Вашингтон има сознание кога ќе започнат претпристапните преговори со ЕУ, и дали тоа ќе се случи годинава, државниот секретар одговори дека ако се праша Админисрацијата преговорите треба да започнат што побрзо.

-Но тоа е одлука која земјите членка преку нивните бирократски процедури треба да ја донесат заедно. САД продолужаат со силна поддршка за Северна Македонија во таа насока. Очекувам преговорите со ЕУ да започнат што поскоро и сличен сентимент постои кај голем број на земји членки на ЕУ, посочи Рикер.

Помошник државниот секретар денеска во својство на сведок беше на сослушување пред Комисија за надворешни работи на американскиот Сенат. Тој, заедно со Кетрин Вилбаргер, заменик помошник секретар за одбрана, одговараа на прашања од сенатори поврзани со пристапувањето на Северна Македонија во НАТО.

Претседавач со Комисијата беше сенаторот републиканец Џејмс Риш, а прашања до Рикер и Вилбаегер поставуваа повеќе сенатори како демократите Сем Мемендез, Бен Кардин, Џин Шаин и Тим Кејн.

Се очекува Сенатот деновиве да го ратификува протоколoт за членство на Северна Македонија во НАТО. /MИА

Свет

Одбележување на Меѓународниот ден на трудот ширум светот

Меѓународниот ден на трудот, 1 мај, денеска се одбележува во светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден.

На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права.

На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. /МИА

Регион

Шмит: Сериозни закани по територијалниот интегритет на БИХ доаѓаат од лидерите на РС

 Високиот претставник во Босна и Херцеговина (БиХ) Кристијан Шмит синоќа истакна дека постојат закани по територијалниот интегритет на БиХ и дека тие доаѓаат од лидерите на Република Српска (РС).

„Постојат закани за Босна и Херцеговина, бидејќи претставниците на РС постојано зборуваат за отцепување, одвојување на ентитетот од државата. Додик неодамна изјави дека Бошњаците можат да имаат 25 отсто од територијата. Некои го сфатија ова како простор за етнички инциденти“, рече Шмит во своето обраќање пред Советот за безбедност на Обединетите нации.

Тој посочи дека неговиот мандат е да го надгледува спроведувањето на Дејтонскиот договор и оти за тоа има поддршка од Советот за безбедност.

„Советот за безбедност повеќе пати искажа поддршка за моето работење. Веќе со нетрпение го очекувам мојот извештај следниот месец“, додаде Шмит.

Тој се осврна на излагањето на српската членка на Претседателството на БиХ, Жељка Цвијановиќ, која упати сериозни обвинувања против Шмит, наведувајќи дека во него „не се почитуваат фактите и правната рамка на БиХ“.

„Се надевам дека разбирате дека ова не е место за разговор за навреди, ова е место за разговор едни со други. Повикувам на поголема точност, единственото нешто што го гледам е злонамерност“, рече Шмит.

Тој посочи дека како висок претставник мора да биде гарант за постоењето на ентитети, кои се делови од БиХ, која има меѓународен субјективитет, додавајќи дека РС е составен дел на БиХ. /МИА

Свет

Њујоршката полиција упадна во кампусот на Универзитетот Колумбија и упаси десетици лица

Синоќа полицијата во Њујорк со дозвола од Универзитетот колумбија упадна  во универзитетската зграда Хамилтон Хол заземена од активисти кои протестираат против војната на Израел во Газа.

Универзитетот е лоциран во центарот на Њујорк во близина на Менхетн. Полицијата упадна преку вториот кат од зградата со помош на поставена рампа и растури толпа од околу 200 активисти, по што пред влезот на универзитетот дојдоа неколку полициски автобуси да ги транспортираат лицата кои беа уапсени за време на упадот. Од извештаите се дознава дека се упасени десетици демонстранти, но и дека многумина од нив не се студенти. За време на упадот полицијата употребила шок-гранати. Претседателот на сад Џо Бајден синоќа изјави дека демонстрациите треба да бидат мирни, и порача дека насилното заземање на зградите не е мирен протест, и оти тоа е погрешно“.

притисни ентер