Red Dot Award 2022: Новиот PEUGEOT 308 награден за својот уникатен дизајн - Канал 5

Автомобилизам

Red Dot Award 2022: Новиот PEUGEOT 308 награден за својот уникатен дизајн

Најголемото признание  во секторот на „продукт дизајн“ - “Red Dot Award 2022”,  во категоријата на „Автомобили и мотоцикли“, беше доделено на Новиот 308!

Red Dot Award 2022: Новиот PEUGEOT 308 награден за својот уникатен дизајн

Првиот модел кој гордо го носи новиот амблем на Брендот.

50-те членови на жирито на Интернационалниот “Red Dot Awards” беа потполно импресионирани од неговиот “allure”, неговиот уникатен стил, високото ниво на квалитет употребен во дизајнот, како и иновативниот i-Cockpit. Секоја година, овие дизајнерски експерти доделуваат таканаречен “Design Excellence” во 51 „продукт“ категорија.

Потенцијалните клиенти од сите континенти се ослонуваат и му веруваат на признанието “Red Dot” како гаранција за квалитет, “smart” дизајн и врвна ергономија. Peugeot 308 е 7миот модел на Брендот кој е награден со ова престижно признание, креирано во 1955та година во Германија, и од тогаш важи за признание кое се доделува за најдобри дизајни ширум светот.

Linda Jackson, CEO на Peugeot: "Ние сме горди што го добивме ова признание “Red Dot Design Award” за Новиот PEUGEOT 308. Новото лого ја симболизира грижата, вниманието и страста која е употребена во креирањето на овој модел: уникатниот “allure”, уметноста и вештите раце на креаторите, технолошката извонредност, прецизност и иновативност која всушност го карактеризира овој дизајн. Оваа награда, најценета во секторот „продукт дизајн“, само покажува дека сме го направиле вистинскиот избор во дизајнирањето на нашиот нов автомобил.“'

PEUGEOT 308: дизајн кој поставува нови трендови

Надворешниот дизајн на Новиот 308 беше пресуден за жири комисијата. Архитектурата на Новиот 308 бенифицира од хабитабилноста и динамизмот на својата силуета. Ова е првиот модел кој ја носи новата решетка со новиот амблем, во кој се крие радарска и сензорска технологија. Вертикалниот светлосен потпис е комплетиран со Matrix LED предните светла (во GT и GT Pack ниво на опременост), кој обезбедува поголема ефикасност и безбедност на патот. LED светлата со 3 канџи на задниот дел се олицетворение на ДНК на Брендот.

Во кабината PEUGEOT i-Cockpit® 3D (дигитален кластер над компактниот управувач) се карактеризира со i-Toggles конфигуративни копчиња, веднаш под интуитивниот екран на допир, налик на оној на smartphone. Седиштата се AGR сертифицирани за својата ергономија и прилагодливост. Во внатрешноста импресионираат неколку селективни детали: LED амбиентално осветлување (избор од 8 бои) како и панели на вратите креирани од Alcantara® или делови од вистински алуминиум, во зависност од нивото на опременост.

Доследен на стратегијата "Power of Choice", Новиот PEUGEOT 308 е достапен со различни мотори. Покрај различните варијации на мотори со внатрешно согорување, PEUGEOT 308 понудува и два хибридни мотори.

Red Dot Design Awards

Ова е 7ми пат како Peugeot добива ваква награда, веднаш по 208 и 2008 во 2020 година, 3008 во 2017та година, TRAVELLER во 2016, првата генерација на 308 SW во 2014 и RCZ coupe во 2010.

Оваа награда - “Red Dot Design Award” е 11та интернационална награда добиена од страна на Новиот 308, од неговото лансирање на крајот на 2021 година.

Основана во 1995 година, Red Dot наградата е најпризнанена интернационална награда за квалитет и успешен дизајн. Red Dot Design Awards се случуваат еднаш годишно во 3 дисциплини: Продукт Дизајн, Бренд и Комуникациски Дизајн, и Концептен Дизајн. Жирито се состои од 50 интернационални експерти од различни полиња: дизајнери, архитекти или учители. Повеќе информации во врска со организацијата Red Dot се достапни на: https://www.red-dot.org/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Хали Бери денес наполни 60 години, а го одбележа својот роденден со објава на Инстаграм во која уште еднаш покажа дека нема намера да ги крие своите години.

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Актерката сподели серија фотографии и накратко рече дека не ѝ е гајле за мислењата на другите луѓе.

Објавата брзо го привлече вниманието на нејзините следбеници, кои најчесто ѝ честитаа во коментарите и ја пофалија нејзината самодоверба.

„Не ми е гајле што мислат другите луѓе“

Бери напиша покрај фотографиите: „Не ми е гајле што мислат другите луѓе“, а нејзината објава собра повеќе од 600.000 лајкови за само 17 часа откако беше објавена.

Коментарите беа исполнети со пораки за поддршка. „Ова е апсолутно совршено“, напиша еден следбеник, додека друг напиша: „Не ти е гајле за ништо! Продолжи така, @halleberry!“

Еден корисник го опиша нејзиниот потег како симбол на слобода и самодоверба, додека друг напиша: „Шеесет години никогаш не изгледале подобро!“

Со години, таа зборува за стареењето

Бери отворено зборуваше за притисокот што жените го чувствуваат во врска со стареењето и очекувањето дека треба да останат млади што е можно подолго. Таа беше особено гласна за прифаќањето на промените што доаѓаат со возраста и потребата жените да престанат да се обидуваат да изгледаат помлади по секоја цена.

Во колумна за Опра Дејли пред две години, таа ги повика жените да „престанат да се обидуваат да останат во своите 30-ти засекогаш и да си дозволат да бидат стари колку што сте“.

„Мора да се прифатиме себеси, да ги прифатиме нашите тела како што се менуваат и нашите простори како што се менуваат“, напиша таа во тоа време. „Благословени сме што сме тука. Вистинската самодоверба, сексапил и моќ доаѓаат од сознанието дека стануваме подобри со секоја измината година“.

Актерката, исто така, се осврна на идејата дека жените губат вредност како што стареат. „Општеството ни кажува дека откако ќе достигнеме одредена возраст, повеќе не сме вредни, витални или важни. Дека сме бескорисни“, рече таа. „Но, мора да се спротивставиме и да кажеме „не“. Ја отфрлам таа теорија“.

„Се чувствувам самоуверено, силно и секси“

Бери пред две години изјави дека со нетрпение очекува да остари.

„Се чувствувам како најдобрата верзија од себе и мислам дека ќе бидам уште подобра на 60 години“, рече таа. Таа, исто така, зборуваше за тоа како посветува поголемо внимание на своето здравје и долговечност, што, како што рече, ѝ дава чувство на контрола врз нејзиниот живот. „Се чувствувам самоуверено, силно и секси. Помудра и попаметна сум од кога било досега“, рече таа во тоа време.

Сега, на нејзиниот 60-ти роденден, се чини дека решила да го покаже својот став на Инстаграм.

Извор: Индекс.хр

Тагови: Хали Бери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„iPhone 18 Pro“ ќе биде многу поскап, но дали ќе има ист простор за складирање?

Се чини дека „iPhone 18 Pro“ би можел да биде значително поскап од сегашниот модел, а според новите извештаи, нема да има поголем основен капацитет за складирање.

„iPhone 18 Pro“ ќе биде многу поскап, но дали ќе има ист простор за складирање?

Тајванската истражувачка фирма „TrendForce“ проценува дека цената на компонентите за „iPhone 18 Pro“ ќе биде речиси 40 проценти повисока отколку за „iPhone 17 Pro“. И покрај ова, основниот модел на „iPhone 18 Pro“ наводно ќе има 256 GB внатрешна меморија, што моментално го нуди „iPhone 17 Pro“.

Ова значи дека капацитетот за складирање на моделот „Pro“ би изгледал вака:

• iPhone 16 Pro - 128 GB

• iPhone 17 Pro - 256 GB

• iPhone 18 Pro - 256 GB

„TrendForce“ не го спомена конкретно „iPhone 18 Pro Max“ во извештајот, но „Apple“ ги понуди моделите „Pro“ и „Pro Max“ со ист почетен капацитет за складирање за претходните две генерации, па се очекува дека истото би можело да важи и за новата генерација, објавува „MacRumors“.

Доаѓа повисока цена

Сепак, фактот дека основниот капацитет останува ист не значи дека цената ќе остане иста. Напротив, „TrendForce“ наведува дека зголемувањето на цените за моделот „iPhone 18 Pro“ е практично „неизбежно“, првенствено поради зголемените трошоци за компонентите.

Посебен проблем е меморијата. Цената на „RAM“ меморијата значително се зголеми поради моменталниот недостиг на мемориски чипови, додека се очекува цената на меморијата за складирање и новиот чип „A20 Pro“ исто така да се зголеми.

Според претходните информации, почетната цена на „iPhone 18 Pro“ во САД би можела да биде за 200 до 300 долари повисока од „iPhone 17 Pro“.

Во тој случај, „iPhone 18 Pro“ би можел да започне од дури 1.399 долари, додека почетната цена на „iPhone 18 Pro Max“ би можела да достигне 1.499 долари.

Извор: Б92

Тагови: iPhone 18 Pro

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Инвазија на роботакси во Европа – „Uber“ подготвува повеќе од 2.000 возила

„Uber“ и „Pony.ai“ денес објавија дека сакаат да воведат повеќе од 2.000 роботакси низ цела Европа и дека партнерството ќе се прошири на Блискиот Исток.

Инвазија на роботакси во Европа – „Uber“ подготвува повеќе од 2.000 возила

Двете компании веќе лансираа комерцијална услуга за роботакси во Загреб во март, каде што поддржаа 10 автономни возила од компанијата Верн, која е во сопственост на претприемачот Мате Римац, а новиот договор ќе воведе роботакси во уште четири европски градови кои сè уште не се наведени.

Голема флота што надминува 2.000 возила е важна за развојот на автономното возење бидејќи поголем број возила овозможува поголемо собирање податоци, поефикасно работење и полесен доказ за безбедноста пред регулаторите, објавува „CNBC“. Покрај тоа, поголемата достапност на роботакси може да охрабри повеќе корисници да почнат да го користат овој вид транспорт.

„Uber“ работи паралелно и со други кинески компании за автономно возење, како што е „WeRide“, со која планира пилот-програма за роботакси во Мадрид. „Waymo“ е светски лидер во оваа област, со возен парк од околу 5.000 возила, претежно во Соединетите Американски Држави.

„Waymo“ веќе тестира возни возила во Лондон и се подготвува да го прошири својот бизнис на други глобални пазари, а една од неговите цели е Токио. Целта на „Uber“ е да стане водечка светска комерцијална платформа за автономни возила, наместо самата да ја развива целата технологија за автономно возење.

Компанијата сака да ја користи својата платформа за поврзување на различни производители на роботски такси возила со корисниците, а во исто време да собира голема количина на податоци што можат да им помогнат на партнерите во понатамошниот развој на автономни системи.

Извор: Б92

Тагови: Uber

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер