Дел од ракетата бил успешно вратен на планираната позиција.
Според извештаите на компанијата, контактот со леталото бил изгубен 8 минути по полетувањето, додека шесте мотори на авионот постепено биле исклучени за време на искачувањето, пренесе АП.
Ракетата висока 123 метри беше лансирана вчера од Бока Чика, Тексас, со мисија да направи речиси целосна ротација околу Земјата, носејќи 10 тест сателити. Последните добиени податоци покажаа дека „Ѕвездениот брод“ достигнал височина од 146 километри и брзина од 21.316 километри на час.

Извршниот директор Илон Маск на платформата X објасни дека прелиминарните анализи укажуваат на истекување на гориво што предизвикало зголемување на притисокот над ѕидот на моторот.
„Starship“ е најмоќната ракета на светот, а ова беше нејзин седми тест, истакнува американската агенција.
НАСА планира да го користи Starship за слетување на астронаутите на Месечината до крајот на деценијата, додека Маск сака да го колонизира Марс.