Путин им се закани на САД: Ако „Томахавк“ ја погоди Русија, одговорот ќе биде застрашувачки - Канал 5

Свет

Путин им се закани на САД: Ако „Томахавк“ ја погоди Русија, одговорот ќе биде застрашувачки

Рускиот претседател Владимир Путин ги предупреди Соединетите Американски Држави за сериозен руски одговор во случај на напад на нивна територија со американски ракети „Томахавк“.

Путин им се закани на САД: Ако „Томахавк“ ја погоди Русија, одговорот ќе биде застрашувачки

„Доколку такво оружје се користи за напад на руска територија, одговорот ќе биде многу силен - ако не и преголем. Нека размислат внимателно“, предупреди тој.

Претседателот ги нарече разговорите за можноста за испорака на ракети Томахавк во Киев обид за ескалација на конфликтот, пренесе Франс 24.

Одговарајќи на новинарско прашање за откажувањето на билатералната средба од страна на претседателот Доналд Трамп, Путин претпостави дека Трамп мислел на нејзино одложување. Тој додаде дека за време на последниот разговор, американскиот лидер го предложил организирањето на самитот во Будимпешта.

Според рускиот претседател, би било погрешно да се пристапи кон настанот без соодветна подготовка. Тој нагласи дека Русија отсекогаш го поддржувала продолжувањето на дијалогот и дека постојат многу области за соработка меѓу Русија и Соединетите Американски Држави - ако двете земји преминат од притисок на сериозен, долгорочен дијалог.

Зборувајќи за новите санкции на САД, Путин ги нарече непријателски чин што не придонесува за зајакнување на руско-американските односи. Тој увери дека ограничувањата нема значително да влијаат на состојбата на економијата: ќе има загуби, но рускиот енергетски сектор, како што рече, се чувствува стабилен.

„Ова е, секако, обид за вршење притисок. Но, ниедна земја што се почитува себеси, ниеден народ што се почитува себеси, никогаш не донесува одлуки на таков начин. Русија секако ја има оваа привилегија - да се рангира меѓу земјите и народите што се почитуваат себеси“, рече рускиот претседател.

Тој, исто така, истакна дека со Трамп разговарал за влијанието на ситуацијата со руските залихи на нафта во светот врз порастот на цените, вклучително и оние во Соединетите Држави, објави РИА Новости со ВИДЕО од изјавата.

Тагови: Владимир Путин Томахавк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер