Свет

Зеленски не успеа да обезбеди ракети „Томахавк“ од Трамп -фокусот се сели кон самитот Трамп – Путин во Унгарија

Со конструктивни тонови, но без поконкретен епилог, заврши средбата меѓу американскиот претседател Трамп и украинскиот колега Зеленски во Белата куќа..

Володимир Зеленски не успеа да издејстува ракети од Трамп со домет до Русија. По посетата на САД, украинскиот претседател дома се врати со празни раце откако доби одговор дека Трамп засега не е подготвен да му даде проектили со долг дострел „Томахавк“ кои Зеленски од Америка ги бара подолг временски период. Пред средбата и двајцата кажаа дека една од главните теми се токму проектилите и оружјето, иако Трамп уште на почетокот експлицитно спомена дека се надева на мир без Украина да биде вооружена со вакви ракети.

„Тие (ракетите Томахавк) се неверојатно оружје, многу моќно оружје, но и многу опасно оружје. Тие би можеле да значат поголема ескалација, многу лоши работи би можеле да се случат. Ракетите „Томахавк“ се голема работа. Ни требаат „Томахавк“, ни треба и друго оружје што ние го праќаме на Украина, и токму тоа е една од причините што ние сакаме да ставиме крај на војната. Не би било лесно за нас да дадеме „Томахавк“ ракети, а збориме за масивна бројка на многу моќни оружја, и тоа е едно од нештата за кои ќе разговараме. Се надевам дека нема да им биде потребно, се навевам дека ќе успееме да ставиме крај на војната без ракетите „Томахавк“. “

„Украина има илјадници дронови од украинско производство. Но, немаме „Томахавк“, затоа и ни требаат „Томахавк“ ракети. Соединетите држави на Америка имаат големо производство, а Америка има и „Томахавк“ и други многу силни ракети. Но, можат да ги имаат нашите дронови, илјадници дронови, и токму затоа можеме меѓусебно да соработуваме, и да го зајакнеме американското производство.“

По срдечната средба во Белата куќа двајцата претседатели не дадоа официјални изјави, бидејќи како што посочи Зеленски, САД не сакаат ескалација, а Трамп само ги повика Русија и Украина да запрат таму каде што се и да стават крај на војната.

Средбата следи ден по телефонскиот разговор што Трамп го имаше со Владимир Путин, при што договорија да се сретнат во Будимпешта за околу две недели.

Иако претходно се доведуваше под знак прашалник можноста Путин да допатува во Будимпешта поради налог за апсење на рускиот претседател од страна на Меѓународниот кривичен суд поради истрага за сторени воени злосторства во Украина, од Европската комисија нагласувајќи дека ги поддржуваат мировните напори, појаснија дека Путин сепак нема забрана за патувања.

„Путин и Лавров се предмет на санкции за замрзнување на средствата, но не се конкретно опфатени со забраната за патување. Не може да им се забрани. Нема да коментираме за хипотетички сценарија, но ако се случи, факт е дека тие не се под забрана за патување.“

Инаку, ова беше трета средба помеѓу Трамп и Зеленски во Белата куќа. Но досега средбите не дадоа конкретен резултат во мировните разговори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Медведев поради глупост и дисквалификацијата против Ѓоковиќ, испадна од Топ 5 (ВИДЕО)

Данил Медведев ќе претрпи повеќекратна штета поради исклучувањето од мечот со Новак Ѓоковиќ во полуфиналето на Пекинг.

Не само што е без премијата што ја заработи, туку ги загуби и бодовите што го држеа во првата петорка во светот.

Имено, Медведев налутено упати топка во публиката и удри гледач, а на само неколку поени од пораз си потпиша сопствена дисквалификација.

Тоа значи дека нема да зема бодови за полуфинале.

🚨The moment when Medvedev got disqualified at the @ChinaOpen. https://t.co/5GllzQvZsG
— José Morgado (@josemorgado) October 5, 2026

Тоа дополнително имплицира дека тој нема да биде во Топ 5, бидејќи со откажување на неговите поени пред него се враќа Феликс Оже Алијасим и ќе има уште 30 поени.

А во трката за завршниот Мастерс во Торино трпи удари, бидејќи Ѓоковиќ сега драстично му се приближи и би можел да го остави без таа конкуренција.

Тагови: Данил Медведев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Најтешката тиква има 651,5 килограми, ја подигаат со виљушкар

Најтешката тиква во Швајцарија оваа година тежи 651,5 килограми и е одгледувана во приватна градина во кантонот Цирих, објавува швајцарската агенција Keystone-SDA.

Ова е трета година по ред одгледувачот Флоријан Ислер од Еслинген, во кантонот Цирих, ја освои титулата швајцарски шампион во одгледување џиновски тикви, објави организаторот на натпреварот, Jüker Farm.

Рекорди се уриваат!

Тиквата припаѓа на сортата „Атлантски џин“, а нејзиниот одгледувач Ислер постави уште три швајцарски рекорди - за најтешкиот примерок од сортата „Бучел Гард“, тежок 136,6 килограми, највисокиот сончоглед, висок 7,695 метри, и најтешката лубеница, која тежела 97,2 килограми.

Срушени се и други швајцарски и светски рекорди во одгледување џиновски зеленчук.

Семејството Мајер од Детликон, исто така во кантонот Цирих, сега го држи светскиот рекорд за најтежок сладок компир, еден со тежина од 13,6 килограми, додека Јирг Висли од Досвил, во кантонот Тургау, во североисточна Швајцарија, го постави светскиот рекорд за најдолга лута пиперка, со должина од 54,3 сантиметри.

Вкупно 18 џиновски тикви беа измерени на фармата Бихлихоф.

Ништо без виљушкар

На натпреварот учествуваа 16 тима, вклучувајќи два тима одгледувачи и две семејства.

Меѓу 18-те измерени примероци беа 14 портокалови тикви од сортата „Атлантски џин“ и четири зелени тикви.

Актуелниот швајцарски рекорд за најтешка тиква е 1.054 килограми, додека светскиот рекорд е 1.278,8 килограми.

За време на вчерашниот натпревар, разни видови зеленчук беа транспортирани до вагата со виљушкар.

Тагови: тиква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево време со температура до 29 степени

Утре времето ќе биде сончево и релативно топло, информираат од УХМР.

МАКСИМАЛНА ТЕМПЕРАТУРА

14 Попова Шапка, 17 Крушево, 21 Претор, Маврови Анови, Охрид, 23 Берово, 24 Прилеп, Виница, Битола, 25 Крива Паланка, 26 Тетово, Штип, Демир Капија, 27 Кавадарци, Велес, Скопје Петровец, 28 Струмица, Скопје Зајчев Рид, Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и релативно топло со слаб ветер од променлив правец. До крајот на денот ќе биде стабилно и ведро.

ВРЕМЕТО УТРЕ

Утрото ќе биде ведро и студено, а во текот на денот сончево и релативно топло. Ќе дува слаб ветер од јужен правец. Минималната температура ќе биде во интервал од -3 до 6, а максималната во интервал од 22 до 29 степени.

Во Скопје, сончево и релативно топло со слаб ветер од јужен правец. Минималната температура ќе се спушти до 3, а максималната ќе достигне до 26 степени.

ВРЕМЕТО ВО НАРЕДНИТЕ ДЕНОВИ

Во четврток времето ќе биде сончево и релативно топло со променлива облачност во текот на денот. Во петок и за време на викендот, времето ќе биде променливо облачно со услови за врнежи од дожд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.