Оние кои се совесни возачи само пред камерите на „Сејф Сити“ и веќе ја научија секоја нивна позиција, а откако ќе ги поминат им се враќаат на старите и опасни навики, ќе ги ловат и брендирани, но и цивилни возила на МВР - најавуваните пресретнувачи од 2027 година излегуваат на патиштата. Министерот Тошковски вели дека непредвиливоста на овие „ловци“, кои ќе регистираат повеќе прекршоци, но со главен фокус на брзината, ќе придонесе за поголема безбедност во сообраќајот, а она што ќе го фатат на радарот ќе се процесуира преку дигиталниот систем на кој се потпира и Сејф Сити, па известување за казната ќе пристигнува во порака.

-Во иднина, голем број, нема да кажам колку, но голем број од полициските возила кои што ги има МВР ќе бидат во исто време и уреди со кои што ќе може да се констатираат неколку прекршоци. И цивилни? И цивилни, особено бележани, значи со возилата кои што ги има МВР ќе можеме да детектираме пред се управување на возило со несоодветна брзина. Затоа што цениме дека таков тип на конторола е нужен за да можеме да го смириме сообраќајот и таму каде што немаме поставено камери, а оние кои што несовесно ги управуваат возилата, полека, полека научија каде се камерите и тоа е добро, е сега ќе не може да претпостават каде ќе бидат полициските возила,- -Панче Тошковски – Министер за внатрешни работи.

Ова ново решение во сообраќајот е клучно во спроведување на националата стратегија 2026-2030 која денеска беше презентира и чија цел е бројот на жртви во сообраќајни несреќи да го намали за 50% во однос на 2024 година. Нејзиното мото е „Секој живот е важен“, а важен е и целокупниот институционален и невладин пристап за да има помалку страдања, вели универзитетскиот професор Никола Дујовски кој ја презентираше стратегијата. Според него, состојбите на патиштата се пресуден фактор.

-Мора да се градат патишта кои ќе одговорат на потребите на управувањето со возило во 21 век, патишта кои ќе ни ги заштитат граѓаните, да не ни се случи повеќе да страдаат возачи и други учесници во сообраќајот заради пропусти во изведувањето, заради лошата документација. На крајот на стратегијата се предвидени конкретни активности за секоја различна институција, акцискиот план е навистина богат со мерки и задачи кои што треба да се спроведат, за да се реализира се што е предвидено,- Никола Дујовски – универзитетски професор.

Националната стратегијата, која се фокусира на човековиот живот, треба да ја однесе земјава чекор поблиску кон главната цел, нула жртви во сообраќајот до 2050 година, согласно светската и европска стратегија. Во моментов преку длабока анализа се утврдуваат и „црните точки“ во земјава кои се најголема опасност по животот.

Во изминативе 35 години, Македонија бележи поразителен просек од околу 150 жртви годишно во сообраќајот. Годинава, до ноември, загинале 85 лица, односно, 32 жртви помалку од лани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ ја подготвува интерпелацијата за гувернерот на Народната банка, Трајко Славески и ќе ја поднесе во Собранието деновиве, а во меѓувреме очекуваат тој самиот да поднесе оставка за погрешните одлуки околу влезот на Алта банка на македонскиот финансиски пазар, изјави лидерот на СДСМ, Венко Филипче. Гувернерот, според Филипче, не ја исполнил својата законска обврска да провери кој стои зад банката, а сега брзал со продажба на акциите на Алта банка Битола, одлука која не зависи од Славески туку од Белград. Филипче упати јавно прашање дали Славески и Мицкоски имале средби со Давор Мацура и дали на државни и јавни претпријатија им било укажано да ги префрлат сметките во банката.

-Сè уште нема одговор од гувернерот, ниту од премиерот, зошто не провериле каков капитал влегува во земјата? Зошто не провериле каква репутација има газдата на Алта банка кој што од вчера е во притвор, Давор Мацура? Имало ли трансфери на пари пред купувањето на Алта банка Битола? Имало ли средби со Давор Мацура на гувернерот Трајко Славески? Имало ли средби помеѓу гувернерот и Давор Мацура на кои што присуствувал и премиерот Христијан Мицкоски? Доаѓал ли тука со скап приватен авион Давор Мацура на такви средби?, праша Филипче.

На прес конферецнијата реагираа од ВМРО-ДПМНЕ... ги обвинија Филипче и СДСМ дека се фабрика за предизвикување страв и паника, но, како што велат тоа нема да успее како не успеало ни за мигрантите, ни за водата, ниту за пензиите... Државата, вклучително и Народна банка ги преземаат сите мерки за заштита на интересите на државата, граѓаните, штедачите, стои во реакцијата од ВМРО-ДПМНЕ.

Во меѓувреме во Собранието се уште се чека да се договори датум за надзорната расправа на која се очекува гувернерот Славески да даде одговор на сите прашање поврзани со постапувањето на НБРМ во случајот со Алта банка. Од ВМРО-ДПМНЕ побараа претседателката на Комисијата за финансирање и буџет, Сања Лукаревска да ја закаже за утре во 11 часот, согласно, како што велат, договореното во понеделникот.

- Не ни беше одговорено до овој момент на нашето барање. Затоа ние, согласно можностите коишто ни ги дава Деловникот, до претседателката на Комисијата за финансирање и буџет, Сања Лукаревска, согласно член 126 став 2 од Деловникот на Собранието, собравме една третина од потписите од членовите и замениците-членови на Комисијата за финансирање и буџет, изјави Стојаноски од ВМРО-ДПМНЕ.

Дали Давор Мацура бил во земјава по изборите во Србија, од МВР велат дека не можат да кажат поради тоа што тие информации ги споделуваат само по барање на надлежните инситуции...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Извештај на ЕК 2026: сè е полошо. Нула напредок против корупција, слобода на изразување и јавните набавки. Судство под политичка опсада и без пари. 40 тужби против новинари - тројно повеќе од лани. Медиумите под притисок. Земјоделство пред колапс. Власта го зароби судството, го задуши медиумскиот простор и ја остави корупцијата недопрена. Сè оди надолу. Како да биде кога мафија владее со земјата?“- напиша претседателот на СДСМ Венко Филипче на „X“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.