За десет месеци 84 загинати на патиштата, 33 помалку од лани–Тошковски најави преполовување на жртвите до 2030 година - Канал 5

Македонија

За десет месеци 84 загинати на патиштата, 33 помалку од лани–Тошковски најави преполовување на жртвите до 2030 година

Оние кои се совесни возачи само пред камерите на „Сејф Сити“ и веќе ја научија секоја нивна позиција, а откако ќе ги поминат им се враќаат на старите и опасни навики, ќе ги ловат и брендирани, но и цивилни возила на МВР 

За десет месеци 84 загинати на патиштата, 33 помалку од лани–Тошковски најави преполовување на жртвите до 2030 година

Оние кои се совесни возачи само пред камерите на „Сејф Сити“ и веќе ја научија секоја нивна позиција, а откако ќе ги поминат им се враќаат на старите и опасни навики, ќе ги ловат и брендирани, но и цивилни возила на МВР - најавуваните пресретнувачи од 2027 година излегуваат на патиштата. Министерот Тошковски вели дека непредвиливоста на овие „ловци“, кои ќе регистираат повеќе прекршоци, но со главен фокус на брзината, ќе придонесе за поголема безбедност во сообраќајот, а она што ќе го фатат на радарот ќе се процесуира преку дигиталниот систем на кој се потпира и Сејф Сити, па известување за казната ќе пристигнува во порака.

-Во иднина, голем број, нема да кажам колку, но голем број од полициските возила кои што ги има МВР ќе бидат во исто време и уреди со кои што ќе може да се констатираат неколку прекршоци. И цивилни? И цивилни, особено бележани, значи со возилата кои што ги има МВР ќе можеме да детектираме пред се управување на возило со несоодветна брзина. Затоа што цениме дека таков тип на конторола е нужен за да можеме да го смириме сообраќајот и таму каде што немаме поставено камери, а оние кои што несовесно ги управуваат возилата, полека, полека научија каде се камерите и тоа е добро, е сега ќе не може да претпостават каде ќе бидат полициските возила,- -Панче Тошковски – Министер за внатрешни работи.

Ова ново решение во сообраќајот е клучно во спроведување на националата стратегија 2026-2030 која денеска беше презентира и чија цел е бројот на жртви во сообраќајни несреќи да го намали за 50% во однос на 2024 година. Нејзиното мото е „Секој живот е важен“, а важен е и целокупниот институционален и невладин пристап за да има помалку страдања, вели универзитетскиот професор Никола Дујовски кој ја презентираше стратегијата. Според него, состојбите на патиштата се пресуден фактор.

-Мора да се градат патишта кои ќе одговорат на потребите на управувањето со возило во 21 век, патишта кои ќе ни ги заштитат граѓаните, да не ни се случи повеќе да страдаат возачи и други учесници во сообраќајот заради пропусти во изведувањето, заради лошата документација. На крајот на стратегијата се предвидени конкретни активности за секоја различна институција, акцискиот план е навистина богат со мерки и задачи кои што треба да се спроведат, за да се реализира се што е предвидено,- Никола Дујовски – универзитетски професор.

Националната стратегијата, која се фокусира на човековиот живот, треба да ја однесе земјава чекор поблиску кон главната цел, нула жртви во сообраќајот до 2050 година, согласно светската и европска стратегија. Во моментов преку длабока анализа се утврдуваат и „црните точки“ во земјава кои се најголема опасност по животот.

Во изминативе 35 години, Македонија бележи поразителен просек од околу 150 жртви годишно во сообраќајот. Годинава, до ноември, загинале 85 лица, односно, 32 жртви помалку од лани.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Најтешките борби не се водат секогаш на фронтовите“: Александар Видиновски ја објавува својата прва книга „На местото на настанот“

Новинарот, уредник и телевизиски водител Александар Видиновски на 5 ноември (четврток), со почеток во 19 часот, во книжарницата „Литература.мк“ во „Дајмонд мол“ во Скопје, ќе ја промовира својата прва книга – „На местото на настанот“.

„Најтешките борби не се водат секогаш на фронтовите“: Александар Видиновски ја објавува својата прва книга „На местото на настанот“

Книгата, објавена во издание на „Арс Либрис“, дел од „Арс Ламина – публикации“, носи лични сведоштва од речиси две децении новинарска кариера, исполнета со известувања од кризни подрачја, драматични настани и ситуации во кои новинарот не е само набљудувач, туку и непосреден сведок на историјата.

Од престрелките во Диво Насеље и драматичната ноќ на воениот удар во Турција, до воени зони, несреќи и кризи во Македонија и надвор од неа, Видиновски ги пренесува приказните што останале зад телевизиските прилози и директните вклучувања. За разлика од кратките телевизиски извештаи, книгата нуди простор за подлабоко раскажување на настаните, личните доживувања и моментите што не секогаш можеле да бидат пренесени пред камерите.

Во разговор со Александар Видиновски ќе откриеме што се крие зад насловот „На местото на настанот“, кои моменти од неговата новинарска кариера биле најголем предизвик, но и колку е тешко од професионалното искуство да се создаде лично сведоштво.

1. Што беше главниот мотив што ве поттикна да ја напишете оваа книга? Кога се роди идејата?

Идејата се роди сосема спонтано. Низ годините, настаните од кои сум известувал беа навистина големи и значајни, па така, по игра на случајноста, безброј пати сум ги раскажувал моите доживувања и преживувања од терен на пријатели кои со интерес ги слушаа. Си реков: додека се сè уште свежи сеќавањата, да ги ставам на харртија (или забележам) за да остане некаков пишан доказ дека и македонски новинари, во одредени моменти, биле рамо до рамо со странските колеги и известувале директно од лице место од големи светски настани.

2. Колку е различно чувството кога информациите што секојдневно ги пренесувате како новинар ќе ги преточите во книга?

„Оваа книга нуди многу повеќе од обична вест. Таа открива како се создава таа информација, што се случува зад камерите и кои се тие невидливи моменти. Фокусот е ставен на личната перцепција, стравот, љубовта и искрените искуства – на сè она што е подлабоко и поинтимно од стандардното новинарство.“

3. Дали во текот на пишувањето имаше моменти кога се двоумевте дали некои работи треба да ги споделите со јавноста?

„Да, секако дека имаше и такви моменти. Златна новинарска пракса е никогаш да не се открива изворот на една информација. Тие стари новинарски стандарди безусловно ги почитувам. И во самата книга се споменуваат одредени луѓе, но нивниот идентитет секако остана заштитен.“

4. Кому му е првенствено наменета оваа книга?

„Книгата е наменета за сите граѓани кои сакаат да прочитаат и да видат многу повеќе од обична вест. За оние кои сметаат дека новинарството е убава, но и предизвикувачка професија, и за сите кои вистински се грижат за општеството и работите што ни се случуваат.“

5. Дали очекувате книгата да отвори одредени прашања или дискусии во јавноста?

„Интересно е како уште необјавена, книгата веќе предизвикува дилеми и дискусии за одредени поглавја. Тоа е одлично, бидејќи дијалогот и спротивставените мислења се знак на здрава дебата. Секако, туѓите ставови не мора да ги прифатам, но секогаш длабоко ги почитувам.“

6. Кога би можеле да издвоите само една реченица што ја опишува книгата, која би била таа?

„Најтешките борби не се водат секогаш на фронтовите, најтешко е да ги извојуваш оние битки што ти се случуваат во време на мир.“

„На местото на настанот“ е повеќе од хронологија на новинарски ангажмани – тоа е обид да се зачуваат сведоштвата за настани што оставиле трага, но и да се раскажат приказните што често остануваат надвор од телевизискиот кадар. Преку својата прва книга, Александар Видиновски им дава можност на читателите да ги погледнат познатите настани од една поинаква перспектива – од местото каде што се случувале.

Тагови: Александар Видиновски книга

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Хоџа-Гецова: Продлабочување на соработката со Чешка во областа на животната средина

На средбата беше истакната важноста на размената на искуства и експертиза, особено во областите на управувањето со отпадот, подобрувањето на квалитетот на воздухот и контролата на индустриското загадување.

Хоџа-Гецова: Продлабочување на соработката со Чешка во областа на животната средина

Министерот за животна средина и просторно планирање, Муамет Хоџа, оствари средба со амбасадорката на Чешката Република во Македонија, Ирена Гецова, на која беа разгледани можностите за унапредување на билатералната соработка, со посебен фокус на заштитата на животната средина.

На средбата беше истакната важноста на размената на искуства и експертиза, особено во областите на управувањето со отпадот, подобрувањето на квалитетот на воздухот и контролата на индустриското загадување.

Министерот Хоџа изрази благодарност за континуираната поддршка од Чешката Република во процесот на пристапување на Северна Македонија кон Европската Унија, како и за активната улога на Чешката амбасада во Скопје во поттикнувањето на соработката во областа на животната средина.

Двајцата соговорници ја потврдија подготвеноста за понатамошно продлабочување на партнерството преку институционална соработка, размена на знаења и реализација на конкретни активности од заемен интерес.

Тагови: Муамет Хоџа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

11 возачи лишени од слобода во изминатото деноноќие – осум управувале без возачка дозвола, тројца под дејство на алкохол

Во текот на изминатото деноноќие, на различни локации на територијата на државата, полициски службеници лишиле од слобода 11 возачи поради сторено кривично дело „безобѕирно управување со моторно возило“ по член 297-а од Кривичниот законик.

11 возачи лишени од слобода во изминатото деноноќие – осум управувале без возачка дозвола, тројца под дејство на алкохол

Од нив, осум управувале возило без положен возачки испит. Станува збор за Д.С.(22) од Скопје, И.Л.(47) од село Батинци, скопско, Д.А.(30) од село Порој, тетовско, С.А.(19) од Гостивар, Џ.Р.(31) од Радовиш, Р.Е.(21) од село Раклиш, радовишко, А.Х.(47) од Струга и А.М.(31) од село Лисичани, кичевско.

Исто така, во Гостивар бил извршен службен разговор со 16-годишник кој управувал патничко возило без претходно да се стекне со право на управување, во присуство на родител.

Тројца возачи управувале патничко возило под дејство на алкохол, при што претходно учествувале и во сообраќајни незгоди. Станува збор за С.С.(43) од село Биљановце, кумановско, Х.Ј.(39) од село Драмче, кичевско, и Д.Ц.(31) од село Осиче, кривопаланечко.

По целосно документирање на случаите, ќе бидат поднесени соодветни кривични пријави.

МВР апелира до сите учесници во сообраќајот доследно да ги почитуваат сообраќајните правила и прописи, да не управуваат возило без положен возачки испит, под дејство на алкохол или доколку имаат изречена забрана за управување со моторно возило. Одговорното однесување на секој учесник во сообраќајот е од суштинско значење за спречување на сообраќајни незгоди, заштита на човечките животи и создавање побезбеден сообраќај.

Тагови: дејство на алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер