Автомобилизам

ПРОЕКТ #CAMOCATCH НА PEUGEOT

PEUGEOT ЈА ЗАПОЧНУВА АКЦИЈАТА #CAMOCATCH ЗА ДА ИМ ДАДЕ МОЖНОСТ НА СИТЕ ЕНТУЗИЈАСТИ ЗА ДИЗАЈН ДА ГИ ИЗБЕРАТ КАМУФЛАЖИТЕ ЗА СЛЕДНИОТ НОВ PEUGEOT 3008.

Пред откривањето на новиот PEUGEOT 3008 во септември 2023 година, камуфлирани прототипови ќе се најдат на патиштата низ Европа ова лето за да се аплицира и финализира „последиот допир“ на оваа акција. PEUGEOT започнува проект на социјалните мрежи за да се истакне оваа акција. Пошироката јавност ќе може да го избере дизајнот на камуфлажите кои ќе се користат на овој долгоочекуван нов модел.

ALLURE: PEUGEOT ја штити доверливоста на новиот 3008 со Allure.

EMOTION: PEUGEOT ги вклучува ентузијастите за дизајн во лансирањето на новиот 3008.

EXCELLENCE: PEUGEOT ја имплеметира својата дизајнерска експертиза во секој детаљ од развојниот процес.

За меѓународното лансирање на новиот 3008, PEUGEOT одлучи да го даде најдоброто од себе. Камуфлажата е важна фаза за автомобилскиот производ. Неговата единствена цел е да ја скрие каросеријата на возилото и да ја заштити нејзината доверливост пред неговото лансирање. Peugeot оди чекор напред за да ја претвори оваа клучна фаза во комуникациска алатка со тоа што ѝ дозволува на пошироката јавност за прв пат активно да учествува во изборот на камуфлажи за неговиот иден 3008.

Детали за акцијата на PEUGEOT #CAMOCATCH

Дизајнерите на PEUGEOT создадоа 10 нови, издржливи и иновативни камуфлажни модели, кои можат да ги сокријат деталите на мачкастите форми на новиот PEUGEOT 3008, а во исто време да ги разбудат емоциите благодарение на инспирираниот и оптимистички пристап на графички дизајн кој докажува дека „Светот е многу подобро место со Allure“!

Фаза 1

Од 15-ти до 31-ви мај, PEUGEOT започнува комуникациска кампања на социјалните мрежи и ја поканува пошироката јавност да ја избере својата омилена камуфлажа(и) меѓу 10-те опции дизајнирани од дизајнерите на PEUGEOT.

Фаза 2

Помеѓу 1-ви јули и 15-ти август, новите камуфлирани автомобили PEUGEOT 3008, ќе можете да ги видите на патиштата низ Европа. Ги покануваме сите кои имаат среќа да видат камуфлиран PEUGEOT 3008 да го фотографираат (со почитување на безбедносните прописи) и да ја објават сликата на профилот на PEUGEOT со хаштаг #CAMOCATCH.

Peugeot имплементира стратегија на соработки и партнерства со млади дизајнери уметници од Европа од почетокот на 2023 година. Овој пат, соработката на брендот е проширена на меѓународна публика за промовирање на дизајнерската експертиза на Peugeot на максимален број луѓе.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер