Хакери ги нападнаа фрижидерите низ Европа, Британците најдоа решение - Канал 5

Хакери ги нападнаа фрижидерите низ Европа, Британците најдоа решение

Во Обединетото Кралство е решен безбедносен пропуст во комерцијалните системи за ладење и замрзнување.

Хакери ги нападнаа фрижидерите низ Европа, Британците најдоа решение

Ова решение има за цел да ги заштити супермаркетите, магацините и рестораните од хакерски напади – инциденти што се забележани во неколку европски земји во текот на изминатите неколку недели, пренесува Ројтерс.

На почетокот на ноември, бран сајбер-напади онеспособи комерцијални единици за ладење во регионот што се протега од Шведска до Белгија. Сличен инцидент се случи во октомври во Франција, каде што продавниците беа принудени да фрлат храна во вредност од милиони евра.

Најновите напади од оваа серија беа насочени кон европските супермаркети. Еден неодамнешен пример ја вклучува продавницата „Delhaize Shop & Go“ во Линкебек, близу Брисел. Купувачите таму наидоа на известување дека фрижидерите се привремено надвор од функција. ИТ-инцидент што се случил преку ноќ влијаел врз системите за ладење и замрзнување на неколку локации на „Delhaize“ во Белгија и Луксембург, предизвикувајќи нагло покачување на температурата во единиците за ладење.

Пропуст откриен и во Британија

Првично се веруваше дека Британија главно ги избегнала овие напади, бидејќи локалната индустрија за ладење користи поинаков вид опрема. Сепак, Би-Би-Си известува дека властите и индустриските партнери сепак откриле пропуст што можел да послужи како влезна точка за хакерите. Во извештајот се додава дека е развиено решение, кое во моментов се спроведува.

Пропустот што влијаел врз британските системи бил идентификуван од етички хакери од компанијата „Omega Systems“. Пред да биде подготвена софтверската поправка, супермаркетите превентивно ги исклучиле фрижидерите од јавниот интернет и дале приоритет на обезбедувањето на уредите.

Предупредувања и обвинувања

По нападите во Европа, германската Федерална канцеларија за безбедност на информатичката технологија издаде предупредување за постоечки пропусти кај одредени индустриски уреди за ладење од данската компанија „Danfoss“. Француските разузнавачки и сајбер-агенции ја обвинија Иранската револуционерна гарда за нападот во октомври.

Тој напад бил насочен кон 700 комерцијални објекти и предизвикал 15 пожари, откако хакерите ги зголемиле температурите во системите за ладење. Британскиот Национален центар за сајбер-безбедност (NCSC) е познат по испраќањето проактивни известувања и рани предупредувања до организациите кога ќе процени дека може да постојат безбедносни пропусти. Центарот одби да го коментира овој случај.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Најдобрите фудбалери против Кипар за опстанок во Б дивизијата од Лигата на нации

Македонија оспатанокот во Б сегментот од Лигата на нации ќе се обиде да го избори во два меча против селекцијата на Кипар. 

Најдобрите фудбалери против Кипар за опстанок во Б дивизијата од Лигата на нации

Најдобрата фудбалска репрезентација на Македонија попладнево денешната ждрепка во седиштето на УЕФА во Нион го дозна противникот во баражот за опстанок во Б-Лигата на нации.

„Црвено-жолтите“ по катастрофалниот настап и шесте порази на исто толку натпревари, за опстанок во овој сегмент за противник ќе ја имаат репрезентацијата на Кипар.

Нашите најдобри фудбалери осптанокот во Б дизивијата ќе се обидат да го изборат на домашен терен, бидејќи првиот натпревар избраниците на Седлоски го играат на 25 март следната година на Кипар, а реваншот е закажан за 28 истиот месец во Скопје.

БАРАЖ ПАРОВИ:

КИПАР – МАКЕДОНИЈА

ЕСТОНИЈА – РОМАНИЈА

ФАРСКИ ОСТРОВИ – ГРУЗИЈА

БЕЛОРУСИЈА – ИЗРАЕЛ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

МЗ: Потпишан петгодишен протокол за соработка со Универзитетот Тракија: обука за македонските здравствени работници во Едрене

Министерот за здравство Сашо Клековски и ректорот на Универзитетот Тракија од Едрене, проф. д-р Мустафа Хатиплер, денеска во Скопје потпишаа протокол за соработка во областа на здравството, со важност од пет години.

МЗ: Потпишан петгодишен протокол за соработка со Универзитетот Тракија: обука за македонските здравствени работници во Едрене

Протоколот е потпишан во рамки на проектот „Мостови на братството“ — балканска соработка во здравството и обука во текот на работата, што Универзитетот Тракија го спроведува со поддршка на Министерството за здравство на Република Турција. Македонија е третата земја вклучена во проектот, по Косово и Бугарија.

Соработката предвидува:

стручни престои и практична обука на македонски здравствени работници на Медицинскиот факултет и во Универзитетската болница во Едрене;

размена на знаење и клиничко искуство меѓу стручните тимови;

заеднички научни истражувања и стручни настани;

институционална соработка што, покрај медицината, ги опфаќа и стоматологијата, фармацијата и здравствените науки.

Протоколот е продолжение на меморандумот за разбирање во областа на здравството што министерот Клековски го потпиша со министерот за здравство на Република Турција, проф. д-р Кемал Мемишоглу, во октомври годинава во Истанбул, каде што стручната размена и специјалистичката едукација беа определени како приоритетни области.

Во делегацијата на Универзитетот Тракија беа и проректорот и декан на Медицинскиот факултет проф. д-р Седат Устундаг, деканот на Факултетот за стоматологија проф. д-р Али Јилмаз и директорот на Универзитетската болница проф. д-р Алкин Чолак.

„Договорите вредат онолку колку што од нив ќе почувствува корист еден пациент. Со овој протокол нашите здравствени работници добиваат место каде ќе се доусовршуваат, а знаењето што ќе го донесат останува тука“, изјави министерот Клековски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пожар на ортопедија во ГОБ 8 Септември

Пожар избувнал утрово во Градската општа болница „8-ми Септември“ во Скопје, на Одделот за ортопедија, поради што дел од пациетите морале да бидат евакуирани.

Пожар на ортопедија во ГОБ 8 Септември

Засега нема официјални информации каде точно избувнал пожарот, ниту која е причината за неговото настанување.

Пожарот е локализиран и, според информациите од надлежните служби, нема опасност од негово понатамошно ширење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер