Пристигна електричниот кросовер Renault Scenic (ВИДЕО) - Канал 5

Автомобилизам

Пристигна електричниот кросовер Renault Scenic (ВИДЕО)

Scenic до неодамна беше најпосакуваното Renault кога се во прашање семејствата, а исто може да биде и во иднина.

Пристигна електричниот кросовер Renault Scenic (ВИДЕО)

Култното име се врати, но сега во сосема ново издание. Претходникот веќе ги усвои манирите на кросовери, а новиот модел целосно се пресели во светот на кросоверите. Со целосно нов дизајнерски израз, Scenic доследно ги следи линиите на минатогодишниот концепт Vision Scenic.

Поставен на бандажи од 20 инчи, спортскиот, агресивно исечен новитет е со должина од 4470 mm, ширина 1864 mm и висина од 1571 mm. Тоа е забележливо отстапување од претходната генерација, а уште поважно е дека е за 271 mm подолг од Megane E-Tech.

Практичноста и просторноста се во фокусот, така што новиот Scenic нуди многу простор во кабината, бројни прегради и простори за складирање, а има и багажник со основни 545 литри.

И сега малку за еколошката страна. Рено сака да биде јаглеродно неутрален во Европа до 2040 година. Дел од напорите се видливи во Scenic, кој вклучува 24 проценти рециклирани материјали. 90 проценти од масата на возилото може да се рециклира, вклучувајќи ги и компонентите на батеријата. Единственото прашање е колку всушност ќе се рециклира.

Кабината можеби нема природна кожа, но има екран. Дигиталниот кокпит нуди стандардна дијагонала од 12,3 инчи, додека централниот инфозабавен екран базиран на Android има димензии од 12 инчи и е вертикално ориентиран. Multisense се уште е таму, а новитет е панорамското стакло Solarbay, кое може да се затемнува. Од Renault велат дека само со ова, односно отсуството на заштитна ролна, добиле дополнителни 30 mm простор за глава.

Технолошката основа е иста како кај претходните електрични модели, Nissan Ariye и Meganea E-Tech, а понудата се состои од две конфигурации на батерии и електромотори. Почетниот модел има 170 КС и 280 Nm, а со батерија од 60 kWh има автономија од 420 km. Помоќната опција испорачува 220 КС и 300 Nm, со поголема батерија од 87 kWh и досег од 620 km.

Перформансите не се познати, но се знае дека звучниот потпис на автомобилот го потпишува Жан Мишел Жар.

Има три нивоа на опрема, Techno, Esprit Alpine и Iconic, а продажбата ќе започне на почетокот на следната година.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДА: Секој ден се сеќаваме, еден ден не забораваме - 31-година од геноцидот во Сребреница

Пред точно 31 година беше извршен геноцид во Сребреница, која во тоа време беше заштитена зона на ОН.

СДА: Секој ден се сеќаваме, еден ден не забораваме - 31-година од геноцидот во Сребреница

Оваа година во Поточари ќе бидат погребани десет жртви. Жртвите кои годинава ќе бидат погребани биле на возраст од 20 до 56 години. Меѓу нив има и тројца млади луѓе кои во моментот на смртта биле во своите дваесетти години и кои дури сега ќе го најдат својот конечен мир.

Геноцидот во Сребреница е дел од колективната меморија на демократскиот свет. Генералното собрание на Обединетите нации ја усвои Резолуцијата 78/282 на 23 мај 2024 година, прогласувајќи го 11 јули за „Меѓународен ден на размислување и сеќавање на геноцидот во Сребреница од 1995 година“. Претставничкиот дом и Сенатот во САД уште во 2005 година, а подоцна и во 2015 и 2020 година, усвојуваа резолуции со кои злосторството во Сребреница недвосмислено се дефинира како геноцид.

Европскиот парламент преку неколку резолуции, а особено онаа од 2009 година, успеа да го воведе 11 јули како Ден на сеќавање на геноцидот во Сребреница на ниво на целата Европска Унија. Парламентите на Канада и Австралија, исто така, усвоија декларации кои го вклучија сребреничкиот геноцид во образовните програми и официјалните календари на сеќавање. Резолуции беа усвоени и во парламентите на Црна Гора, Северна Македонија, Хрватска, Косово и Албанија, со што се создаде еден вид „цивилизациски круг“ околу Босна и Херцеговина, во кој геноцидот се признава како заедничка болка и опомена.

Припадниците на Војската на Република Српска и нивните помагачи, по падот на Сребреница на 11 јули 1995 година, убија повеќе од 8.000 бошњачки мажи во низа масовни погубувања. Во мезарјето на Меморијалниот центар Сребреница - Поточари досега се погребани 6.772 жртви на геноцидот, додека 250 жртви се погребани во локалните гробишта по одлука на членовите на нивните семејства. По повеќе од илјада жртви на геноцидот во Сребреница сè уште се трага.

Меѓународниот суд на правдата во Хаг во 2007 година донесе пресуда во која се констатира дека во јули 1995 година во Сребреница, која тогаш беше „заштитена зона“ на ОН, Војската на Република Српска (ВРС) извршила геноцид.

Во рамките на одбележувањето на 31-годишнината од геноцидот врз Бошњаците во Сребреница, по комеморацијата, во Меморијалниот центар Сребреница-Поточари ќе се одржи верска програма.

Секој ден се сеќаваме, еден ден не забораваме!

СДА Македонија,

Тагови: Сребреница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Прва детска градинка во Долно Лисиче - важен чекор за подобра иднина

Општина Аеродром започнува постапка за реализација на една значајна иницијатива – изградба на првата детска градинка во Долно Лисиче.

Прва детска градинка во Долно Лисиче - важен чекор за подобра иднина

Овој проект претставува важен чекор кон создавање подобри услови за најмладите и поголема поддршка за семејствата.

Мнозинството во советот на Општина Аеродром, предводено од ВМРО-ДПМНЕ и коалицијата, даде согласност за отпочнување на постапка за изработка на потребната урбанистичка и проектна документација. Со ова се поставуваат темелите за понатамошна реализација на проектот и создавање нов простор за згрижување и развој на децата. Советничката група на Левица не го поддржа овој предлог.

Со посветена работа и чекор по чекор, продолжуваме да вложуваме во проекти што носат трајни придобивки за граѓаните. Грижата за најмладите и создавањето подобра иднина остануваат наш приоритет.

Општина Аеродром

Тагови: детска градинка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авион се урна на Бахамите: Нема преживеани (ВИДЕО)

Мал авион се урна на Бахамите, западно од главниот град Насау, при што загинаа сите 10 лица во авионот, соопштија денес локалните власти.

Авион се урна на Бахамите: Нема преживеани (ВИДЕО)

Цесна 402, управувана од локалната авиокомпанија Фламинго Ер, полета од меѓународниот аеродром Линден Пиндлинг во главниот град Насау во петокот кон аеродромот Сан Андрос.

Авионот наишол на тешкотии за време на летот и се урнал во грмушки кратко пред слетувањето, објави Би-Би-Си.

Премиерот на Бахамите, Филип Дејвис, првично изјави дека едно лице преживеало, но подоцна беше потврдено дека починало од повредите.

Идентитетите на жртвите, нивните имиња и возрасти, сè уште не се официјално објавени, објави Би-Би-Си.

Одделот за истрага на воздушни несреќи на Бахамите ја истражува точната причина за трагичната несреќа.

Бахамите, кои се наоѓаат во западниот Атлантски Океан северно од Карипското Море, вклучуваат повеќе од 700 острови и над 2.400 острови, а малите авиони се главно средство за транспорт меѓу островите.

Тагови: авион Бахами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер