Преку „Бал на цветовите“ ќе цвета фолклорот на Струмичкиот карневал - Канал 5

Забава

Преку „Бал на цветовите“ ќе цвета фолклорот на Струмичкиот карневал

Фолклорот и карневалот се длабоко поврзани преку традицијата, маската, играта и радоста на заедничкото славење.

Преку „Бал на цветовите“ ќе цвета фолклорот на Струмичкиот карневал

Карневалот отсекогаш бил простор каде што народот слободно ја изразувал својата креативност, дух и идентитет, а фолклорот е живиот чувар на тие вредности. Преку народните ора, песни и носии, ние ја оживуваме историјата, обичаите и духот на нашиот народ, токму она што карневалот го слави - автентичноста и колективната радост, вели Ленче Карачанакова, раководителка на Здружението за песни и ора „Фолклорна низа“, кое по шести пат ќе учествува на Струмичкиот карневал и вечер, на Големото карневалско дефиле, ќе се претстави со маската „Бал на цветовите“.

Маската ја симболизира радоста, разноликоста и будењето на природата, но и шаренилото на човечките емоции и традиции. Од „Фолклорна низа“ велат дека цветовите се вечен симбол на животот, обновата и убавината, исто како што фолклорот е жива традиција што постојано се обновува преку новите генерации.

-Балот претставува заедничка свеченост, место каде што сите се поканети да играат, да пеат и да се радуваат без разлика на возраст. Токму така и нашиот настап ги обединува децата и возрасните во едно заедничко оро, создавајќи сцена полна со боја, движење и насмевки. Преку „Бал на цветовите“ сакаме да ја прикажеме хармонијата меѓу традицијата и современиот карневалски дух. Секој учесник е како цвет во голем букет, различен, а сепак неопходен за целината. Заедно, тие ја создаваат сликата на жив, весел и горд фолклор што слободно чекори низ улиците на Струмица, го објаснува Карачанакова значењето на маската.

Додава дека Здружението со голема радост и гордост учествува на Струмичкиот карневал - настан кој претставува симбол на традицијата, радоста и заедништвото.

-Фолклорот и карневалот имаат многу заедничко: и двата се израз на народната култура, креативноста и желбата да се зачува духот на заедницата преку игра, песна, костими и обичаи предадени од генерација на генерација. Децата, но и повозрасните членови, со возбуда и гордост ги облекуваат народните носии, учат чекори и песни и со насмевка ја пренесуваат радоста што ја носи традицијата. За нив ова е незаборавно искуство - можност да бидат дел од нешто големо, да настапуваат пред публика и да ја почувствуваат силата на колективниот дух, посочува Карачанакова.

За учеството на Карневалот пресудна е големата желба да ја претстават македонската фолклорна традиција во едно современо, весело и шарено карневалско опкружување, бидејќи, како што велат, фолклорот не припаѓа само на сцените и фестивалите, туку и на улиците, меѓу луѓето, таму каде што се чувствува вистинската енергија на народот.

За децата,пак, учеството на карневалот е вистинска радост и незаборавно искуство.

-Тие со голем ентузијазам ги прифаќаат пробите, настапите и дружењето, чувствувајќи се горди што се дел од нешто поголемо. Насмевките, возбуда и позитивната трема пред настапот се најубав доказ дека преку вакви настани кај нив се гради љубов кон фолклорот и традицијата. Нашата цел со учеството на Струмичкиот карневал е да промовираме љубов кон традицијата, да поттикнеме младите да ја негуваат народната култура и да придонесеме за збогатување на културната понуда на нашиот град. Преку музика, песна и оро, сакаме да испратиме порака за заедништво, љубов и почит кон корените што не поврзуваат сите нас, рече на крајот раководителката на Здружението за песни и ора „Фолклорна низа“, Ленче Карачанакова.

Досега на Струмичкиот карневал играорките и играорците се претставиле со маските „Курназ баби“, „Цветовите на боговите“, „Магични празници“, „Сложувалки“, „Бранови на радоста“ и годинава со „Бал на цветовите“.

Инаку, годинава Струмичкиот карневал се одржува од 18 до 25 февруари. Главниот настан, карневалското дефиле, се одржува вечер, а утре е традиционалниот Детски карневал по повод празникот „Прочка“. /МИА

Тагови: Струмичкиот карневал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Линдзи Лохан сподели фотографии од одморот со сопругот и синот

Линдзи Лохан го завршува својот европското летување, а новите фотографии што ги сподели со обожавателите покажуваат дека го искористила максимално својот одмор.

Линдзи Лохан сподели фотографии од одморот со сопругот и синот

40-годишната актерка објавува детали од своето патување во последните недели, а во четврток сподели нови моменти од својот одмор на Инстаграм.

На фотографиите се нејзиниот сопруг Бадер Шамас и нивниот тригодишен син Луаи.

Таа сподели фотографии од својот одмор

„Ти благодарам, лето. Беше одлично“, напиша актерката која живее во Дубаи. „Благодарна сум за времето што го поминав со моите пријатели и семејство и за светот во кој живееме. Се чувствувам благословена.“ Покрај фотографиите од себе и пријателите, Лохан објави и неколку моменти со својот сопруг.

Парот, кој е во брак од април 2022 година, го поминал својот одмор на луксузен брод. Во претходните објави од нивниот одмор, таа откри дека била „некаде на море“ и се пошегува за својата „морска фризура“.

Иако Лохан ретко открива детали за животот на својот син, овој пат направи исклучок. Таа сподели неколку фотографии од Луаи како поминува време со својот татко додека пливаат и возат кајак.

„Следната деценија ќе биде поинаква“

Лохан неодамна се осврна на својот 40-ти роденден. Во објава на Инстаграм, таа го спомена своето минато и грешки и нагласи дека е благодарна за животните лекции и луѓето што останале покрај неа. Таа ја започна пораката со зборот „четириесет“ и се осврна на изминатите четири децении:

„Благодарна сум за секое поглавје што ме доведе до оваа точка. За лекциите, смеата, љубовта, неочекуваните пресврти и луѓето што беа со мене низ сето тоа. Оваа следна деценија се чувствува поинаку. Јас сум поприземјена, посвесна и посреќна. Ги славиме семејството, пријателството, новите почетоци и создавањето на најубавите спомени досега. Ви благодарам на сите за честитки за роденден.“

Извор: Индекс.хр

Тагови: Линдзи Лохан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Инстаграм го претстави „First Draft“

Функцијата ќе им се допадне на сите корисници на „Reels“.

Инстаграм го претстави „First Draft“

Инстаграм воведе нова опција за „Reels“ наречена „First Draft“, алатка што им овозможува на корисниците да креираат нови видеа со автоматско спојување на најдобрите клипови од постоечките снимки. Системот независно ги избира најинтересните делови и ги составува во првата верзија на видеото.

Автоматизирано креирање видеа

Новата функција работи со составување на работна верзија на нов „Reels“ врз основа на избраните видеа. Апликацијата ги извлекува најдобрите делови од секој клип и ги спојува во целина. „Само изберете ги вашите клипови и апликацијата ќе ги отстрани паузите и ќе ги скрати клиповите со еден допир. Ова ви дава основа за понатамошно уредување за само неколку секунди“, објасни Инстаграм.

Креаторите на содржини потоа можат да го уредуваат и прилагодуваат генерираниот нацрт според нивните сопствени преференции, што им олеснува да започнат со работа на нов проект. „Сè што генерира „First Draft“ може да се уредува подоцна. Корисниците можат да го прилагодат или преуредат кој било дел пред објавување“, соопшти компанијата, додавајќи: „Алатката го извршува почетното сечење на видеото, така што корисниците можат да се справат со помалку технички дел од продукцијата и побрзо да продолжат со креативната работа.“

Заштедете време и фокусирајте се на креативноста

Инстаграм верува дека оваа функција ќе го поедностави процесот на креирање содржина со тоа што ќе понуди клучни алатки на едно место. Корисниците позитивно реагираа на новината. „Ова заштедува огромно време на видеа каде што некој зборува во камерата“, коментираше еден корисник на „Treads“.

„Рачното отстранување на тишината трае цела вечност!“

Алатката е корисна затоа што им дава на креаторите почетна структура за нова содржина, користејќи материјали што веќе ги поседуваат. Нејзината важност се зголемува дополнително кога ќе се земе предвид дека гледањето „Reels“ сочинува приближно 50 проценти од вкупното време што корисниците го поминуваат на Инстаграм. Затоа интегрирањето на „Reels“ во редовното производство на содржини стана клучно.

Достапност и иден развој

Опцијата „First Draft“ моментално се воведува за корисниците на „iOS“ и се очекува наскоро да биде достапна и на „Android“. Корисниците можат да пристапат до неа директно од галеријата „Reels“ или преку камерата на „Instagram“. Некои корисници изразија желба да ја видат алатката интегрирана во посебната апликација „Instagram Edits“, што би можело да се случи во идно ажурирање.

Тагови: Инстаграм First Draft

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Голем јубилеј: „BMW“ брои до два милиони!

„BMW“ достигна важна пресвртница во својата електрична офанзива - германскиот производител испорача два милиони целосно електрични автомобили.

Голем јубилеј: „BMW“ брои до два милиони!

Продадениот модел за јубилејот беше „BMW i5 M60 xDrive“, произведен во фабриката во Динголфинг и испорачан на клиент во Шпанија.

Вклучувајќи ги и „plug-in“ хибридите, „BMW Group“ вели дека продала околу 3,5 милиони електрифицирани возила од 2013 година. Во првата половина на 2026 година, повеќе од еден од четири автомобили продадени од компанијата ширум светот имале некаков облик на електричен погон.

Европа го предводи патот

„BMW“ бележи особено силен раст на европскиот пазар. Продажбата на целосно електрични модели на„ BMW“ во Европа се зголеми за 38 проценти во вториот квартал на 81.445 возила.

Целосно електричните автомобили учествуваа со околу 28 проценти од вкупната продажба на „BMW“ во Европа во првата половина на 2026 година.

Растот на електричните возила не е ограничен само на „BMW“. Речиси 1,5 милиони целосно електрични автомобили беа регистрирани низ цела Европа до крајот на јули, што е зголемување од 30 проценти во споредба со истиот период минатата година.

Само во јули, електричните автомобили учествуваа со 35 проценти од пазарот на нови автомобили во Франција и 29 проценти во Германија, додека Данска достигна дури 80 проценти.

Новиот „iX3“ веќе привлекува клиенти

„BMW “ сега смета на големиот успех на новиот модел „iX3“. Компанијата вели дека бројот на нарачки се приближува до 100.000, а од неговото лансирање, секое трето електрично „BMW“ нарачано во Европа е „iX3“.

Уште поинтересно е што дури половина од сите нарачки за модели од семејството „BMW X3“ на европскиот пазар веќе се однесуваат на целосно електричната верзија.

Овој резултат покажува колку брзо се менува европскиот пазар на автомобили, но и колку „BMW“ сега има корист од повеќе од една деценија развој на електрични модели, што започна со лансирањето на тогаш многу неконвенционалниот „BMW i3“.

Извор:Б92

Тагови: BMW

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер